Louis de Funès

Louis de Funès
Roindunimi	fran. Louis Germain David de Funès de Galarza
Roindupäivy	31. heinykuudu 1914(1914-07-31)[…]
Roindukohtu	Courbevoie[d]
Kuolendupäivy	27. pakkaskuudu 1983(1983-01-27)[…] (68 vuottu)
Kuolendukohtu	Nantes[d]
Mua	Frantsii
Toimindu	koomikko, kinoartistu, kino-ohjuaju, kinoprod'usseru, dubbaaja, käzikirjutuksien kirjuttai, teatralline ozuttelii, pianistu, televisionäyttelijä, ozuttelii
Akku	Jeanne de Funès[d]
Lapset	Olivier de Funès[d]
Palkindot da arvonimet
Nimikirjutus
Verkosivusto	louisdefunes.com
Медиафайлы на РУВИКИ.Медиа

Louis de Funès (tävvelline nimi Louis Germain David de Funès de Galarza, 31. heinykuudu 1914 – 27. pakkaskuudu 1983) oli frantsielaine kino-ozuttelii, kino-ohjuaju, käzikirjutuksien kirjuttai, muailman kinon eräs kuulužimis komiekois.

Eloskerdu

Lapsete Louis de Funès hyvin tiezi frantsien, ispuanien da anglien kielii. Nuorete harjaitti piirustandua da fortepianol saitandua. Ei petties sit hänes roinnuh pianol soittai, enimyölleh Louis de Funès soitti džazua.

Jälles voinua Louis de Funès oppie iččie kinematogruafan alal. Enne sidä häi opastui druaman kursiloil. Vuvvennu 1945 häi snimaiččihes Barmizonskoi kiuzavus -filmas, ga kuulužakse vie ei roinnuh.

Vuvvennu 1958 oli luajittu Tabuamatoi ei ole varras -filmu, kudamas Louis de Funèsal oli peitočipyydäjän Bleron piärouli. Tämän filman jälgeh ozuttelii rodih kuulužakse kogo muailmas. Tämän jälgeh toizetgi Louis de Funèsan ruavot oldih hyvin otettu vastah da suadu kaččojien tunnustustu.

Vuozien 1970 aigah Louis de Funès endizelleh on kuulužu da kaččojien suvaittavu ozuttelii. Vuvvennu 1973 sulakuun 15. päivänny Louis de Funès sai Fratsien korgeviman palkindon – Kunnivolegion ordenan.

Vuvvennu 1978 ozuttelijal oli kaksi infarktua. Liäkärilöin käskys häi jätti ruavon da muutti kyläkonduloile, kus ylen äijän kazvatti rouzua. Eräs rouzien rodu, kudaman kehitti Meilland International-firmu, sai ozuttelijan nimen.

Louis de Funès hos i jätti ruavon, ga ei voinnuh kieldävyö Claude Zidin kučundas da snimaiččihes hänen filmas «Siivyt vai sorkaine». Tämän jälgeh oli vie mondu filmua. Filmu «Žandarmu da žandarmetkat» rodih jälgimäine hänen karjieras. Louis de Funès kuoli syväimentabuamzieh vuvvennu 1983.