Baškiiroin kielen päivy
| Baškiiroin kielen päivy | |
|---|---|
 | |
| Tiippu | Ku'tuurine |
| Toizin | ba:Башҡорт теле көнө |
| Pandih alguh | Baškortostanan tazavallan piämiehen Radii Habirovan käskys |
| Pietäh | vuvves 2015 |
| Päivymiäry | 14. talvikuudu |
| Liittyy | baškiiroin runolijan sa opastajan Miftahetdin Akmullan roindupäiväs |
Baškiiroin kielen päivy on päivy, kudai on omistettu baškiiroin kielen säilyttämizele, suojelemizele da kehittämizele. Baškiiroin kieli on valdivollizennu kielenny Baškortostanan tazavallas ven'an kielen rinnal. Se kuuluu altailazen perehen t'urkskoloin kielien joukkoh da sil on rikas histourii da kul'tuuru.
Baškortostanan tazavallan piämiehen Radii Habirovan käskyn mugah vuvves 2019 baškiiroin kielen päiviä pietäh 14. talvikuudu[1][2].
Histourii
Baškiiroin kielen päivän piendän idei rodih tarbehes säilyttiä da kehittiä kanzallistu kieldy, ližätä kiinnostustu sih nuorižon keskes. Baškiirat ollah Baškortostanan tazavallan kandurahvahii da heijän kielel on suuri rouli kanzallizen omaluadužuon da kul'tuuruperindön säilyttämizes.
Päivymiäry — 14. talvikuudu — pruazniekan pidämizekse ei olluh petties vallittu: sinäpiän oli roinnuhes kuulužu baškiiroin runoilii da opastai Miftahetdin Akmulla.
Sidä päiviä ruvettih pidämäh vuvves 2015 Baškiiroin kogo muailman kongresan alguhpanos Baškortostanan tazavallan kanzoin assamblein da Baškortostanan tazavallan opastandan da tiijon ministerstvan kannatuksel. Vuvves 2019 sil on virralline stuatussu. Muamankielen opastamine da omien sugujuuriloin tutkimine, vahnembien da ezi-ižien kunnivoičus on vältämätöi joga siviiliristikanzah nähte. Enzikse, se kehittäy hänen syväinmuailmua, toizekse, kebjendäy toizien kielien opastundua[3].
Piendyperindöt
Baškiiroin kielen päivänny pietäh erilazii pidoloi, kudamien tarkoituksennu on kielen popul'arizacii da kehittämine. Školis da korgeiškolis pietäh baškiiroin kielele da literatuurale omistettuloi urokkoi, luajitah runoloin lugijoin kilboi, toizii erilazii kilboi. Pietäh konsertoi, ozutteluloi da toizii kul'tuurutapahtumii, kus suau kuulta pajoloi da runoloi baškiiroin kielel.
Sinäpiän Baškortostanas da sen ulgopuolel pietäh erilazii pidoloi kui online, mugai offline-muvvos.
Eri huomavuo kiinitetäh baškiiroin runoilijoin da kirjuttajien literatuurutuotandon säilyttämizeh da kehittämizeh. Sinäpiän puaksuh mustellah moizii kuulužii literatuurutoimijoi kui Miftahetdin Akmulla, Šaihzada Babič, Mažit Gafuri da toizii.
Sinäpiän ilmoitetah enne piettylöin kilboin voittajii.
Kaikkih pidoloih otetah ozua tazavallan kul'tuuru- da opastuslaitokset[4][2].
Huomavukset
- ↑ День башкирского языка. Башкирский институт социальных технологий (филиал) Образовательного учреждения профсоюзов высшего образования «Академия труда и социальных отношений». 14 декабр 2022.
- ↑ 1 2 Как в республике отметят День башкирского языка. Башинформ. 7.12.2022.
- ↑ «Мелодичный башкирский язык». Culture.ru.
- ↑ Сегодня в Башкортостане отмечается День башкирского языка. Министерство культуры Республики Башкортостан. 14 декабря 2022 года.