Kurain päivy
| Kurain päivy | |
|---|---|
 Kurailsoittaj Aibulat Rahmatullin | |
| Merkičys | soittimine popul’arizacii |
| Pietäh | 10. ligakuudu |
| Piendy | pietäh konsertoi, kilboi, muasteripajoi |
| Liittyy | Baškortostanan tazavallan Valdivollizen kurailsoittajien ansambl’an enzimäzes konsertas |
Kurain päivy on pruazniekku, kudai on omistettu Baškortostanan erähäle simvolois — kuraile. Käskyn uvven pruazniekan perustandas allekirjutti Baškortostanan tazavallan piämies Radii Habirov da sih nähte ilmoitettih Valdivollizen kurailsoittajien ansambl’an konsertuprezentacies 10. ligakuudu vuvvennu 2024[1]. Pruazniekan tarkoituksennu on baškiiroin perindöllizen soittimen kurain säilyttämine da popul’arizacii [2].
Pruazniekan histourii
Kurai on soitin, kudai liittyy baškiiroin perindölöh da kul'tuurah. Vuvvennu 2021 se pandih kirjoile Baškortostanan alovehellizennu brendannu[3][4]. Sulakuul vuvvennu 2024 Baškortostanan tazavallan piämiehen Radii Habirovan käskys perustettih Baškortostanan tazavallan Valdivolline kurailsoittajien ansambl'u. Ansambl'an taido-ohjuajakse sanottih Ven'an arvostettu artistu, Baškortostanan rahvahan artistu Azat Aitkulov. Ansambl'u pidi oman enzimäzen konsertan 10. ligakuudu Valdivollizes konsertuzualas "Baškortostan"[5].
Valdivollizen kurailsoittajien ansambl'an konsertuprezentacies Radii Habirov ilmoitti, ku 10. ligakuudu ruvetah pidämäh uuttu pruazniekkua — Kurain päiviä. Kaččojat otettih vastah piämiehen ilmoituksen ravieloil käzienpläkytyksil.[1][6]
Kurain päivän tarkoituksennu on kanzallizen soittimen popul'arizacii da kehittämine. Pruazniekkupivot avvutetah kuhkuttua nuorižuo soittamah kurail da kehitetäh kazvajan polven taidoneroloi. Sinäpiän tazavallas pietäh konsertoi, ozutteluloi da muasteripajoi.
Huomavukset
- ↑ 1 2 Глава Башкирии учредил новый праздник - День курая. Башинформ (10. ligakuudu 2024).
- ↑ Указ Главы Республики Башкортостан от 10 октября 2024 года №УГ-1053 «О Дне курая в Республике Башкортостан». Официальный Интернет-портал правовой информации Республики Башкортостан (10. ligakuudu 2024). Kačondan päivymiäry: 10. ligakuudu 2024.
- ↑ Субъекты Российской Федерации, для региональных товаров которых зарегистрированы географические указания (ГУ) и наименования мест происхождения товаров (НМПТ) Arhiivukoupii 25 sulakuudu 2021 Wayback Machine // Роспатент
- ↑ Курай зарегистрировали в качестве территориального бренда Башкортостана. «Башинформ» мәғлүмәт агентлығы, 2018, 1 март (ven.) (Kačondan päivymiäry: 2 kevätkuudu 2018)
- ↑ Государственный ансамбль кураистов Республики Башкортостан. Башкирская государственная филармония имени Хусаина Ахметова.
- ↑ В Башкирии учредят новый праздник. УфаLIVE.