Nobelin palkindo

Nobelin palkindo (ruoč. Nobelpriset, angl. Nobel Prize) on yksi arvokkahimis rahvahienvälizis palkindolois, kudai joga vuottu miärätäh suuren tiedotutkimuksen, vallankumovuksien keksindölöin libo kul’tuurah libo yhteiskundan kehitykseh panoksen periä.

Nobelin palkindo on nimitetty dynamitan keksinyön ruoččilazen Al’fred Nobelin kunnivokse. Se on fiziekan, himien, liečetiijon, kirjalližuon da rauhan alal juattavu palkindo. Sežo on olemas muga sanottu talovustiijon Nobelin palkindo, kudai miärätäh vuvves 1969 algajen. Enzimäzet viizi palkindokategouriet perustettih Nobelin testamentan mugah vuonnu 1895 da enzimäzet palkindot juattih vuonnu 1901. Ruočin keskusbankan talovustiijon palkindo Al’fred Nobelin mustokse perustettih vuonnu 1968 da enzimäine palkindo annettih tuliennu vuonnu. Nobelin palkindoh kuuluu ližäkse läs miljonu jevruo den’gupalkinduo.

Paiči Nobelin rauhanpalkinduo, kai muut palkindot miärätäh Stokgol’man konsertukois Ruočis. Nobelin palkindo miärätäh Oslos. Rauhanpalkindon suajan piätetäh erilline komitiettu, kudai vallitah Norviegien parluamentu.

Palkindo voijah suaja vaigu eri ristikanzat, ei laitokset (paiči rauhanpalkinduo). Rauhanpalkindo voijah miärätä sego eri ihmizile, sego virrallizile da yhteiskunnallizile laitoksile. Gu komitietan ozanottajat ei löydy hyviä tevoksii, palkindo voi jiäjä juamattah. Sežo palkindo annetah vaigu hengis olijoile ristikanzoile. Piädokumentu, kudai miäriäy palkindon andamizen siännöt, on Nobelin rahaston ustuavu.