Bur'atoin kielen päivy
| Bur'atoin kielen päivy | |
|---|---|
 Эмблема Дня бурятского языка | |
| Tiippu | Республиканский праздник |
| Virrallizesti | ven. День бурятского языка bur. Буряад хэлэнэй үдэр |
| Merkičys | muamankielen säilyttämine da kehittämine |
| Pandih alguh | vuvvennu 2006 |
| Pietäh | Bur'atien tazavallas |
| Päivymiäry | joga vuottu, ligakuun nelläs piätteniččy |
Bur'atoin kielen päivy (bur. Буряад хэлэнэй үдэр) on pruazniekku, kudai on omistettu muamankielele. Enzikerdua Bur'atien tazavallas sidä piettih vuvvennu 2006. Bur'atoin kielo on Bur'atien tazavallan valdivolline kieli[1]. Tazavallas ruatah zakonat "Bur'atien tazavallan kanzoin kielih nähte[2], "Bur'atoin kielen kannattamizes Bur'atoin tazavallan valdivollizennu kielenny"[3].
Täl aigua eri tiedoloin mugah on 31 8000-36 9000 bur'atoin kielen maltajua. Ven'an alovehil — Bur'atien tzavallas, Irkutskan alovehel da Baikalantagavuon alovehel, bur'atoin perindällizil eländyalovehil bur'atoin kieldy käytetäh argielokses da yhteiskunnallizes elokses. Täk kielel piästetäh ilmah kniigoi da lehtilöi, opastus- da metoudiekkukirjalližuttu, ollah TV-programmat, ymbäri suutkien ruadai ruadivo «Буряад ФМ» da TV-kanualu «Буряад ТВ», on sežo verkosivustuo, juokkuo socialuverkolois da messendžerois.
Histourii
Bur'atoin kielen päivän perustajinnu ollah Bur'atien tazavallan piämies, Bur'atien tazavallan halličus, Bur'atien tazavallan Rahvahan Hural da Kogo Bur'atien kul'tuuroin kehitysliitto. Enzikerdua Bur'atoin kielen päiviä piettih vuvvennu 2006. Vuvvennu 2007 Bur'atien tazavallan enzimäine piämies Leonid Potapov 02.04.2007 piästi ilmah käskyn № 205-р "Tazavallan Bur'atoin kielen päivy -pruazniekan piendä"[4]. Bur'atoin kielen päivy on pruazniekku, kudamua pietäh ligakuun nelländenny piätteniččän, Bur'atoin kielen kuun lopus.
Piendy
Täl aigua roinnuon perindön mugah pruazniekkua pietäh ligakuun lopus joga vuottu loppijen Bur'atoin kielen kuun. Bur'atien tazavallan halličus hyväksyy Bur'atoin kielen kuun pidoloin da projektoin pluanan. Kuun aigah piälinnas da piirilöis pietäh erilazii pidoloi: kilboi, tiedokilboi, lugijoin, ainehkirjutuksien, bur'atoin kielen da kirjalližuon metoudiekkuruadoloin, verkosivustoloin luajindan, kilboi, saneluloi, pietäh čellendžuloi. Vuvvennu 2024 Bur'atoin kielen kuu oli omistettu Ven'al ilmoitetun Perehen vuvvele. Bur'atoin kielen pruazniekkupivos palkitah Bur'atien tazavallan palkindon laureattoibur'atoin kielen kehitysalal «Үндэһэн хэлэнэй үлзы хэшэг» — "Muamankielen pyhä lahju".