Muailman leivän päivy
| Muailman leivän päivy | |
|---|---|
 | |
| Virrallizesti | World Bread Day |
| Pandih alguh | vuvvennu 2006 |
| Pietäh | pastajat, leivän syöjät |
| Päivymiäry | 16. ligakuudu |
| Perindöt | konferensiet, ozuttelut da leivänpastandumuasteripajat |
| Liittyy | Yhtistynnyzien Kanzukundien Eineh- da muatalovusyhtistyksen perustandas vuvvennu 1945 |
Muailman leivän päivy (angl. World Bread Day) on kanzoinväline pruazniekku, kudamua joga vuottu pietäh 16. ligakuudu. Se on omistettu erähäle kuulužimis einehis kogo muailmas — leiväle, kudai simvoliziiruiččou monien kul'tuuroin arvoloi da perindölöi.
Histourii
Pruazniekku pandih alguh vuvvennu 2006 Kanzoinvälizen pastajien da magieloinvalmistajien liiton kehoitukses (International Union of Bakers and Confectioners, UIBC). Pruazniekan tarkoituksennu on ozuttua leivän merkičysty rahvahien jogapäiväzes elaijas, sen panostu syöndäh da muatalovuon kehittämizeh, kiinittiä huomavuo einehvähyön da köyhyön probliemoih.
Päivy ei olluh petties vallittu. 16. ligakuudu vuvvennu 1945 perustettih Yhtistynnyzien Kanzukundien Eineh- da muatalovusyhtistys. Yhtistyksen piäruavonnu on nälgiä vastustusruado da muatalohuon kehittämine kogo muailmas. Muailman einehpäivy, kudamua sežo pietäh 16. ligakuudu, on kiini Yhtistynnyzien Kanzukundien Eineh- da muatalovusyhtistyksen ruavos da sen tarkoituksennu on kiinittiä huomavuo einehturvalližuon ongelmih[1].
Piendy
Sinäpiän rahvas tunnustetah leivän tärgevyön da suuren ruavon sen luadimizekse. Vil'l'an kylvändäs pastandassah joga etuapal tarvitah ahkeruttu da neruo. Kogo muailmas kiitetäh niilöi, ken on nämmis ruadolois da tuottau meile tämän suvaittavan pastoksen.
Pruazniekkupiän pietäh erilazii pidoloi, konferensieloi, ozutteluloi da leivänpastandumuasteripajoi, niilöin tarkoituksennu on leivän kul'tuurumerkičyksen popul'arizacii da einehvähyön vastustamine muailman eri mualois.[2].
Huomavukset
- ↑ Всемирный день хлеба. Русский этнографический музей (16. ligakuudu 2024).
- ↑ Всемирный день хлеба. Санкт-Петербургское государственное бюджетное учреждение «Центр контроля качества товаров (продукции), работ и услуг» (16. ligakuudu 2023).
Linkat
- International Union of Bakers and Confectioners (UIBC). Yearbook of International Organizations (YBIO). на сайте «Международная организация хлебопекарной отрасли»