Battlefield 6

On otettu Рувики-späi
Battlefield 6
Battlefield 6.png
Kehittäi Battlefield Studios
Ilmahpiästäi Electronic Arts
Sarjan oza Battlefield
Kižas ilmoitandupäivymiäry 24. heinykuudu vuvvennu 2025
Ilmahpiäständypäivy 10. ligakuudu vuvvennu 2025
Žanru šuter enzimäzes persounas
Tehniellizet tiijot
Platformu Windows, PlayStation 5, Xbox Series X/S
Ohjelmisto Frostbite
Kižan tila monen käyttäjän, yhten käyttäjän koooperatiivukiža
Halličendu tiedokonehnäppäimistö[d], hiiri[d] da geimpad[d]
Virraline verkosivusto
Логотип РУВИКИ.Медиа Медиафайлы на РУВИКИ.Медиа

Battlefield 6 on Battlefield Studios-kehittäjien tiedokonehkiža žanras šuter enzimäzes persounas PlayStationah 5, Xbox Seriesah X/S da Windowsanke tiedokonehih niškoi[1]. Ilmahpiäständypäivänny on 10. ligakuudu vuvvennu 2025[2].

Kižan tapahtumat mennäh vuozien 2027 da 2028 välil, konzu rodieu konfliktu NATON hallennuon aljansan da yksittäzen Pax Armata -sodakorporacien välis, kudaman rahoittajannu ollah aljansan endizet valdivot[3]. verratunnu Battlefieldah 2042 BF6:s kiännytettih tävvellizeh juondehkampanii yksinkižah. Yhtel aigua kižan enzimäzen kavvenke piästettih ilmah Battlefield Redsec — "kuningastoran" ilmaine kuri [4].

Juondeh

Kižan tapahtumat mennäh nygyaigazes settingas, kus piäkohtannu on riidu NATON da yksittäzen sodakorporacien Pax Armata välil. Tämä laitos, kudaman rahoittajinnu on NATON endizet muat, ezimerkikse, Francii on varattavu, se voi tuvva vahinguo muailman järjestyksele[1][5].

Kižan pohjannu ollah suuret sodariijat, kudamis piärouli on tankoin, ambujien lendokonehien da muuloin sodatehnikan lajiloin yhtevyksel. Juondehen keskikohtas on idei sit, ku totualizen voinan ololois kižuajan joukko on kaikis verellizimannu oružannu[1][5].

Kižan meno

Battlefield 6 on monen käyttäjän šuter enizmäzes persounas, kudaman pohjannu ollah suuret bojut da taktizet yhtevykset kižuajien välil. Kehittäjät kiännyttih perindöllizeh kluassusistiemah, kieldävyttih ammattimiehien koncepcies, — kižuajat voijah vallita yhten monis roulilois, jogahizel ollah omat ainavoluaduzet nero, varustukset da oružat. Moine sistiemu ezittäy syvimiä taktistu yhtes toimindua da specializaciedu joukon sydämes verratunnu ammattimiehien sistiemah kižas Battlefield 2042. Kluassoih kiändymine on luajittu joukkokižan lujittamizekse da joga roulin bojutanderel merkittävembäkse luadimizekse[1][6]. On olemas nelli kluassua[7]:

  1. Valloittai: käyttäy valloitusvintouhkua; ruttoh rubieu ambumah juoksendan jälles da vaihtau oružua käis.
  2. Inženieru: käyttäy pistoliettua-pulem’uottua; on tarku ambui lannes ambujes PP:späi;
  3. Kannattai: käyttäy käzipulem'uottua; säilyttäy juoksun standartuvauhtin RP:n käyttäjes;
  4. Tiijustelii: käyttäy tarkahambujan vintouhkua; sil on pienembi tiähtävön keilumine, maltau pitkembäh piettiä ilmua tiähtävös da teriämbäh ambuo snaiperkua käyttäjes[7].
  • Virrallizet skrinšotat kižas Battlefield 6
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Kižah kuulutah suuret bojut levielöil kartoil, niilöih voi ottua ozua 64 kižuajassah[8]. Ližäkse kižah Battlefield 6 kuulutah[1]:

  • jalguvägibujut: bojut mual eriluadustu ammunduoružua da gadžiettua  (ven.) (olo. käyttäjen;
  • ilmubojut: torat ambujien lendokonehien välil;
  • hävittäi ymbäristö: ymbäristön ozien hävittämine voi andua taktistu eduu;
  • levei arsenualu: monii kymmenii erilastu bujutehniekkua, niilöin luvus ollah tankat da muut mašinat;
  • uvvet mehaniekat: mahto vediä ruanittuloi dovariššoi turvallizih kohtih da azettua kogonazii tehtävii vihollizele; löydösistieman kehitys (angl. Spotting Mechanic)[1].

Ezitetty oružu

Insaideroin tiedoloin mugah kižan tävvellizes versies ruvetah käyttämäh moizii oružan lajiloi:

Kluassu Malli
Valloitusvintouhkat
  • SCAR-L
  • QBZ-192
  • MSBS GROT
  • SCAR-SC
  • SIG 553
  • Tavor 7
  • ACE32
  • AK-205
  • G36
  • HK417
  • HK433
  • SA80|L85A3
  • M4A1
  • M27 IAR
Pistolietat-pulem’uotat
  • MP5 MLI
  • [MP7A2
  • MPX
  • P90
  • Vector
  • UMP 40
  • APDW
  • APC10
Käzipulem’uotat
  • MG4K
  • Minimi
  • РПК
  • M60E6]]
  • Ultimax
  • M240
  • M250
Tarkahambujan vintouhkat
  • MRAD
  • СВ-98
  • Mini Fix
  • M2010 ESR
Marskamanskoi vintouhku
  • СВЧ
  • СВД
  • XM7
  • ARA DMR
  • G3A4
  • M39 EMR
  • M14 EBR
  • Kel-Tec RFB
Droboviekat
  • DP-12
  • 5KSK
  • 590A1
  • M1014
Pistolietat
  • Raging Hunter
  • TRR8
  • Five-seveN
  • Glock 22
  • M18
  • M45A1
Granuattoinheittäjät
  • AT4
Lähimäzeh bojuh niškoi
  • Pal’l’u

Histourii da livuttamine

Enzimäzet uudizet tulies kižas Battlefield-sarjas  (ven.) (olo. oldih 16. syvyskuudu vuvvennu 2024: silloi EA Studios-joukon piämenedžeru Vins Zampella ilmoitti, ku uvven tuottehen tapahtumat roijah nygyaigazes settingas. Häi sanoi sežo kižan kaikis kunnivonhimozekse EA:n histouries da ližäi, ku sidä kehittämäs on nelli kižastuudiedu: DICE, Motive, Ripple Effect da Criterion (yksinkižatilan kehittämzeh otti sežo ozua Ridgeline Games, ga vuvven 2024 allus se salvattih)[9].

3. tuhukuudu vuvvennu 2025 EA tovesti, ku uuttu kižua kehittämäs on yhtistys Battlefield Studios. Kižaprojektu sai koudunimen Battlefield Labs; ezitettih enzimäine treileru, kudai ozutti kižan menuo[10]. Samal aijal algavui salvattu testiiruičendu, sen kadrat peitoči puututtih verkoh kevätkuul vuvvennu 2025[11].

Kižan virrallizes nimes tiijustettih 19. heinykuudu[12]; 21. heinykuudu rodih tietois, ku enziallus kiža oli suadavis avvonazen beta-testiiruičendan  (ven.) (olo. avul[13]. Tossupiän stuudii EA ilmoitti, ku kižan virralline anonsu rodieu 24. heinykuudu[14], a revilua vaste kehittäjät sanottih, ku kižas piävastustajinnu roijah yhtistykset Pax Armata da NATO[15]. Miärätynny päivänny jullattih treileru, senke yhtes mainittih, ku 31. heinykuudu rodieu monen käyttäjän tilan prezentacii[16].

Anonsutreileru Battlefieldas 6

Heinykuun 30. da 31. päivien välizel yöl kižasarjan ezittäjät jullattih 15-sekundahine multiplejeran tizer, ga ruttoh otettih sen iäre. Videos oldih kižan kadrat da ilmahpiäständypäivy — 10. ligakuudu vuvvennu 2025[2]. Ližäkse, 31. heinykuudu insaiderat  (ven.) (olo. ilmoitettih, ku elokuul rodieu julgizen testiiruičendan kolme vaihettu: enzimäine algavuu 7. elokuudu, rodieu suadavis piäzyavaimien vuoh (net suajah edutilavukses libo strimoin kačondas Twitchal) 48 čuasun aigah; toine rodieu avvoi kaikile tahtojile 9.—11. elokuudu; kolmas — 14.—17. elokuudu[17].

28. elokuudu vuvvennu 2025 Electronic Arts da kehittäjät Battlefield Studiospäi ezitettih treleiran kižan tiedokonehversies. Tietois roittih sežo kižan tehniellizet vuadimukset. Uskaldetah, ku se rubieu kannattamah 4K-rezol’uciedu, rajattomua kadrupuaksuvuttu, ul’tralevielöi näyttölöi (21:9, 32:9) da enämbiä 600 erilastu azetustu[18].

Syvyskuun allus vuvvennu 2025 verkos ruvettih ozuttamah geimpleidu Battlefield 6, sit ezitettih mahtonalastu lijan da pölyn mehaniekan suitandan järilleh kiändymisty, midä ei olluh Battlefieldas 2042. Lyhyös ozutukses ezitettih kui oružu ligavuu bojun aigah[19].

Kiža piäzi ilmah 10. ligakuudu vuvvennu 2025 samal aigua kaikil platformoil. Battlefieldan piämenedžeran Bairon Bidan ilmoituksen mugah kahtes enzimäzes nedälis kiža ennitti kai franšizan rekordat da rodih vuvven 2025 suurimii ilmahpiäzemizii[4].

21.—22. ligakuudu vuvvennu 2025 kižan virrallizes yhtevykses Steamas oli äijy pahoittelustu Iččenäzien valdivoloin yhtymän kižuajis. Hyö hätken ei voidu ottua yhtevytty Battlefieldan 6 serveroih, sih nähte saneltih toizis tehniellizis fourumois[20].

28. ligakuudu vuvvennu 2025 piäzi ilmah suuri uvvistus 1.1.1.0, kudai parandi kižaprocessua luguh ottajen liikundan animacien muokkuandua, oružan balansua, valguo da iändy. Samannu piän algavui enzimäine kauzi nimel «Rogue Operations», kudai jagavui kolmeh fuazah[21]:

  • Fuazu 1 (28. ligakuudu): ližättih kartu Blackwell Fields, kuri Strikepoint, kolme uuttu oružan lajii; pandih rattahile Battlefield Redsec.
  • Fuazu 2 «California Resistance» (18. kylmykuudu): ližättih kartu Eastwood, kuri Sabotage da kiännyttih mehaniekkah Battle Pickups.
  • Fuazu 3 «Winter Offensive» (9. talvikuudu): ližättih erilline kauzitapahtumu[21].

Tehniellizet vuadimukset

Minimuallizet (1080p, 30 kadrua/s, gruafiekan alahazet azetukset)

  • ОС: Windows 10 (64 bitua);
  • processoru: Intel Core i5-8400 libo AMD Ryzen 5 2600;
  • videokartu: Nvidia GeForce RTX 2060, AMD Radeon RX 5600 XT libo Intel Arc A380;
  • videomusto: 6 Gbaitua;
  • operatiivumusto: 16 Gbaitua;
  • DirectX: 12;
  • tallendustilas: 55 Gbaitua HDD:l.

РEhoitetut (1440p, 60 kadrua/s, korgiet azetukset / 1080p, 80+ kadrua/s, alahazet azetukset)

  • ОС: Windows 11 (64 bitua);
  • processoru: Intel Core i7-10700 libo AMD Ryzen 7 3700X;
  • videokartu: Nvidia GeForce RTX 3060 Ti, AMD Radeon RX 6700 XT libo Intel Arc B580;
  • videomusto: 8 Gbaitua;
  • operatiivumusto: 16 Gbaitua;
  • DirectX: 12;
  • tallendustilas: 90 Gbaitua SSD:l.

Vuadimukset "Ul'tra" (4K, 60 kadrua/s, azetukset "Ul'tra"/ 1440p, 144 kadrua/s, korgiet azetukset)

  • ОС: Windows 11 (64 bitua);
  • processoru: Intel Core i9-12900K libo AMD Ryzen 7 7800X3D;
  • videokartu: Nvidia GeForce RTX 4080 libo AMD Radeon RX 7900 XTX;
  • videomusto: 16 Gbaitua;
  • operatiivumusto: 32 Gbaitua;
  • DirectX: 12;
  • tallendustilas: 90 Gbaitua SSD:l[18].

Beta-testiiruičendu

4. elokuudu vuvvennu 2025 rodih suadavis kižan edutallendamine. Terväh kižuajat ovvostettih, ku kižua ruadamah pannes Windowsas tarvitah aktiviruittuu funksiedu Secure Boot, se alguperäzien azetuksien mugah on otettu käytöspäi monil käyttäjil[22]. EA edukädeh piästi ilmah nevvot funksien aktivicaziekse[23]:

  1. PainaldakkuaWin + R, anna msinfo32 da lujua.
  2. Ikkunas "Tieduo sistiemas" tarkastakkua, ku BIOS Mode — UEFI, а Secure Boot State — Off (ku ollou On, nimidä ruadua ei pie).
  3. Varmistakkua, ku moduli TPM 2.0 on aktiivine: Win + R → tpm.msc → stuatussu "valmis käyttämäh".
  4. Tarkastakkua sistiemudiskan ozan laji:
    1. Win + X → "Diskoin halličendu" → oigei näppäily diskua myöte OSDisk (C:) → "Ominažuot" → oza ven. «Тома».
    2. Kentäs Partition style pidäy olla GUID Partition Table (GPT).
    3. Ku ollou kirjutettu MBR, konvertiiruikkua disku käskyl mbr2gpt /convert /disk:0 /allowFullOS haldivoiččijan käskyrivis.
  5. Avakkua "Windowsan parametrat" → "Sistiemu" → "Elävyttämine" → "Tallenduksen erillizet variantat" → "Tallendua uvvessah nygöi", sit vallikkua "UEFI Firmware Settings".
  6. Jälles uvvelleh piäzyy mengiä BIOS/UEF da azettakkua arvoEnabled. Ku parametri ei olle aktiivine, enzimäi todevuttakkua Reset Secure Boot Keys libo andakkua BIOS-haldivoiččijan peittosanat.
  7. Varmistakkua, ku OS Type on azetettu Windowsal UEFI Mode.
  8. Siirdykkiä ozah Exit da vallikkua "Save Changes & Reset". Tiedokoneh rubieu uvvessah toimimah käytöh otetun Secure Bootanke.
  • Uvvessah pangua ruadamah msinfo32; kentäs Secure Boot State pidäy olla On.
  • Pangua EA-kiža ruadamah — ilmoitus tarvittavas Secure Boot häviey.

Interfeisu BIOS/UEFI eruou eri tuottajil. Ku punktat ei olla yhtenjyttymät, kiändykkiä teijän emälevyn libo tiedokonehen dokumentacieh. Tävvelline virralline instrukcii on suadavis linkas. Avvonaine beta-testu Battlefield 6 rodih sit sarjas suurimakse. 9. elokuudu Battlefield 6 -beta-testiiruičendan huippuaijal oli 521 079 hengie. Tämän tunnuksen mugah eduversii puutui kuulužiman 20 kižan joukkoh Steamas kaikes aijas[24].

Huomavukset

  1. ↑ 1 2 3 4 5 6 Battlefield™ 6 в Steam. Steam. Kačondan päivymiäry: 8. syvyskuudu 2025.
  2. ↑ 1 2 Утечка подтвердила дату выхода Battlefield 6 — Electronic Arts раньше времени показала тизер нового трейлера. 3DNews.ru. Kačondan päivymiäry: 8. syvyskuudu 2025.
  3. ↑ Дебютный видеоролик Battlefield 6 раскрывает захватывающее будущее культовой серии. Electronic Arts. Kačondan päivymiäry: 5. kylmykuudu 2025.
  4. ↑ 1 2 Battlefield REDSEC стартует одновременно с первым сезоном Battlefield 6. Electronic Arts. Kačondan päivymiäry: 5. kylmykuudu 2025.
  5. ↑ 1 2 Battlefield 6 first trailer reveals the thrilling future of the iconic series. Electronic Arts. Kačondan päivymiäry: 8. syvyskuudu 2025.
  6. ↑ Prepare for Battlefield 6 - Coming Soon! Electronic Arts. Kačondan päivymiäry: 8. syvyskuudu 2025.
  7. ↑ 1 2 Battlefield 6: All the info on the new shooter, Red Bull. Kačondan päivymiäry: 8. syvyskuudu 2025.
  8. ↑ Electronic Arts анонсирует Battlefield 6 уже на этой неделе — запущен обратный отсчёт до выхода первого трейлера. 3Dnews.ru. Kačondan päivymiäry: 8. syvyskuudu 2025.
  9. ↑ Exclusive: Vince Zampella Confirms Next Battlefield Will Use Modern Setting, First Concept Art Revealed. IGN. Kačondan päivymiäry: 8. syvyskuudu 2025.
  10. ↑ First Official Look at New Battlefield Gameplay as EA Reveals Battlefield Labs. IGN. Kačondan päivymiäry: 8. syvyskuudu 2025.
  11. ↑ PSA: Early Battlefield 6 Footage Seems to Have Leaked Online. IGN. Kačondan päivymiäry: 8. syvyskuudu 2025.
  12. ↑ Battlefield 6 is seemingly just called Battlefield 6, according to leaked packages sent to content creators that might signal a reveal from EA soon. Games Radar. Kačondan päivymiäry: 8. syvyskuudu 2025.
  13. ↑ Battlefield 6 Open Beta Confirmed, Will Include This Key Change. GameSpot. Kačondan päivymiäry: 8. syvyskuudu 2025.
  14. ↑ Battlefield 6 to Be Officially Revealed This Week. IGN. Kačondan päivymiäry: 8. syvyskuudu 2025.
  15. ↑ Battlefield 6 Campaign Teaser Shows NATO Under Attack, and Includes the Return of the Series' Classic Theme. IGN. Kačondan päivymiäry: 8. syvyskuudu 2025.
  16. ↑ Battlefield 6 - Official Reveal Trailer. IGN. Kačondan päivymiäry: 8. syvyskuudu 2025.
  17. ↑ Battlefield 6 Suffers Significant Leaks Ahead of Official Multiplayer Reveal. IGN. Kačondan päivymiäry: 8. syvyskuudu 2025.
  18. ↑ 1 2 «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 3DNews - Daily Digital Digest (28 elokuudu 2025). Kačondan päivymiäry: 8. syvyskuudu 2025.
  19. ↑ Утечка геймплея Battlefield 6 показала возвращение реалистичного загрязнения оружия (9 syvyskuudu 2025). Kačondan päivymiäry: 10. syvyskuudu 2025.
  20. ↑ Российские игроки в Battlefield 6 пожаловались на проблемы с доступом к игре, Cybersport.ru (22 ligakuudu 2025). Kačondan päivymiäry: 22. ligakuudu 2025.
  21. ↑ 1 2 EA поделилась подробностями крупного обновления 1.1.1.0 для Battlefield 6 - патч выйдет 28 октября. Playground.ru. Kačondan päivymiäry: 5. kylmykuudu 2025.
  22. ↑ Любавин, Игорь. Для Battlefield 6 на ПК необходима функция Secure Boot — в EA рассказали, как её включить. Kačondan päivymiäry: 8. syvyskuudu 2025.
  23. ↑ Как работает безопасная загрузка на ПК. EA. Kačondan päivymiäry: 8. syvyskuudu 2025.
  24. ↑ Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 3DNews - Daily Digital Digest (11 elokuudu 2025). Kačondan päivymiäry: 8. syvyskuudu 2025.
Lähteh - "https://olo.ruwiki.ru/w/index.php?title=Battlefield_6&oldid=126361048"