Kirjutustaijon päivy
| Kirjutustaijon päivy | |
|---|---|
 | |
| Toizin |
angl. International Literacy Day |
| Merkičys | yhteiskunnan vägilöin aktivizacii kirjutustaijon levittämizekse |
| On pandu alguh | 1966 |
| Alguhpanii | Muailman opastanduministroin konferensii kirjahmaltamattomuon hävittämizekse (Tegeran, 1965) |
| Päivymiäry | 8. syvyskuudu |
Kirjutustaijon päivy (toizil Yhtistynnyzien Kanzukundien kielil: kit. 国际扫盲日, fran. la Journée internationale de l'alphabétisation ) on pruazniekku, kudamua pietäh 8. syvyskuudu. Jogavuodizen kirjutustaijon päivän on ilmoitannuh UNESCO vuvvennu 1966 Muailman opastanduministroin konferensien kirjahmaltamattomuon hävittämizekse kehoitukses, se piettih Tegeranas syvyskuul vuvvennu 1965. Syvyskuun 8. päivy oli tämän konferensien avuandupäivänny.
Tämäm päivän tarkoituksennu on yhteiskunnan vägilöin aktivizacii kirjutustaijon levittämizekse, se on UNESCON ruavon piälimäzii aloi.
- Vuvvennu 2002 Yhtistynnyzien kanzukundien Piäassamblei (rezol'ucii № A/RES/56/116) ilmoitti Yhtistynnyzien Kanzukundien Kirjutustaijon vuozikymmenen.
- Tulien vuon Piäassamblei (rezol'ucii № A/RES/57/166) hyväksyi Yhtistynnyzien Kanzukundien Piäsekretarin ezitetyn "Yhtistynnyzien Kanzukundien ruadopluanan Kirjutustaijon vuozikymmenekse" da ilmoitti UNESCON ohjailijakse vuozikymmenen aigah piettävien pidoloin livuttamizekse kanzoinvälizel tazol. Sinäpiän juatah UNESCON erillizii palkindoloi (15 000 dollarua jogahine) effektiivizile alguhpanoloile kirjahmaltamattomuon hävittämizes. Enne kaikkie net ollah projektat Pohjas-Afriekas, Suvi- da Päivänlasku-Aazies, Liideh-Aazies, Latinan Amierikas, Aruabien Emiruatois da Kitais[1].
Vuvvennu 2016 monis mualois piettih pruazniekkupidoloi tämän kanzoinvälizen päivän 50-vuozipäivän hantuzis tunnussanoil "Mennytty aigua lugijen, kirjutammo tuliedu aigua".
Statistiekkutiijot
Vuvvennu 2005 vähembi 50 muado andoi mahton alguopastuksen suandah. Vuvvennu 2005 läs 20 % muailman täyzi-igästy rahvastu oldih kirjahmaltamattomat.
Kanzoinvälizen päivän vuozitiemat
- 2006 — "Kirjutustaido varmistau pyzyjän kehityksen"
- 2007 — "Tervehys da kirjutustaido"
- 2008 — "Kirjutustaido da tervehys"
- 2009 — "Kirjutustaido levendäy omii mahtoloi"
- 2010 — "Kirjutustaijon merkičys naizih nähte"
- 2011 — "Kirjutustaido da muailmu"[2][3]
- 2013 — "Kehitys kirjahmaltajah XXI vuozisadah"[4]
- 2014 — "kirjutustaido da pyzyi kehitys"[5]
- 2015 — "Kirjutustaido da pyzyjät yhteiskunnat"
- 2016 — "Mennytty aigua lugijen, kirjutammo tuliedu aigua"
- 2017 — "Kirjutustaido digitualizis tehnolougielois"[6]
- 2018 — "Kirjutustaido da neroloin kehittämine"[7]
- 2019 — "Kirjutustaido da monikieližys"[8]
- 2020 — "Krjutustaijon opastamine COVID-19-kriizisan aigah da tulieloinnu vuozinnu"[9]
- 2021 — "Kirjutustaido ristikanzankeskezeh elävyttämizeh: digitualizen katkuandan pienendämine"[10]
Huomavukset
- ↑ Ликбез — грамотность — свобода/Справочно-информационный портал ГРАМОТА.РУ — русский язык для всех. Kačondan päivymiäry: 3. syvyskuudu 2015. Arhiviiruittu 24. syvyskuudu 2015
- ↑ Послание Генерального секретаря ООН Пан Ги Муна по случаю Международного дня распространения грамотности. Kačondan päivymiäry: 3. syvyskuudu 2015. Arhiviiruittu 9. syvyskuudu 2017
- ↑ Международный день грамотности-2012/Сайт ЮНЕСКО. Kačondan päivymiäry: 3. syvyskuudu 2015. Arhiviiruittu 19. talvikuudu 2015
- ↑ Международный совет по открытому и дистанционному образованию (ICDE). Новости. 13 сентября 2013 года. Kačondan päivymiäry: 3. syvyskuudu 2015. Arhiviiruittu originualaspäi 24. syvyskuudu 2015
- ↑ Пресс-коммюнике ЮНЕСКО/02.09.2014. Kačondan päivymiäry: 3. syvyskuudu 2015. Arhiviiruittu 11. kezäkuudu 2015
- ↑ Международный день грамотности. Kačondan päivymiäry: 8. syvyskuudu 2021. Arhiviiruittu 8. syvyskuudu 2021
- ↑ Международный день грамотности. Kačondan päivymiäry: 8. syvyskuudu 2021. Arhiviiruittu 8. syvyskuudu 2021
- ↑ Международный день грамотности. Kačondan päivymiäry: 8. syvyskuudu 2021. Arhiviiruittu 8. syvyskuudu 2021
- ↑ Международный день грамотности.
- ↑ Международный день грамотности. Kačondan päivymiäry: 8. syvyskuudu 2021. Arhiviiruittu 8. syvyskuudu 2021