Kanzoinväline muailman kandurahvahien päivy
Kanzoinväline muailman kandurahvahien päivy (toizil Yhtistynnyzien Kanzukundien kielil: angl. International Day of the World’s Indigenous Peoples, aruab. اليوم الدولي للشعوب الأصلية في العالم, isp Día International de las Poblaciones Indígenas, kit. 世界土著人民国际日, fran. la Journée internationale des populations autochtones ) on pruazniekku, kudamua pietäh 9. elokuudu. Vuvvennu 1994 Yhtistynnyzien Kanzukundien Piäassamblei piätti (rezol'ucii № 49/214 23. talvikuudu), ku Kanzoinvälizen muailman kandurahvahien vuozikymmenenden aigah Kanzoinvälisty muailman kandurahvahien päiviä ruvetah pidämäh joga vuottu 9. elokuudu, Kandurahvahien ruadojoukon enzimäzen istundon päivänny.
Vuvven 2004 talvikuun 20. päivän rezol'ucies № 59/174 Piäassamblei Kanzoinvälizen muailman kandurahvahien toizen vuozikymmenenden louzungal "Tegoloin da arvon vuozikymmenes" hyväksyttyy sanoi jatkua toizen vuozikymmenenden aigah Kanzoinvälisty muailman kandurahvahien päivän piendiä. Assamblei kyzyi Yhtistynnyzien Kanzukundien piäsekretarii kehoittamah halličuksii pidämäh tädä päiviä kanzallizel tazol.
22. syvyskuudu vuvvennu 2009 Yhtistynnyzien kanzukundien Sekretariuattu piästi ilmah erinomazii tälle Kanzoinvälizele päiväle omistettuloi poštumarkoi[1]
Omas vuvven 2005 kirjazes Yhtistynnyzien kanzukundien piäsekretari kučui andua uskalduksen
…levendiä soliduarižuon ymbäristön kandurahvahienke da yhtes heijänke ruadua, ku hyö voidas kehittyö rauhan da turvalližuon ololois samal aigua ristikanzan oigevuksii kunnivoijen, kudamii monil heis hätken ei olluh.
Päivän tiemat
- 2021 — "Nikedä ei jätetä jällele: kandurahvas da kučču uudeh yhteiskunnallizeh sobimukseh"
- 2020 — "COVID-19 da kandurahvahien lujus"
- 2019 — "Kandurahvahien kielet"
- 2018 — "Migracii da kandurahvahien siirrot"
- 2017 — "Yhtistynnyzien Kanzukundien kandurahvahien oigevuksien deklaraciele 10 vuottu"
- 2016 — "Kandurahvahien oigevus opastukseh"
- 2015 — "Ruadopluanat jälles 2015 vuottu: kandurahvahien tervehyön da hyvinvoindan turvuamine".
- 2014 — "Katkuandan ylittämine: kandurahvahien oigevuksien täyttämine".
- 2013 — "Kandurahvahien aljansoin luadimine: sobimuksien da toizien konstruktiivizien sobimuksien noudamine".
- 2012 — "Joukkoviestimet kandurahvahien käis da palvelukses"
- 2011 — "Kandurahvahien luomisruado: perindölöin da kul'tuuroin arvostamine, oman tulevažuon luadimine "
- 2010 — "Kinonluadijat, kudamat kuulutah kandurahvahih"[2]
- 2009 — "Kandurahvas da AIDS"
- 2008 — "Sobu da yhteisruado valdivoloin da kandurahvahien välil"
- 2007 — "Kandurahvahien kielien säilyttämizen vältämätöi tarbeh"
- 2006 — "Aljansu tegoloih da arvoh niškoi"
- 2005 — "Kandurahvahien azii - on meijän azii"
- 2004 — "Kanzoinväline muailman kandurahvahien vuozikymmenes"
Huomavukset
Kačo ližäkse
- Kanzoinväline muailman kandurahvahien vuozi (1993)
- Kanzoinväline muailman kandurahvahien kielien vuozi (2019)