Meččytulipalot Ven'al (2025)

On otettu Рувики-späi
Meččytulipalot Ven'al vuvvennu 2025
Meččytulipalot Ven'al vuvvennu 2025
Meččytulipalot Ven'al vuvvennu 2025
Olendu  Ven'anmua
Päivymiäry vuvven 2025 tuhukuus

Meččytulipalot Ven'al vuvvennu 2025 ollah meččymualoin syttymizet Ven’an Federacien alovehel pakkaskuus talvikuussah vuvvennu 2025.

Ennustus

Federuallizen meččytalohuon agenstvan  (ven.) (olo. tiedoloin mugah vuvvennu 2025 meččytulipalot voijah algavuo aijemba endisty poikkevuksellizien siäololoin periä[1]. Talvi Federuallizes keskusokrugas ei olluh lumehine, sendäh annettih käsky varustuakseh luonnon tulipaloloih kevätkuun puolivälikse, a ei sulakuun puolivälikse, kui se tavan mugah on[2]. Tulipaloloin syttymine sežo äijäl rippuu ristikanzallizes faktoras.

Aleksei Jarošenko, meččy-, meččytalohuon pyzyvän kehityksen da tulipaloloin azientiedäi projektas ven. «Земля касается каждого»:

Piälimäzet syyt tulipaloloin suures varavos vuvvennu 2025 ollah aigazes keviäs, kudamua ennustetah Ven’an monis meččymua-alovehis da ylen suures kuivuos, kudamua vuotetah muan päivänlaskun ozas. Roinnougo toven kuivus äijäl rippuu sit, vihmaksizetgo roijah kevät da kezä. Ga tänäpäi varmah voibi sanuo, ku mennytvuvven kuivun sygyzyn da ei vähälumehizen talven periä rodih kostežuon vähys muas da lumikatties[3].

Suurembua tulipaloloin varavuo vuvven 2025 kevätkuus ennustetah läs 30 alovehes Federuallizis Keskus-, Suvi-, Volganrannikon-, Pohjas-Kavkuazan okrugois sego Loittozes Päinännouzus. Varattavinnu ollah Br’anskan, Belgorodan, Moskovan, Voronežan alovehet, Kurskan, Orlovan da Smolenskan alovehen päivännouzu- da keskusozat[4].

Kevätkuun 14. päivän tiedoloin mugah erilline tulipalovastustuskuri rubei toimimah Ven'an Federacien kolmes subjektas: kaikel Kaliningruadan alovehel, Krasnoduaran alovehen kahtes municipualuyksikös, Primorskoin alovehen 14 municipualuyksikös.

Tulipalon varattavu kauzi avattih Ven'an Federacien kaheksas subjektas: kaikil Krasnoduaran alovehel, Karačajevo-Čerkessien alovehel, Kabardino-Balkuarien, Čečeenien tazavallan, Belgorodan, Astrahanin, Kaliningruadan alovehel, Primorskan alovehen 18 municipualuyksikös[5].

Tulipaloloin vastustustoimindan finansiiruičendu

Tulipaloloin vastustustoimindah vuvvennu 2025 federuallizes b’udžietaspäi huavatah andua läs 20 miljardua rubl’ua, se on enämbi migu vuvvennu 2024[6].

Tulipalot alovehis

Amuran aloveh

Keviäl vuvvennu 2025 kaikel alovehel otettih käyttöh erilline tulipalovastustuskuri. Oraskuul tulipalo rodih Amuran alovehen Svobodenskoin piirin mečäs, se terväh levii kovan tuulen da kuivan siän periä. 13. oraskuudu tuli oli ihan Čiolkovskoin linnua lähäl Vostočnii-kosmossukeskuksen alovehel[7], 14. oraskuudu se sammutettih[8].

Baikalantagavon aloveh

Sulakuun 7. päivän tiedoloin mugah alovehel oli 32 palajua tulipaluo pindualal enämbi 57 tuhattu gektuarua. Tungokočenskois, Černiševskan da Čitan piirilöis oli Poikevuksellizen tilan kuri[9].

17. sulakuudu Federuallizen meččytalohuon agenstvu ilmoitti, ku Baikalantagavon alovehel paistah federuallizen tazon Poikevuksellizen tilan kurin käyttöhotandas. Sulakuun tiedoloin mugah Baikalantagavon alovehel oli läs 60 % kaikis meččytulipalolois, kudamii pandih kirjoile Ven’al vuvven 2025 allus[10].

23. sulakuudu vuvvennu 2025 Baikalantagavos otettih käyttöh federuallizen tazon Poikevuksellizen tilan kuri[11].

Vuvven 2025 oraskuun 13. päivän tiedoloin mugah Baikalantagavon alovehel oli 45 meččytulipaluo alovehel enämbi 576 tuhattu gektuarua. Vai Čitan municipualuokrugas paloi enämbi 31 tuhattu gektuarua. Ven’an hädätilan ministerstvan pellastajien joukko siirrettih eländypaikkoih Sohondo, Jablonovo da Turgutui, sammutusruadolois oldih Ven’an hädätiloin ministerstvan lendokonehet ven. Ил-76[12].

21. oraskuudu federualline Baikal-juamu oli salvattu suuren meččytulipalon periä. Tuli levii ihan juamassah, sen periä salvattih nelli kilometrii dorogua Ul’otovskois piiris[13].

27. oraskuudu meččytulipalo oli lähäl nelliä eländypaikkua: Doroninskoje-, Novotrojick-, Domna- da Bukačača-kylii[14].

Primorskoi aloveh

Tuhukuun lopul — kevätkuul Primorskan alovehel oldih joukkosyttymizet kuivan vähälumehizen talven periä da ristikanzallizes faktoras. Tulen liviemizeh vaikutti kova tuuli.

Rostovan aloveh

2. sulakuudu Bataiskan luo Suolujärven lähäl rodih muatulipalo, rubei palamah kuivu heiny da korreh. Rodih varavustu linduloin pezoitundale, a suuri savvu levii Rosto-na-Donu -linnassah[15].

T'umenin aloveh

Sulakuun 1. päiväs alovehel on tulipalon varattavu kauzi. T’umenis piästettih ilmah azetus "оkanzalazien rajoitetus olemizes linnan puustolois paloturvalližuon noudamizekse"[16].

Habarovskan aloveh

10. sulakuudu Ven’an Federacien ekolougien da luonnonvaroin ministru Aleksandr Kozlov pidi istundon Habarovskan alovehen tulipaloturvalližuos, vuvvennu 2024 Habarovskan aloveh puutui Ven’an viijen alovehen joukkoh, kudamat enämbäl kaikki kärzittih tulipalolois, rikottu oli läs 3,3 % meččymuadu[17].

Hakasii

Tulipaloloi pandih kirjoile tazavallan yheksäs piiris da linnas 19.−20. sulakuudu, sit luvus pandih kirjoile valvondas lähtenyh heinän palandu[18].

Bur'atii

Vuvven 2025 oraskuun 13. päiväs Bur’aties meččytulipaloloin periä otettih käyttöh alovehellizen tazon Poikevuksellizen tilan kuri. Oraskuun 13. päivän huondeksen tiedoloin mugah alovehel oli 22 meččytulipaluo Bauntovskois evenkoin da Jeravninskois piiris pindualal 53 208 gektuarua[19].

28. oraskuudu vuvvennu 2025 evakoittih Sulhara-kylän eläjii lähenijän meččytulipalon periä[20].

Jakuutii

Oraskuun tiedoloin mugah tulen vallas oli läs 20 tuhattu gektuarua[21].

Jakuuties pietäh koitteluu vihmoin suamizekse. Oraskuul alovehel ruadau kaksi lendokonehtu tegovihmoin suamizekse[21].

Tiva

Sulakuun puolivälikse Tivan tazavallas vuvven 2025 allus algajen pandih kirjoile 17 meččy- da 17 arotulipaluo. Tulen vallas oli 291,39 gektuarua Sut-Hol'skois, Bai-Taiginskois, Barun-Hemčikskois, Tandinskois, Kaa-Hemskois, Čaa-Hol’skois, Čedi-Hol’skois piirilöis da Kizil-linnas. 10 nämmis tulipalolois oldih viijen kilometrin piäs eländypaikoispäi. Enzimäzien tiedoloin mugah tulipaloloin piäsynny oli rahvahan tulen viäry käytändy[22]. Hädätilan kuri otettih käyttöh Tandinskois piiris suuren meččytulipalon periä. Tulen vallas oli 354 gektuarua eländykohtien Kizil-Arig, Arig-Bažin da Soin lähäl. Tilua pahendau korgei lämbötila päiväl, vihmoin olemattomus da kova tuuli[23].

Karjalan tazavaldu

Tulipalon varattavu kauzi algavui Karjalan tazavallas suvi- da keskuspiirilöis da piirikunnis 19. sulakuudu (sih kuuluu Kondupohjan piirigi), pohjazis piiris — 25. sulakuudu[24][25].

Enzimäinehäi meččytulipalo Karjalas vuvvennu 2025 oli 2. oraskuudu Segežan okrugas Idel'-kylän lähäl. Tuli levii 1,5 gektuarale muadu, syynny oli varattavu tulenkäytändy[26][27].

Sortavalan piiris oraskuun 15. päiväs algavui tulipalon varattavu kauzi, sendäh ku ilmu lämbeni da varavuo tulipaloloin roindah liženi[28]. Sortavlan piiris tulipalon varattavu kauzi sai kolmanden tazon (korgevin on viijes). Enzimäine tulipalo piiris sytyi 14. oraskuudu, paloi 6 gektuarua muadu, ammattimiehet läs suutkien aigah sammutettih tulipaluo[29].

Heinykuun 15. päiväs kogo Karjalan tazavallas on otettu käyttöh erilline tulipalovastustuskuri[30].

Heinykuun 23. päiväkse sammutettih meččytulipalot Kondupohjan, Onieganrannikon da Louhen piiris, niilöin kogonaine pinduala oli 74,5 gektuarua. Huondeksen heinykuun 24. päivän tiedoloin mugah Karjalas sammutettannu oli vie kolme tulipaluo, kaksi Mujejärven piiris, kolmas Suojärven piirikunnas. Kaikkiedah varattavas tulipalokavves kirjoile pandih 29 meččytulipaluo, niilöin yhtehine pinduala oli 114,96 gektuarua[31].

28. heinykuudu Mujejärven piiris otettih käyttöh hädätilan kuri, sie on suuri meččytilipalo 125 gektuaral muadu[32][33].

Elokuun 8. päiväs kogo Karjalan tazavallas otettih iäre käytöspäi erilline tulipalovastustuskuri, ga tulipalon varattavu kauzi ielleh jiäy[34].

Tämän kavven aigah Karjalas pandih kirjoile 202 meččytulipaluo, niilöin kogonaine pinduala oli 4753 gektuarua. Meččy äijäl paloi 26- heinykuudu — 11. elokuudu, silloi oli 76 % tulipalolois[35].

Huomavukset

  1. ↑ Лесные новости | Рослесхоз (рус.). rosleshoz.gov.ru (12. tuhukuudu 2025). Kačondan päivymiäry: 14. kevätkuudu 2025.
  2. ↑ Рослесхоз ожидает лесные пожары в центре России в марте, Коммерсантъ (12 tuhukuudu 2025). Kačondan päivymiäry: 14. kevätkuudu 2025.
  3. ↑ Худший пожарный прогноз за последние пять лет (амер. англ.). earthtouches.me (26. tuhukuudu 2025). Kačondan päivymiäry: 14. kevätkuudu 2025.
  4. ↑ Из искры: лесные пожары могут начаться в 30 регионах уже в марте, Известия (21 tuhukuudu 2025). Kačondan päivymiäry: 14. kevätkuudu 2025.
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС (14. kevätkuudu 2025).
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост (рус.). arcticpost.ru (14. kevätkuudu 2025). Kačondan päivymiäry: 14. kevätkuudu 2025.
  7. ↑ МЧС России. Telegram. Kačondan päivymiäry: 13. oraskuudu 2025.
  8. ↑ Пожар около космодрома Восточный локализовали, РБК (14 oraskuudu 2025). Kačondan päivymiäry: 14. oraskuudu 2025.
  9. ↑ В Забайкалье горит 32 пожара, с утра их было на три больше, ЧИТА.ру (7 sulakuudu 2025). Kačondan päivymiäry: 7. sulakuudu 2025.
  10. ↑ В Забайкалье из-за лесных пожаров могут ввести федеральный режим ЧС, Interfax.ru (17 sulakuudu 2025). Kačondan päivymiäry: 17. sulakuudu 2025.
  11. ↑ В Забайкальском крае ввели федеральный режим ЧС из-за лесных пожаров, Реальное время (23 sulakuudu 2025). Kačondan päivymiäry: 23. sulakuudu 2025.
  12. ↑ МЧС России. Telegram. Kačondan päivymiäry: 13. oraskuudu 2025.
  13. ↑ Российскую федеральную трассу перекрыли из-за пожара, Lenta.RU (21 oraskuudu 2025). Kačondan päivymiäry: 21. oraskuudu 2025.
  14. ↑ В Забайкалье лесной пожар приблизился к четырем населенным пунктам (неопр.). ОТР (27. oraskuudu 2025). Kačondan päivymiäry: 27. oraskuudu 2025.
  15. ↑ «Апокалипсис рядом с нами»: зарево пожара возле Батайска видно за километры, RostovGazeta (2 sulakuudu 2025). Kačondan päivymiäry: 3. sulakuudu 2025.
  16. ↑ Тюменцам запретят посещать городские леса. СПИСОК, Nash Gorod (26 kevätkuudu 2025). Kačondan päivymiäry: 26. kevätkuudu 2025.
  17. ↑ К глобальным таежным пожарам готовятся в Хабаровском крае, Transsibinfo.com (10 sulakuudu 2025). Kačondan päivymiäry: 10. sulakuudu 2025.
  18. ↑ Масштабные пожары охватили Хакасию, Новая Хакасия.online (21 sulakuudu 2025). Kačondan päivymiäry: 23. sulakuudu 2025.
  19. ↑ В Бурятии в связи с лесными пожарами объявили режим ЧС, TACC (13 oraskuudu 2025). Kačondan päivymiäry: 13. oraskuudu 2025.
  20. ↑ Жителей поселка в Бурятии эвакуировали из-за лесного пожара, РБК (28 oraskuudu 2025). Kačondan päivymiäry: 28. oraskuudu 2025.
  21. ↑ 1 2 Лето будет жарким: сложную обстановку с лесными пожарами ожидают в Якутии. https://ysia.ru. ЯСИА (27. oraskuudu 2025). Kačondan päivymiäry: 28. oraskuudu 2025.
  22. ↑ В Туве в связи с усложняющейся лесопожарной обстановкой готовятся ввести особый противопожарный режим
  23. ↑ В Тыве ввели режим ЧС из-за крупного лесного пожара
  24. ↑ [http://publication.pravo.gov.ru/document/1000202504210002 Постановление Правительства Республики Карелия от 17.04.2025 № 128-П "О начале пожароопасного сезона 2025 года"]
  25. ↑ Начало пожароопасного сезона в Карелии в 2025 году
  26. ↑ Первый в этом году лесной пожар произошел в Карелии
  27. ↑ Первый в 2025 году лесной пожар произошел в Карелии
  28. ↑ Особый режим начал действовать в округе Карелии
  29. ↑ В Карелии началось авиапатрулирование лесов
  30. ↑ Особый противопожарный режим ввели в Карелии (рус.). ИА "Республика" (15. heinykuudu 2025). Kačondan päivymiäry: 20. elokuudu 2026.
  31. ↑ Грозы спровоцировали лесные пожары в Карелии (рус.). ИА "Республика" (24. heinykuudu 2025). Kačondan päivymiäry: 20. elokuudu 2026.
  32. ↑ Главное за 28 июля: новые соусы и режим чрезвычайной ситуации в лесах (рус.). ИА "Республика" (28. heinykuudu 2025). Kačondan päivymiäry: 20. elokuudu 2026.
  33. ↑ [hhttps://gazeta-karelia.ru/news/2025/07/28-iyulya-v-muezerskom-rajone-vveden-rezhim-chrezvychajnoj-situatsii-v-lesah/ 28 июля в Муезерском районе введен режим чрезвычайной ситуации в лесах] (рус.). Общественно-политическая газета Республики Карелия "Карелия" (28. heinykuudu 2025). Kačondan päivymiäry: 20. elokuudu 2026.
  34. ↑ В Карелии отменили режим чрезвычайной ситуации в лесах (рус.). ИА "Республика" (8. elokuudu 2025). Kačondan päivymiäry: 20. elokuudu 2026.
  35. ↑ Главное за день: повышение зарплат и конец пожароопасного сезона (рус.). rk.karelia.ru (1. ligakuudu 2025). Kačondan päivymiäry: 9. ligakuudu 2025.

Linkat

Lähteh - "https://olo.ruwiki.ru/w/index.php?title=Meččytulipalot_Ven%27al_(2025)&oldid=126361036"