Kanzalline verenandajan päivy Ven'al
| Kanzalline verenandajan päivy Ven'al | |
|---|---|
 | |
| Pandih alguh | 20. tuhukuudu vuvvennu 2007 |
| Pietäh |
 Ven'anmua |
| Päivymiäry | 20. sulakuudu |
| Piendy | joga vuottu |
| Perindöt | palkiččemizet, konferensiet |
| Liittyy | enzimäzeh lykykkähäh gemotransfuuzieh Ven’an valdukunnas |
Kanzalline verenandajan päivy Ven'al on Ven'an pruazniekku, kudamua pietäh joga vuottu 20. sulakuudu. Ruadokoudeksan mugah se ei ole huogavopäivänny. Se sovitettih enzimäzeh lykykkäkäh gemotransfuuzieh Ven’an valdukunnas, se luajittih 20. sulakuudu vuvvennu 1832.
Histourii
20. sulakuudu vuvvennu 1832 piiteriläine akušieru Andrei Vol’f enzikerdua luadi lykykkähän gemotransfuuzien lapsensuajale naizele, kudamal oli synnytysverenvalumine[1]. Häi käytti Džeims Blandellan apparuattua da metoudiekkua, kudai enne (25. syvyskuudu vuvvennu 1818) luadi lykykkähän gemotransfuuzien Londonas[2]. Jälles Vol’f vie kuuzi kerdua andoi ližiä verdy voimattomile, sit tädä moneh kerdah ruadoi ven’alaine liäkäri da hirurgien professoru Sergei Kolomnin.
20. tuhukuudu vuvvennu 2007 Ven’an Federacien valdivolline Duumu hyväksyi Kanzallizen verenandajan päivän istundol, kudamal paginale otettih verenannon ongelmii da verenpalveluu[3]. Vuvves 2008 Ven’an Federacien tervehyshoidoministerstvu da Federualline liečetiedo-luonnontiijolline agenstvu todevutetah suurdu omatahtozen veren da sen komponentoin andamizen kehittämizen ohjelmua[4]. Vuvven 2024 tiedoloin mugah Verenpalveluh kuuluu 487 laitostu, läs 100 tuhattu liečetiedoalan korgeitazostu ruadajua[5].
Pruazniekan perindöt
Kanzallizennu verenandajan päivänny Ven’al pietäh lehtistökonferensieloi liečetiedoalan ruadajienke, temuattizii ozutteluloi, konferensieloi. Liečetiedokeskukset da -stansiet pietäh ližäakcieloi verenandamizes[6]. Sinäpiän palkitah kanzalazii, kudamat annettih verdy da sen komponentua[7]. Ven’an kunnivoverenandajinnu ollah rahvas, kudamat ilmai annettih verdy da sen komponentoi 40 kerdua libo annettih plazmua 60 kerdua. Rynnäsmerkin ližäkse Ven’al eläjät suajah ližähelpotuksii, niilöin luvus on ilmaine ajelendu yhteiskunnallizes transportas[8].
Ližätiedoloi
- Vuvvennu 2005 hyväksyttih Muailman verenandajan päivy. Sidä pietäh 14. kezäkuudu, pruazniekku on sovitettu Karl Landšteineran roindupäiväkse, häi on Nobelin palkindon laureattu fiziolougies da liečetiijos ristikanzan verenjoukkoloin avuamizes[9].
- Federuallizen liečetiedo-luonnontiijollizen agenstavan tiedoloin mugah veren varuamine Ven’al vuvvennu 2024 verratunnu iellizeh vuodeh kazvoi 6:l % da oli 2,6 miljonua litrua, enämbi 458 tuhattu verenandajua rubei kuulumah federuallizeh registrah[6].
- verenandajien lugu Suuren Ižämuallizen voinan aigah oli 5,5 miljonassah hengie, toimii armii sai enämbän 1,7 miljonua konserviiruittuu verdy, kudamua käytettih 7 miljonan ližän veren andamizes. Voinuvuozinnu Nevvostoliiton kunnivoverenandai -rynnäsmerkin sai 15 000 tuhattu hengie[10].
Verenandajat kuulužien rahvahien keskes
- Džeki Čan — alalleh andau verdy, vuvvennu 2002 rodih Kanuadan veripalvelun verenandajakse Smoking-fil’man kuvavuksien aigah.
- Krištianu Ronaldu — vuvvennu 2008 oli Ruskien ristan sčota-laitoksen ilvienny, on luuydimen andajannu.
- Džessika Al’ba andau verdy lapsien gospitalih nähte.
- Jekaterina Striženova — rubei andamah verdy vie studentannu olles[4].
- Tatjana Navka — vuvvennu 2011 oli LG-laitoksen poslannu verenannandan alan kehittämizes[11].
Huomavukset
- ↑ Национальный день донора в России. gkdc1.ru. Kačondan päivymiäry: 17. sulakuudu 2025.
- ↑ Есть повод гордиться. Медицинская газета (17. sulakuudu 2007). Kačondan päivymiäry: 17. sulakuudu 2025.
- ↑ Национальный День донора крови в России, РИА Новости (11 sulakuudu 2025). Kačondan päivymiäry: 17. sulakuudu 2025.
- ↑ 1 2 Навка сдаёт кровь168#id1887947 Звездная кровь, Коммерсантъ (20 sulakuudu 2022). Kačondan päivymiäry: 18. sulakuudu 2025.
- ↑ Вероника Скворцова: В России донорство является не только почетной и благородной миссией, но и важнейшей государственной задачей. bloodfmba.ru (11. kezäkuudu 2024). Kačondan päivymiäry: 18. sulakuudu 2025.
- ↑ 1 2 «Единая Россия» организует по всей стране мероприятия к Национальному дню донора крови. er.ru (16. sulakuudu 2025). Kačondan päivymiäry: 17. sulakuudu 2025.
- ↑ 14 июня — Всемирный день донора крови: традиции, тема и мероприятия 2024 года, Известия (13 kezäkuudu 2024). Kačondan päivymiäry: 17. sulakuudu 2025.
- ↑ Национальный день донора в России. pnp.ru (20. sulakuudu 2020). Kačondan päivymiäry: 17. sulakuudu 2025.
- ↑ Всемирный день донора крови, РИА Новости (14 kezäkuudu 2024). Kačondan päivymiäry: 17. sulakuudu 2025.
- ↑ Любопытные факты. yadonor.ru. Kačondan päivymiäry: 17. sulakuudu 0202.
- ↑ Татьяна Навка стала послом донорства. sport-express.ru (20. sulakuudu 2011). Kačondan päivymiäry: 18. sulakuudu 2025.