Kanzoinväline rahvahanvallan päivy
| Kanzoinväline rahvahanvallan päivy | |
|---|---|
 | |
| Päivymiäry | 15. syvyskuudu |
Kanzoinväline rahvahanvallan päivän (toizil Yhtistynnyzien Kanzukundien kielil: kit. 国际民主日, fran. la Journée internationale de la démocratie ) pani alguh Yhtistynnyzien Kanzukundien Piäassamblei 13. talvikuudu vuvvennu 2007 rezol'ucies halličuksien pyrgivymizien kannattamizes rahvahanvaldoin kehittämizekse da lujoittamizekse (Rezol'ucii № A/RES/62/7). Sidä pietäh joga vuottu 15. syvyskuudu vuvves 2008 algajen. Kanzoinväline rahvahanvallan päivy pandih alguh Parluamentoin välizen liiton syvyskuus vuvvennu 1997 hyväksytyn Yhtehizen rahvahanvallan deklaracienke yhtes.
Rezol'ucies kehoitetah Yhtistynnyzien Kanzukundien ozanottajii valdivoloi, valdivollizii da ei-valdivollizii yhtistyksii, rahvahii pidämäh tädä päiviä rahvaskunnan tiijoittamizekse. Rezol'ucies potakoijah Yhtistynnyzien Kanzukundien Piäsekretarii ottamah ozua toimiloih, ku Yhtistynnyöt Kanzukunnat piettäs Kanzoinvälisty rahvahanvallan päiviä.
Yhtistynnyzien Kanzukundien Piäsekretari Pan Gi Mun omas kirjazes 15. syvyskuudu vuvvennu 2009 pani merkile, ku[1]:
Rahvahanvaldu ei ole vai ičessäh tärgei, ga se on vie vägevy faktoru, kudai stimuliiruiččou sociualu-talovuollistu kehitysty, kanzoinvälizen sovun da turvalližuon pidämisty da piälimäzien oigevuksien da vällyzien kunnivoičendua.Pan Gi Mun, Yhtistynnyzien Kanzukundien Piäsekretarin kirjaine 15. syvyskuudu vuvvennu 2009
Päivän vuozitiemat
- 2009 — "Rahvahanvaldu on…"
- 2010 — "Rahvahanvaldu da vuozituhanden kehityksen piämiärät"
- 2011 — "Rauhu da rahvahanvaldu: luadikkua nenga, ku teijän iäni kuultas"
- 2012 — "Opastus rahvahanvaldah nähte"
- 2013 — "Lujoittakkua rahvahanvallan iänii"
- 2014 — "Nuorižon ozanotandu rahvahanvallas"
- 2015 — "Tila siviiliyhteiskundah nähte"
- 2016 — "Pyzyjän kehityksen ruadopluanu vuodessah 2030"
- 2017 — "Rahvahanvaldu da riijoin vastustamine"
- 2018 — "Rahvahanvaldu stresan aigah: piätökset muuttujah muailmah nähte"
- 2019 — "Ozanotandu"
- 2020 — "Rahvahanvallan palvelu pandemien COVID-19 aigah"
- 2021 — "Rahvahanvallan lujuon parandamine tulieloin kriizissoin ies"