Kirill Rihter

On otettu Рувики-späi
Tarkastettu kirjutus
Kirill Rihter
Richter by Igor Klepnev.jpg
Piätiijot
Täyzi nimi
Roindupäivy 7. talvikuudu 1989(1989-12-07) (36 vuottu)
Roindupaikku Naro-Fominsk, Moskovan aloveh, Ven'an federatiivine socialistine nevvostotazavaldu, Nevvostoliitto
Muat

 Nevvostoliitto→

 Ven'anmua
Ammatit säveldäi, pianistu
Toiminduvuvvet 2015 — nygyaigu.
Soittimet fortepiano
Žanrat neoklassiekku
readymag.com/u48367288/kirillrichter/8/
Логотип РУВИКИ.Медиа Медиафайлы на РУВИКИ.Медиа

Kirill Maksimovič Rihter (roinnuhes 7. talvikuudu vuvvennu 1989, Naro-Fominsk, Moskovan aloveh, Ven'an federatiivine socialistine nevvostotazavaldu, Nevvostoliitto) on pianistu da säveldäi, Ven'an minimalizman da neoklassiekan ezittäi.

Kirill Rihter on vuvven 2018 Muailman jalgumiäččykilvan muuzikkutieman kirjuttajannu. Toizet hänen kuulužat sävelmät ollah: "In Memoriam", ven. «Черновик», ven. «Тема дома» da sežo fortepianosävelmy "Chronos"[1][2].

Rihter kirjuttau tevoksii fortepianoh, kamarijoukkoloih da simfouniiorkestroih nähte, sežo muuzikkua tegijän kinoh, fantastiekkublokbasteroih, nygyaigazen horeogruafien spektakliloih nähte; ezittyy yhtehizis konsertois ulgomualazien neoklassiekkumuuzikkumiehienke[3].

Eloskerdu

Aigazet vuvvet

Kirill Rihter on roinnuhes 7. talvikuudu vuvvennu 1989 Moskovan lähäl. Hänen tuattah — sodamies, muamah — opastai-defektoulogu, velli rodih taidoilijakse, ruadau tiedokonehkižoin alal. Muuzikkumiehenny hänen perehes oli vaiku died'oi, kudai soitti klarnietal[1].

Lapsennu Kirill soitti ei-ammatillizes fortepianotrios. Muuzikan alguopastuksen sai eksternan vuoh: vuvven opastujen kodiopastajanke, opastui soittamah fortepianol da piälimäzih muuzikkuainehih. Tovelline muuzikkuopastus — Naro-Fominskan linnan muuzikkuškolan № 3 yksi kluassu (piäzi opastumah 15-vuodizennu, loppi sen yhtes vuvves ruskien diplomanke). 16-vuodizennu Rihter rubei kirjuttamah muuzikkua[4][5][1].

Vuvvennu 2006 Kirill Rihter piäzi opastumah Moskovan inženierufiizizen instituutan Obninskan ozastoh (inženierusuunnittelun da dizainan tiedokundu) da kiitettävästi loppi sen vuvvennu 2010. Sit kaksi vuottu ruadoi suavun ammatin mugah: taittoi lehtie da luadi logotiippoi. Vuvvennu 2012 piäzi opastumah Brituanien dizainan korgeiškolah (Hartfordširan yliopisto, London) sobadizainan tiedokunnale, kudaman loppi vuvvennu 2016 korgeviman ballanke da sai Yhtistynnyön Kuningaskunnan halličuksen abudengat da kanzoinvälizen tiedoarvonimen — taijon bakalavru. Jälles diplomututkinduo ellendi, ku tahtou kiändyö muuzikkah[4][5][1].

Konsertat da al'boumat

Vuvves 2013 algajen Kirill Rihter rubei luadimah kamarikonsertoi, kudamis ezitti omii tevoksii, da kirjuttamah enzimäzii tevoksii kielisoittimih nähte[4]. Hänen enzimäzii ruadoloi ollah "Anna", "In Memoriam", "Ophelia"[6][1].

Vuvvennu 2016 erähii omien val'soin tallenduksii SoundCloud: le sijoitettuu sai kučun kirjuttua al'boumu "Towards The Beloved City" yhtes ruoččilazen leiblanke 1631 Recordings[7][1]. Vuvves 2016 muuzikkumies pidäy konsertoi Richter Trioh kuulujannu (violončelilsoittajan Avgust Krepakanke da viululsoittajan Al'ona Zinovjevanke)[1].

Vuvvennu 2017 oli Kirill Rihteran enzimäine merkičykselline konsertu Nevvostoloin taloin kolonnuzualas (ven. Колонный зал Дома Союзов)[8][9]. Vuvves häi pidi kymmenii konsertoi, siirdyjen solofortepianoezityksis konsertoih Ven'an tundiettuloin orkestroinke[1]. Merkičyksellizembii konsertoi ollah säveldäjän ezitykset yhtes Hristosan Pellastajan kirikön kielisoitinorkestranke[10] da Moskovan zualas "Zar'adje"[1].

Sulakuul vuvvennu 2019 piäzi ilmah Rihteran enzimäine al'boumu Ven'al — "Chronos"[11], kudamah kuuluttih hänen fortepianoh, viuluh da violončelih nähte tevoksien stuudiiversiet[3]. Jälles al'bouman ilmah piäzendiä Rihter lähti ozuttelumatkoih plastinkan kannattamizekse[1].

Rihter ezitti omii tevoksii Jevroupan kuulužimil konsertuploščadkoil, niilöin luvus ollah Al'bert-holl Londonas, El'ban filarmounii Gamburgas da toizet[12].

Vuvvennu 2021 yhtes Maniža-pajattajanke Rihter piästi ilmah pieni konsertual'bouman "Russian Woman Show", kudai kirjutettih heijän ezityksen aigua Nižnii Novgorod -linnan 800-vuozipäivänny[13].

20. heinykuudu vuvvennu 2023 Moskovan Pyhien Pedrin da Puavilan kirikös piettih Rihteran uvven simfounien enzi-ildu, se oli omistettu muuzikan da arhitektuuran yhtistymäle da kirjutettu piädykauti eländykompleksah Symphony 34 nähte. Tevoksen ezitti nygyaigazen muuzikan orkestru LS Orchestra organalsoittajan Vladimir Skomorohovan avul. Sävelmän piäideinny rodih perindölöin da nygyaijan yhtiständy[14].

Luomisruavon eričykset

Rihter kirjuttau muuzikkua klassiekan da avangardan, sähköeksperimentoin da akustizen soitandan rajal. Ičehäi vastustau hänen tevoksih liittyjii "neoklassiekan" da "minimalizman" leimoi, hos terminy "ekspressiivine minimalizmu" ozakse ozuttau hänen tuotandon syväindy[15][7].

Iče säveldäi nenga sanou omis tevoksis: "Minun muuzikku on saundtrek elaigah nähte, net hetket, kudamat tapahtuttih minunke. Histouriet, kudamii minä sanelen, kajahtetahes toiziengi elaijois. Juuri silloi rodieu moine tundo, ku myö pagizemmo yhtel kielel"[15].

Moris Ravel'an da Sergei Prokofjevan tuotandoh innostunnuh muuzikkumies lujoittau, ku suvaiččou muuzikas minimuallizii da perindöllizii keinoloi, akadiemizii soittimii. Pyrgivyjes rajallizeh tarkuoh da kuundelijoin huomavon halliččemizeh muuzikkumies on sidä mieldy, ku täh tavoitteheh händy lähendäy ellendettävy rajoitus, a ei erinomazien soittimien da elekroniekan käytändy[16].

Teatruallizet projektat

Säveldäi rodih The Frames -tansiperfomansan kirjuttajakse, kudai ozutettih Taidoilijan keskustalois Ven'an da Kataran kul'tuuruvälizen vuvven hantuzis. Balietan artistan Sergei Poluninan ezitys meni The Song of Distant Earth -sävelmän myödäh[17]. Tevos kirjutettih Dohas, Kataran piälinnas, sih ruadoh otettih ozua Kataran filarmouniiorkestran muuzikkumiehet, kudamat käytettih sežo kanzallizii aruabielazii muuzikkusoittimii[1].

Rihteran toizih ruadoloih teatrah nähte kuulutah: muuzikku horeogruaffizeh Huavelii-noumerah, kudai luajittih yhtes Živih Iljanke — Mariinskoin teatran tansijanke (enzi-ildu oli syvyskuul vuvvennu 2016)[15][18], da ozutelmu "In Time We Trust", kudai luajittih Kanuadan Kanzallizeh baliettah nähte[1].

Festivualiloih ozanotandu

Kirill Rihterua tundietah Jevroupan muuzikkutevolližuos muailman kuulužih muuzikkufestivualiloih ozanotandas. Niilöin joukos ollah germuanielaine festivuali Reeperbahn (2017, Gamburgu)[19], gollandielaine Classical:Nex (2018, Rotterdam)[20], brituanielaine The Great Escape (2018, Braiton)[21] da toizet[22].

Ruavot kinos da televiideniel

Vuvvennu 2018 Kirill Rihteran portfolioh liženi ruaduo televiidenieh da kinoh nähte. Amierikkalaine TV-yhtevys FOX Sports kučui muuzikkumiehen kirjuttamah virrallistu tiemua FIFAn 2018 Muailman jalgumiäččykilvan ozutandah nähte. Sävelmy, kudai sai nimen "Where Angels Fear to Tread — FOX Sports Original Soundtrack" toziazies rodih muailman sportutapahtuman gimnakse Pohjas- da Suvi-Amierikan kaččojih nähte[23][24].

Säveldäi rodih saundtrekoin kirjuttajakse ven. «Черновик»-tiijollis-fantanstiellizeh blokbasterah nähte, kudai kuvattih samannimizen Sergei Lukjanenkon romuanan mugah[25]. Ivan Tverdovskoin ven. «Подбросы»-druamah nähte (angl. Jumpman), kudai sai Kinotavr-festivualin palkindoloi, säveldäi kirjutti al'bouman "Jumpman (Original Motion Picture Soundtrack)", kudamas klassizen kielisoitinkvartietan mehanistine soitandu ozuttau "žiälöiččemättömän yölinnan iänilöi: transformuattoroin huminehtu, čäigehlampoin hurizendua, sirienoin iänilöi"[26][1].

Vuvvennu 2019 säveldäi rodih Kinopoezija-projektan erähän lyhyön fil'man saundrekan kirjuttajakse. Häi kirjutti sežo saundtrekat ohjuajan Anna Melik'anan kahteh ruadoh nähte: ven. «Я иду к тебе» -lyhyöh fil'mah da ven. «Фея-trillerah nähte[1]. Vuvvennu 2020 Kirill Rihteran sävelmiä ven. «Механизмы» käytti Apple oman ven. «Эрмитаж. Снято на iPhone 11 Pro — кинопутешествие по великому музею» -rouliekan rekluamas.

Diskogruafii

  • 2016 — Towards The Beloved City[6];
  • 2018 — Jumpman (Original Motion Picture Soundtrack), EmuBands[6][27];
  • 2019 — Chronos (EmuBands)[28];
  • 2019 — In Memoriam[27];
  • 2020 — The Songs of Distant Earth[28][27];
  • 2025 — Towards the Beloved City[29].

Huomavukset

  1. ↑ 1 2 3 4 5 6 7 8 9 10 11 12 13 14 Кирилл Рихтер. Вокруг ТВ. Kačondan päivymiäry: 12. pakkaskuudu 2024.
  2. ↑ Кирилл Рихтер. Last.fm. Kačondan päivymiäry: 12. pakkaskuudu 2024.
  3. ↑ 1 2 Кирилл Рихтер. Новосибирская филармония. Kačondan päivymiäry: 12. pakkaskuudu 2024.
  4. ↑ 1 2 3 Рихтер Кирилл Максимович. Союз Композиторов России. Kačondan päivymiäry: 12. pakkaskuudu 2024.
  5. ↑ 1 2 Яковлев С. 12 апостолов: Кирилл Рихтер // Esquire : журнал. — 2017. — 15 tuhukuudu (№ 130). Архивировано 24 pakkaskuudu 2019 года.
  6. ↑ 1 2 3 Кирилл Рихтер. 24СМИ. Kačondan päivymiäry: 12. pakkaskuudu 2024.
  7. ↑ 1 2 Букина Е. Кирилл Рихтер vs Павел Карманов: Мы играем музыку собственных шестеренок в мозгу. Сноб (29. kezäkuudu 2017). Kačondan päivymiäry: 12. pakkaskuudu 2024. Arhiviiruittu 15. elokuudu 2018
  8. ↑ В Большом колонном зале Дома Союзов пройдет концерт Sound Up. Коммерсантъ (25. kylmykuudu 2016). Kačondan päivymiäry: 12. pakkaskuudu 2024. Arhiviiruittu 24. pakkaskuudu 2019
  9. ↑ Гусарова Ю. Hauschka и Кирилл Рихтер на концерте SOUND UP №8. Сноб (21. kylmykuudu 2016). Kačondan päivymiäry: 12. pakkaskuudu 2024. Arhiviiruittu 26. kylmykuudu 2016
  10. ↑ Гусарова Ю. Концерт Кирилла Рихтера со струнным оркестром в Храме Христа Спасителя. Сноб (16. kylmykuudu 2017). Kačondan päivymiäry: 12. pakkaskuudu 2024.
  11. ↑ Кирилл Рихтер, «Мальбэк», Cream Soda и другие талантливые молодые музыканты. Vogue (22. ligakuudu 2018). Kačondan päivymiäry: 12. pakkaskuudu 2024. Arhiviiruittu 3. oraskuudu 2019
  12. ↑ Концерт Кирилла Рихтера и Richter Trio. ВДНХ. Kačondan päivymiäry: 12. pakkaskuudu 2024.
  13. ↑ Манижа выпустила концертный EP Russian Woman Show совместно с Кириллом Рихтером. Esquire (24. syvyskuudu 2021). Kačondan päivymiäry: 12. pakkaskuudu 2024. Arhiviiruittu 23. talvikuudu 2021
  14. ↑ Бобина А. Кирилл Рихтер написал симфонию по мотивам архитектуры ЖК Symphony 34. РБК (24. heinykuudu 2023). Kačondan päivymiäry: 12. pakkaskuudu 2024.
  15. ↑ 1 2 3 Киселёва Ю. Музыка: концерт Sound Up в Доме Союзов — блиц-интервью с Кириллом Рихтером и Hauschka. Posta-magazine (30. kylmykuudu 2016). Kačondan päivymiäry: 12. pakkaskuudu 2024.
  16. ↑ Кирилл Рихтер. Sound Up (19. syvyskuudu 2017). Kačondan päivymiäry: 12. pakkaskuudu 2024.
  17. ↑ Сергей Полунин: премьера перформанса The Frames. Buro 24/7 (14. talvikuudu 2018). Kačondan päivymiäry: 12. pakkaskuudu 2024.
  18. ↑ Петров О. Сны на пороге реальности: хореографические опыты Ильи Живого // Культура Урала : журнал. — 2020. — Октябрь (№ 8 (84)). — С. 34–39.
  19. ↑ Programmarchiv (нем.). Reeperbahnfestival. Kačondan päivymiäry: 12. pakkaskuudu 2024. Arhiviiruittu originualaspäi 30. pakkaskuudu 2019
  20. ↑ Kirill Richter (англ.). Classical:NEXT. Kačondan päivymiäry: 12. pakkaskuudu 2024. Arhiviiruittu 30. pakkaskuudu 2019
  21. ↑ Heading To The Great Escape? Here’s Who You Should Catch (англ.). Clash (18. oraskuudu 2018). Kačondan päivymiäry: 12. pakkaskuudu 2024. Arhiviiruittu 30. pakkaskuudu 2019
  22. ↑ Kirill Richter & Richter Trio. Richter Trio. Kačondan päivymiäry: 12. pakkaskuudu 2024.
  23. ↑ Кирилл Рихтер написал музыкальную тему чемпионата мира по футболу для телеканала Fox Sports. Esquire (5. heinykuudu 2018). Kačondan päivymiäry: 12. pakkaskuudu 2024. Arhiviiruittu 25. pakkaskuudu 2019
  24. ↑ Andrei Savochkin. From Russia With a World Cup Theme Song (англ.). The Moscow Times (5. heinykuudu 2018). Kačondan päivymiäry: 12. pakkaskuudu 2024. Arhiviiruittu originualaspäi 24. pakkaskuudu 2019
  25. ↑ Черновик (2018). Кинопоиск. Kačondan päivymiäry: 12. pakkaskuudu 2024.
  26. ↑ «Звуки безжалостного ночного города»: у Кирилла Рихтера вышел альбом с музыкой к фильму «Подбросы». Esquire (22. kylmykuudu 2018). Kačondan päivymiäry: 12. pakkaskuudu 2024. Arhiviiruittu 24. pakkaskuudu 2019
  27. ↑ 1 2 3 Kirill Richter. deezer. Kačondan päivymiäry: 12. pakkaskuudu 2024.
  28. ↑ 1 2 Кирилл Рихтер. Rate your music. Kačondan päivymiäry: 12. pakkaskuudu 2024.
  29. ↑ Kirill Richter Official (англ.). kirillrichter.com. Kačondan päivymiäry: 14. ligakuudu 2025.

Linkat

Lähteh - "https://olo.ruwiki.ru/w/index.php?title=Kirill_Rihter&oldid=126361663"