Muailman riisun päivy
| Muailman riisun päivy | |
|---|---|
 Riissusyömine. Indien vuvven 2007 poštumarku | |
| Merkičys | kiinittiä huomavuo riisun arvoh |
| On pandu alguh | Yhtistynnyzien Kanzukundien eineh- da muatalovusyhtistyksen da Kanzoinvälizen riisun tutkimuslaitoksen (IRRI) alguhpanos |
| Pietäh | kogo muailmas |
| Päivymiäry | 20. syvyskuudu |
| Perindöt | konferensiet, festivualit |
| On kiini | tärgiws einehes - riisus |
Muailman riisun päivy on jogavuodine kanzoinväline tapahtumu, kudamua pietäh 20. syvyskuudu. Tämän päivän tarkoituksennu on kiinittiä huomavuo riisun arvoh kogo muailman miljardoin ristikanzoin piäeinehennu da panna merkile sen rouli nällän da köyhyön vastustamizes[1].
Riisun merkičys
Riissu on tärgevimii einehii kogo muailmas. Sil on piäsija enämbi migu puolen muailman eläjien keskes. Yhtistynnyzien Kanzukundien eineh- da muatalovusyhtistyksen tiedoloin mugah riissu andau läs 20 % kaikkien kalourieloin miäräs muailmas. Se on piävil'l'u monis Aazien, Afriekan da Latinan Amierikan mualois, kus se on vältämättömänny syömizenny da tuloloin lähtehenny[2].
Histourii da pruazniekan tarkoitus
Muailman riisun päivy virrallizesti hyväksyttih vuvvennu 2004 Yhtistynnyzien Kanzukundien eineh- da muatalovusyhtistyksen da Kanzoinvälizen riisun tutkimuslaitoksen (IRRI) alguhpanos. Tämän päivän tarkoituksennu on ližätä tieduo riisun tärgevyöh nähte, auttua fermeroin kannattamizes, ližätä tuotandon kestävytty da ottua huomavoh riissutuotandon ongelmii[2].
Riisun suureh merkičykseh kaččomattah riissutuotandos on äijy vagavua ongelmua. Ilmaston muuttumine, veziresursoin vähys, mualoin huononemine da taudiloin leviemine pahoi vaikutetah riisun pyzyjäh kazvattamizeh. On tärgei kehittiä da ottua käyttöh uuzii tehnolougieloi, kudamat avvutettas riissusualehen ližiämizes, negatiivizien ymbäristövaikutuksien pienendämizes da einehturvalližuon turvuamizes muailmas.
Yhtistynnyzien Kanzukundien eineh- da muatalovusyhtistys da muut kanzoinvälizet yhtistykset aktiivizesti sellitetäh nämmii ongelmii kannattajen fermeroi da muatalovusyhtevyksii heijän ruavos riissutuotandon suurendamizekse da elaijan luavun parandamizekse[3]
Muailman riisun päivän tapahtumat
Joga vuottu muailmas 20. syvyskuudu pietäh erilazii pidoloi, niilöin joukos tiedokonferensieloi, opastusprogrammoi da riisule omistettuloi festivualiloi. Nämmien pidoloin tarkoituksennu on innovacieloin kehittämine riisunkazvatandan alal, fermeroin kannattamine da riisun tärgevyöh nähte tiedoloin ližiämine kogo muailman einehturvalližuoh niškoi[4].
Yhtehvevot
Muailman riisun päiväl on piärouli riisun merkičykseh da sen tuotandon ongelmih huomavon kiinittämizes. Se mustoittau muatalovuon pyzyjän kehittämizen tarbehes, mi on tärgei einehturvalližuon turvuamizes da muailman miljonoin hengien elaijan parandamizes.
Huomavukset
- ↑ Всемирный день риса. Какой сегодня праздник.рф.
- ↑ 2,0 2,1 Всемирный день риса. ФБУЗ «Центр гигиены и эпидемиологии в Рязанской области».
- ↑ Проблемы и перспективы рисоводства на примере Краснодарского края и Республики Адыгея. Научный журнал «Фундаментальные исследования» Выпуск журнала № 4 за 2019 год. ISSN 1812-7339.
- ↑ Всемирный день риса. Куда сходить в Московской области..