Muailman pudron päivy
| Muailman pudron päivy | |
|---|---|
 Muailman pudron päivy Šotlandies, vuozi 2023 | |
| Virrallizesti | World Porridge Day |
| Pandih alguh | vuvvennu 2009 |
| Päivymiäry | 10. ligakuudu |
| Piendy | hyvyönluajindupivot, pudroillačut |
| Perindöt | varoin keriändy Mary's Meals -hyvyönluajinduyhtistykseh nähte |
Muailman pudron päivy (angl. World Porridge Day) on kanzoinväline pruazniekku, kudai on omistettu erähäle piälimäzis syömizis — pudrole, kuašale. Sidä pietäh joga vuottu 10. ligakuudu.
Pruazniekan histourii
Tämän päivän pani alguh vuvvennu 2009 Mary's Meals -hyvyönluajinduyhtistys, kudai hommuau lämmii syömizii lapsile muailman köyhimis mualois. Pudro, nimenomah kagrupudro, on piäsyömizenny, kudamua annetah školis ei vaiku nällän sammuttamizekse, ga sežo opastujien školah käyndän da opastundan kehittämizekse. "Mary's Meals" ruadau 19 muas, luguh ottajen Malavi, Gaiti, Indii da Kenii, auttau enämbi migu 1,6 miljonale lastu.
Tapahtumu on luajittu varoin keriämizekse Mary's Meals -hyvyönluajinduyhtistykseh nähte, kudai ruadau Argaillas, Šotlandies, ku suas syöttiä nälläs olijoi lapsii kehittyjis mualois.
Tämän päivän piälimäzii tarkoituksii on huomavon kiinittämine lapsien keskes olijoih nällän ongelmih da varoin keriämizeh ilmazih školamurginoih niškoi. Se ei vaiku sellitä syötändän ongelmii, ga sežo auttau opastuksen tazon kehittämizes, sendäh ku lapset kävväh školih syömizen suandakse, mi vähendäy lapsien olemattomuttu da iäre työndämizii opastuslaitoksis.[1][2]
Tapahtumat
Kui pietäh Muailman pudron päiviä:
- Luajitah hyvyönluajindupidoloi, moizii kui pudroillačut, kus gost'at voijah andua dengua Mary's Meals -hyvyönluajinduyhtistykseh nähte.
- Luajitah tiijoituspidoloi tiedoloin levittämizekse nällän ongelmih nähte da vähävarazien lapsien kannattamizekse.
- Otetah ozua volont'uorupidoloih, kudamis varustetah syömisty, sit luvus pudruo da kagrusyömizii tarviččijoile.
Pudro omien ominažuksien periä on hyvä tervehyöle, sendäh ku sit on vitamiinua, minerualua da antioksidantua. Sit on äijy kuiduu, mi auttau syömizensulatussistieman ruandas da metabolizman parandamizes.[3]
Huomavukset
- ↑ World Porridge Day. Mary's Meals. Kačondan päivymiäry: 30. syvyskuudu 2016. Arhiviiruittu 10. syvyskuudu 2016
- ↑ Best porridge title scooped by US, BBC News, BBC (11 October 2009).
- ↑ World Porridge Day. Days of the Years.
Linkat
- Всемирный день каши, отмечаемый 10 октября, является международным событием, связанным с кашей. Федеральное бюджетное учреждения здравоохранения «Центр гигиены и эпидемиологии в Камчатском крае».