Muailman modernan päivy
| Muailman modernan päivy | |
|---|---|
 R'abušinskoin erilline taloi, Moskovu | |
| Tiippu | Jogavuodine |
| Pandih alguh | Kezäkuul vuvvennu 2013 Vengries |
| Päivymiäry | 10. kezäkuudu |
| Liittyy | Modernas |
Muailman modernan päivy (angl. World Art Nouveau Day) on jogavuodine pruazniekku, kudamua pietäh 10. kezäkuudu[1]. On pandu alguh taijon korgien stiilin modernan propagandakse arhitektuuras, mualuamistaijos, runohuos, muuzikas da m.i. da sežo sen perindön säilyttämizekse. Täkse päiväkse järjestetäh ozutteluloi, fotokilboi, ekskursieloi[2], lugemizii.
Pruazniekan histourii
Muailman modernan päivän piendyidei on roinnuh vuvvennu 2013 Vengries, kus sidä piettih Budapeštan käytöllizen taijon muzeis Szecessziós Magazin -žurnualan kehoitukses. Sit aijas jogavuodistu Modernan päiviä vietetäh Jevroupan liikkehen Réseau Art Nouveau Network (Br'ussel') da Art Nouveau European Route (Barselonu) kannatuksel. Sen piendypäiväkse oli vallittu 10. kezäkuudu, sendäh ku sinäpiän kuoli kaksi kuulužua tämän stiilin ezittäjiä: Antonio Gaudi da Eden Lehner.
Eričykset
- Jo enzimäine Modernan päivy vuvvennu 2013 oli kanzoinväline da sih kuului piduo Vengries, Portugalies, Suomes, Pol'šas, Horvuaties, Velikobrituanies, Ruočis, Ispuanies, Bel'gies, Germuanies, Niderlandois[3].
- Vuvvennu 2018 se oli omistettu rakkahile arhitektoroile. Enzikerdua pruazniekan pidoloi piettih Ven'al, Tambovas[2].
- Vuvvennu 2019 pruazniekku oli omistettu pordahile. Sen kannattamizeh yhtyi Jevroupan perindön aljansu[4][5].
- Vuvvennu 2020 päivy oli omistettu vitražoile.