Kanzoinväline ufologan päivy
| Kanzoinväline ufologan päivy | |
|---|---|
.jpg) | |
| Toizin | UFON päivy |
| Päivymiäry | 2. heinykuudu |
| Piendy | joga vuottu |
| Perindöt | pietäh festivualiloi, kost'umukulguloi, tiedo-ozutteluloi |
| Liittyy | UFOS |
Kanzoinväline ufologan päivy libo UFON päivy on paranormualizien ilmivölöin da objektoin tutkijoin ammatilline pruazniekku, kudamua pietäh joga vuottu 2. heinykuudu.
Ufolougii-terminy ottau allun anglienkielizes lyhendykses UFO (Unidentified Flying Object), mi ven'an kieles on НЛО (неопознанный летающий объект).
Histourii
Pruazniekan piendypäivy on liittyy vuvven 1947 tapahtumih, konzu Yhtysvaldoin Nju-Meksiko-ozavaldivos hiekkumuas ei loitton Rozuell-linnua pakui tundematoi objektu[1]. Smietittih, ku se on "lendäi torielku" toizis planietoispäi tulluzienke. Yhtelläh nedälin peräs sodamiehet piästettih Breizelan (löydi tundemattomat jiännökset), kudai sanoi ruadivos, ku hänen löytyt jiännökset oldih zondannu, ga pani merkile, ku se ei olluh meteozondan jyttyine, kudai enne pakui hänen muatilale. Tuliel aigua tiijot tämän dielon mugah oli peitetty, ku ei suattua rahvaskundua hairovuksih. Sit aijas muailmas rahvas jagavuttih kahteh läs samanverdazeh joukkoh: niilöih, ket uskotah muailman ulgopuolizih civilizacieloih da niilöih, ket vastustetah sidä[2].
Pruazniekan piendy
Tämä tapahtumu on pannuh alguh ufolougien histourien. Tämän Muailman UFON päivän nimeh Rozuellas joga vuottu pietäh festivualiloi, kudamis on läs 200 tuhattu ozanottajua, luajitah kost'umukulguloi da erillizii ozutteluloi. Tädä pruazniekkua sežo pietäh toizis kehitynnyzis mualois[3].
Hos Ufologan päivy ei ole virralline pruazniekku, ga azientiedäjät, kudamat tutkitah ilmivölöi, kudamil ei ole lougizii sellityksii, toivotah, ku se hyväksytäh tuliel aigua.