Muailman gumanituarizen avun päivy
Muailman gumanituarizen avun päivy (toizil Yhtistynnyzien Kanzukundien kielil: kit. 世界人道主义日, fran. la Journee mondiale de l’aide humanitaire ) on pruazniekku, kudaman pani alguh Yhtistynnyzien Kanzukundien Piäassamblei 11. talvikuudu vuvvennu 2008 (Rezol'ucii A/RES/63/139). Sidä pietäh 19. elokuudu. Sinäpiän vuvvennu 2003 Yhtistynnyzien Kanzukundien piäkantoras Bagdadas räjähtyksen periä kuoli 22 hengie, heijän joukos oli Yhtistynnyzien Kanzukundien tundiettu ristikanzu Seržiu Vieira di Mellu.
Yhtistynnyzien Kanzukundien rezol'ucies on sanottu, ku tämän päivän tarkoituksennu on
 |
yhteiskunan tiedoloin ližiämine gumanituarizen avun annandas kogo muailmas da täl alal kanzoinvälizen yhtesruavon tärgevyös, sežo gumanituarizen avun ruadokunnan kunnivoiččemine da passiboiččemine, heijän joukkoh kuuluu Yhtistynnyzien Kanzukundien ruadokundugi da sit kiini olii ruadokundu, kudai on vaikutannuh gumanituarizien idealoin todevuttamizeh, da niilöin kunnivoiččemine, ken on andanuh oman hengen omua velvolližuttu täyttäjes…
|
 |
Omas kirjazes Muailman gumanituarizen avun päivän nimeh Yhtistynnyzien Kanzukundien Piäsekretari pani merkile sen, ku pruazniekan "tarkoituksennu on mustoittua hiäs olijois ristikanzois da heijän avun suandan tarbehes".
Enzimäine Muailman gumanituarizen avun päivy, kudai piettih vuvvennu 2009 oli omistettu rahvahien mustole, kudamat kuoltih toizii pellastajes.
Jogavuodizet tiemat
- 2009 — Enzimäine Muailman gumanituarzien avun päivän piendy
- 2010 — toine pruazniekku
- 2011 — "Avvuttua toine toizele"
- 2012 — "Minä olin täs"
- 2013 — "Muailmale pidäy enämbi…"
- 2014 — "Muailmale pidäy enämbi…"
- 2015 — "Muailman rahvahii ihastuttajes"
- 2016 — "Yhtehine rahvaskundu"
- 2017 — "Siviiliristikanzat ei olla tarkoituksennu"
- 2018 — "Siviiliristikanzat #NotAMilitaryTarget"
- 2019 — "Naizet gumanituarizes avus #gumanituarizet ruadajat"
- 2020 — "Tovellizen eloksen urhomiehet"
- 2021 — "Kilbujouksu rahvaskunnan puoles"