Muailman hyväntahtožuon päivy
| Muailman hyväntahtožuon päivy | |
|---|---|
 | |
| Tiippu | Kanzoinväline, ei-virralline |
| Pandih alguh | 1998 |
| Pietäh | ymbäri muailmua |
| Päivymiäry | 13. kylmykuudu |
| Liittyy | Muailman hyvysliikkeheh |
Muailman hyväntahtožuon päivy (ven. Всемирный день доброты) on kanzoinväline pruazniekku, kudamua pietäh kylmykuun 13. päivänny. Päivän pandih alguh vuvvennu 1998 Muailman hyvysliikeh, rahvaskundien hyväntahtožuon ei-halličuksellizien yhtistyksien liittymy. Tädä ei-virrallistu pruazniekkua pietäh joga vuottu äijis mualois[1][2][3][4].
Pruazniekan histourii
Vuvvennu 1997 Japounies perustettih Muailman liikeh hyvyön puoles-volont’uoruliikeh ilmai poliitiekkah da uskondoh kuulumistu. Liikkeheh tuldih Tyynimeren alovehen ezittäjät rahvas. Vuvven mendyy, 13. kylmykuudu, Tokios algai toimindan volont’uoruliikkehen enzimäine konferensii. Sen avuamispäivy rodih uvven pruazniekan päivymiäräkse — Muailman hyväntahtožuon päiväkse.
Liikkehen samanmielizet eri mualoispäi toimitah ymbäri muailmua, innostutetah rahvastu luadimah hyvytty. Liikkehel on oma virralline dokumentu — "Hyvyön julgisanomu", sit on sanottu:
"Myö tunnustammo ristikanzan tavallizen hyvyön perustehellizen merkičyksen hyvän mielen da eloksen ellendyksen vältämätömänny piäehtonnu, da täl dokumental myö ilmoitammo Muailman hyväntahtožuon liikkehen perustamizes. Myö tavoittelemmo yhtistymäh joga muas toimijan yhtistyksen kauti da luadimah ystävällizen, hyväntahtozen muailman tävven toine toizen žiälöičysty".
Kerran kahtes vuvves Muailman hyvysliikeh valliččou nevvoston. Eniten tiedoloin da viestilöin vaihto ozanottajien keskes menöy internetas, sie hyö omil resursoil sanellah mielii hyvih ruadoloih nähte da niilöin todevuttamizes.
Pruazniekan piendytavat
Pruazniekkua pietäh äijis muailman mualois. Ozanottaimualoin lugumiäry kazvau vuozi vuottu. Muailman hyväntahtožuon päivän tunnusmerkinny on syväin. Vuvvennu 2009 Moskovas Manežnaja-lagevol piettih fleš-mobu. Sih tulluot seizatuttih suureh "eläväh kruugah" Mieron čuasut -fontuanas ymbäri[5].
Täl pruazniekkupäiväl ei ole tarkoi piendysiändölöi da taboi, sendäh joga ristikanzu iče voibi piättiä, mittuman hyvyön häi luadiu[6][7][8].
Huomavukset
- ↑ Quick, J. (2021). Celebrate World Kindness Day 13 November 2021. Journal of Perioperative Practice, 31(11), 404—404. PMID 34747252 doi:10.1177/17504589211054717
- ↑ Rowland, L., & Curry, O. S. (2019). A range of kindness activities boost happiness. The Journal of Social Psychology, 159(3), 340—343. PMID 29702043 doi:10.1080/00224545.2018.1469461
- ↑ Buchanan, K., & Sandstrom, G. M. (2023). Buffering the effects of bad news: Exposure to others’ kindness alleviates the aversive effects of viewing others’ acts of immorality. Plos one, 18(5), e0284438. PMID 37195988 PMC 10191316 doi:10.1371/journal.pone.0284438
- ↑ Curry, O. S., Rowland, L. A., Van Lissa, C. J., Zlotowitz, S., McAlaney, J., & Whitehouse, H. (2018). Happy to help? A systematic review and meta-analysis of the effects of performing acts of kindness on the well-being of the actor. Journal of Experimental Social Psychology, 76, 320—329. doi:10.1016/j.jesp.2018.02.014
- ↑ Всемирный день доброты в 2025 году: история и традиции праздника (рус.). Kačondan päivymiäry: 6. kylmykuudu 2025.
- ↑ Aknin, L. B., Barrington-Leigh, C. P., Dunn, E. W., Helliwell, J. F., Burns, J., Biswas-Diener, R., … & Norton, M. I. (2013). Prosocial spending and well-being: cross-cultural evidence for a psychological universal. Journal of personality and social psychology, 104(4), 635. PMID 23421360 doi:10.1037/a0031578
- ↑ Rhoads, S. A., & Marsh, A. A. (2023).Doing good and feeling good: Relationships between altruism and well-being for altruists, beneficiaries, and observers (рус.). World Happiness Report, 103—130. Kačondan päivymiäry: 6. kylmykuudu 2025.
- ↑ Myers, D. G. (2023). Teaching: The Unexpected Pleasure of Doing Good (рус.). Kačondan päivymiäry: 6. kylmykuudu 2025.. APS Observer, 36.