Indii
.svg){kind=link}
Indii (hindi भारत , angl. India), virralline nimi – Indien tazavaldu (hindi भारत गणराज्य, angl. Rebublic of India)- valdivo Suvi-Aazies. Rahvahan lugumiäry on 1 282 526 hengie (vuozi 2015), pinduala on 3 287 263 km², nämmien merkilöin mugah Indii on Suvi-Aazien suurin mua. Rahvahan lugumiärän mugah Indii on toizel kohtal, pindualan mugah on seiččemendel kohtal. Piälinnu on Uuzi Deli. Virrallizet kielet ollah hindi da anglien kieli.
Liittovaldivo, parluamentutazavaldu. Indii jagavuu 29 ozavaldivoh da 7 liittoaloveheh. Indii rajoittuu Pakistuananke päivänlaskus, Kitainke, Nepalanke da Butananke koillizes, Bangladešanke da Mjanmanke päivännouzus. Merel Indii rajoittuu Maldiivoinke lounahas, Šri-Lankanke suves da Indoniezienke liidehes. Džamman da Kašmiran ozavaldivoloin kiistanalazet alovehet rajoitutah Afganistuananke.