Marika Rökk
| Marika Rökk | |
|---|---|
 | |
| Roindunimi | avstr. Marie Karoline Rökk |
| Roindupäivy | 3. kylmykuudu 1913[1][2][…] |
| Roindukohtu | |
| Kuolendupäivy | 16. oraskuudu 2004[1][2][…] (90 vuottu) |
| Kuolendukohtu | |
| Mua | |
| Toimindu | ozuttelii, pajattai, kinoartistu, teatralline ozuttelii |
| Ukko | Georg Jacoby[d] da Fred Raul[d] |
| Lapset | Gabriele Jacoby[d] |
| Palkindot da arvonimet | |
 Медиафайлы на РУВИКИ.Медиа | |
.svg){kind=small}
.svg){kind=small}
Marika Rökk (3. kylmykuudu 1913 – 16. oraskuudu 2004) oli germuanielaine ozuttelii, tansii da pajattai, kudamal oldih vengrielazet juuret.
Eloskerdu
Marika Rökk rodivui Kajirah. Hänen tuattah oli arhitektorannu da rakendajannu. Pereh ei hätkie elänyh Jegiptas, tuli järilleh Vengrieh. Vuvvennu 1924 hyö muutettih Pariižah, kus Marika rubei ammatillizesti harjaittamah horeogruafiedu, hänen opastajannu oli ven’alaine baleriinu Rudkovskaja. Rökk ezityi yhtes Hoffman Girls -baliettujoukonke kuulužas Mulen Ruž -kabares. Samazen joukonke vuozinnu 1925-1929 häi oli ozuttelumatkoil Yhtysvallois, ezityi New Yorkas Broadwayl. Vuvvennu 1929 tuli järilleh Jevrouppah, rubei ezittymäh operietois da varjetes Monte Karlos, Berlinas, Londonas, Pariižas, Kannois, Budapeštas da Wienas.
Vuvvennu 1930 Marikal oli enzimäine epizoudurouli muuzikkukomiedies ”Why Sailors Leave Home” (”Mindäh merimiehet jätetäh kodi”). Vuvvennu 1935 häi sai enzimäzen suuren roulin Kummituksien poujezdu -filmas (vengr. ”Kísértetek vonata”).
Vuvvennu 1935 Rökk ezityi omas enzimäzes germuanielazes filmas. Tämän jälgeh oli vie mondu roulii. Kuulužimannu niilöis oli rouli värikkähäs Minun huavehen neidine -muuzikkukomiedies (”Frau meiner Träume”). Vuvvennu 1947 sidä ozutettih Nevvostoliitos da äijän kiitettih sidä.
Jälles voinua joukkoviestimis sai lugie, rounoku Rökk ruadoi Nevvostoliiton tiijustelun hyväkse. Ga tovestuksii sille ei olluh.
Voinan loppiettuu Rökk jatkoi ozuttelijan ruaduo da uvvessah rubei snimaimahes kinolois. Vuvvennu 1958 häi kiändyi lavale, rubei ezittymäh da pajattamah operietois.
Marika Rökk kuoli syväintaudih.
Huomavukset
- ↑ 1 2 Marika Rökk // filmportal.de — 2005.
- ↑ 1 2 Marika Rökk // FemBio-Datenbank (нем.)
- ↑ 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #11860189X // Gemeinsame Normdatei (нем.) — 2012—2016.