Dol'f Lundgren
| Dol'f Lundgren | |
|---|---|
 | |
| Roindunimi | ruoč. Hans Lundgren |
| Roindupäivy | 3. kylmykuudu 1957[1] (68 vuottu) |
| Roindukohtu |
|
| Mua | |
| Toimindu | hiimiekku, ozuttelii, kino-ohjuaju, kinoprod'usseru, inženieru, dz'udojistu, käzikirjutuksien kirjuttai, modeli, kulakkutoruaju, karatistu, kinoartistu, kul'turistu |
| Akku | Anette Qviberg[d] |
| Lapset | Greta Lundgren[d] da Ida Lundgren[d] |
| Palkindot da arvonimet | |
| Verkosivusto | dolphlundgren.com (angl.) |
 Медиафайлы на РУВИКИ.Медиа | |
Dol'f Lundgren (ven. Дольф Лундгрен, ruočč. Dolph Lundgren; roin. 3. kylmykuudu 1957[1], Spånga[d], Stokgol'mu[d] libo Stokgol'mu[2]) amierikkalaine ozuttelii, kino-ohjuaju, käzikirjutuksien kirjuttai da prod’usseru, kudamal ollah ruoččilazet juuret. Lundgren sai kuulužuon roulilois vuozien 1980-1990 trillerois da on torataijon muasteri.
Eloskerdu
Lundgren on roinnuhes Stokgol'man lähäl. Hänen tuattah opastuksen mugah oli inženieru da ruadoi ekonomistannu Ruočin haldivos. Muamah opasti vierahii kielii školas. Vie nuorennu Lundgren kiinnostui torataidoh, rubei harjaittamah kökusinkaidu. Vuvvennu 1977 häi rodih Ruočin čempionakse da kolme vuottu händy niken ei voinnuh voittua. Vuvvennu 1980 Lundgren sai oman suuriman voiton sportas – rodih Velikobrituanien avvonazien kilboin voittajakse.
Vuvvennu 1985 nevvostolazen kulakkutoruajan Ivan Dragon roulin ezitettyy Rocky IV -fil’mas Lundgren rodih kuulužakse da sen jälgeh hänel oli rouliloi enämbi migu 50 fil’mas. Vuvvennu 2004 häi enzikerdua luadi oman kinon, oli Puolistai-fil’man ohjuajannu.
Paiči kinoloin luajindua Lundgrenal puutui suaja hyvät tulokset toizil aloil. Häi on hiimiezen mašinoinrakenduksen magistru (Sidnein tehnolougine yliopisto, 1982) da Massachusettan tehnolougizen Fulbrightan programman stipendien suannuh. Lundgren kaksi kerdua oli Velikobrituanien avvonazien kilboin voittajannu (1980, 1981), Avstrualien čempionannu (1982) kökusenkais (eräs karaten laji), oli Amierikan Yhtysvaldoin Olimpiuadukižoin pentatlonan joukkovehen kapituanannu. On kuulužu bodybildingan alal.
Lundgren hätken aigua oli naizis Anett Kviberganke, heile rodih kaksi tytärdy. Vuvvennu 2011 joukkoviestimis sai lugie, ku hyö ruvetah eruomah[3].
Vuvvennu 2023 Lundgren nai 27-vuodizes Emma Krokdalas[4].
Huomavukset
- ↑ 1 2 Dolph Lundgren // filmportal.de — 2005.
- ↑ 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #130587230 // Gemeinsame Normdatei (нем.) — 2012—2016.
- ↑ Дольф Лундгрен пустил под откос брак и карьеру (10. kevätkuudu 2011). Kačondan päivymiäry: 14. ligakuudu 2025. Arhiviiruittu 27. pakkaskuudu 2012
- ↑ 65-летний Дольф Лундгрен женился на ровеснице дочери. Актер взял в жены 27-летнюю фитнес-тренера Эмму Крокдал (рус.). www.rbc.ru (20. heinykuudu 2023). Kačondan päivymiäry: 15. ligakuudu 2025.