Muailman rok-n-rollan päivy

On otettu Рувики-späi
Muailman rok-n-rollan päivy
BillHaley&FrannyBeecher.jpg
Tiippu Kanzoinväline
Virrallizesti World Rock-n-roll Day
Merkičys on omistettu rok-n-rollan muuzikkulajile da sen vaikutuksele muailman kul’tuurah
Pietäh joga vuottu
Päivymiäry 13. sulakuudu
Piendy konsertat, festivualit

Muailman rok-n-rollan päivy (angl. World Rock-n-roll Day) on jogavuodine pruazniekku, kudamua pietäh 13. sulakuudu. Se on omistettu rok-n-rollan muuzikkulajile da sen vaikutuksele muailman kul’tuurah[1]. Sinäpiän pietäh kaikenjyttymii konsertoi, festivualiloi, ozutteluloi da toizii pidoloi, kudamile kävväh muuzikkurahvas, rok-n-rollan suvaiččijat da kannattajat.

Muailman rok-n-rollan päiviä pietäh vuvves 1955 algajen[2]. Sen piendy lähti tapahtumas, kudai oli 12. sulakuudu vuvvennu 1954. Bill Heili kirjutti Rock Around The Clock -singlan. Se rodih merkittäväkse tapahtumakse muuzikkumuailmas. Terväh uuzi kompozicii lendi Amierikan Yhdysvaldoin rajois piäliči da rodih kuulužakse toizis mualoisgi. Muga sillozen aijan pyzyjät muuzikkuperindöt suadih muutostu[3].

Pruazniekan histourii

Uvven muuzikkulajin rodivundua vaste loppih Suuri Ižämualline voinu. Sil aigua, XX vuozisuan puolivälis, Amierikan Yhdysvallois eläjät rahvas enimäl kuunneltih hil’l’astu, mieldy aleittajua herkymuuzikkua. Kuunneltihgi ihan tostu — ritm-n-bl'uzua — eläviä, loitoskuulujua ritmumuuzikkulajii.

Vuvvennu 1951 ruadivokeskuksen programmoin juondai Klivlend Alan Frid pani rattahile uvven vallittuloin ritm-n-bl'uzan kappelehien sarjan. Tarkoituksennu oli soittua tädä muuzikkua joganedälihizis ruadivoprogrammois. Programmoin vedäi rubei sanomah tädä muuzikkua rok-n-rollakse. Tässäh tiedämätoi kummalline muuzikan soitandu tuli mieldy myö kuundelijoile. Alan Fridan programmu ruubei kuulumah omas muas[4].

Enzimäine rok-n-rollan tiähtisoittai oli pajattai-gitaristu Bill Heili[5]. Hänen aijembat kappalehet oldih ritm-n-bl'uzan, kantrin da pihapaginluavun sevoites. Vuvvennu 1954 häi piästi ilmah enzimäzen Rock Around The Clock -singlan, kudai pani allun uvvele muuzikkulajile[6][7]. Merkittävy tapahtumu muuzikkumuailmas rodih 12. da 13. sulakuun yön aigua. Uvves kappalehes terväh rodih kuulužu kompozicii muailman monis mualois.

Aijan mugah rok-n-rollan muuzikkulaji muutui da kehityi, kehityttih uvvet tansistiilit da suunnat. Rok-n-rollah alguhpanijoin joukos sežo oli Elvis Presli  (ven.) (olo.. Hänen konsertusovat, tavat da liikkehet oldih movvas, niidy matkittih[8][9][10].

Vuozien 1960 allus pok-muuzikas rodih uuzi pop-rokku -muuzikkustiili. Liverpul’an The Beatles -joukko panii allun uuzile tendencieloile muuzikkulajien da taboin kehitykses.

Vuozien 1970 loppupuoli kuuluu sil, gu sil aigua rodih vie yksi pank-rok- nimine muuzikkulaji. Kebjendettyh muuzikkukuavah enzisijale tuldih vokualu da muuzikkukappalehien tekstat. Sen aijan kuulužimii joukkoloi oldih "Sex Pistols", "The Clash", "Stooges" da "Iggi Pop"[11].

Kuvas Elvis Presli mainostau ven. Тюремный рок -fil’mua

Ven'al

Ven'an rokku rodih Nevvostoliiton aigua, sih vaikutti päivänlaskupuolen muuzikku. Tädä muuzikkulajii kodimual soitettih Aleksandr Gradskoin joukot ven. "Сокол" (1964), ven. "Скифы" (1967), ven. "Cкоморохи" (1966) da ven. "Славяне" (1964).

Kaikkientiettäviä The Beatles -joukkuo opittih matkie. Vähiä vajai joga Nevvostoliiton školas oli oma rok-joukko. Vuozinnu 1970 monet heis ezitettih rokkua kodimual, täh joukkoh kuuluu ven. Машина времени -joukko.

Vuozien 1980 allus Nevvostoliitos oli kehittynyh oma täyziarvoine rokan kannatustoimindu. Täspäi suadih allun muuzikkujoukot, kudamat kehityttih da kazvettih nju-veiv -muuzikkustiilis (ven. «нью-вэйв») — net ollah ven. «Кино», ven. «Алиса», ven. «АукцЫон», ven. «Оберманекен», ven. «Странные игры» da toizet.

Vuvvennu 1985 oli avattu Moskovan rok-laboratoutii, kus piälinnan joukot suadih omal toimindal virrallizen stuatusan. Sen aijan kuulužimii joukkoloi oli "Nautilus Pompilius", ven. "Зоопарк" da ven. "Бригада С". Vuozien 1980 loppupuoli oli se aigu, konzu ven'alaine rok-muuzikku ravieh levii kodimuadu myö[12].

Pruazniekan piendytavat

Hosgi tässäh ei ole tämän pruazniekan virrallizii piendytaboi, ga kogo mieron rahvas pidäy Mualman rok-n-rollan päiviä yhtenjyttyöh. Enimät veseldyslaitokset (yökluubatgi) pietäh rok-n-rollan tansi-illaččuloi. Monil tansilavoil mennäh aihiellizet konsertat, niilöil soitetah kui uuzii, mugai mennyön aijan tundiettuloi muuzikkukappalehii. Joga vuottu pietäh kilboi muuzikkumiehien da tansijoin keskes[6][13][14].

Akrobuattizen rok-n-rollan tr’ukku

Mieldykiinittäjät toziaziet

  • Rock Around the Clock -muuzikkusinglu piäzi Ginnesan kniigah. Tämä on rok-n-rollan ainavo kappaleh, kuduadu enin kaikkie kyzyttih myvvä. Toizekse se piäzi pop-muuzikan histourieh singlan osatandukerroin lugumiäriä myö. Sidä oli myödy enämbi 25 miljonua plastinkukappalehtu[15]
  • Vuvvennu 1995 Klivlendan linnas avattih Rok-n-rollan kunnivon muzei. Muzein taloi on nostettu ainavoluaduzes linnun muvvos oijendettuloin siibienke. Se merkiččöy uvven muuzikkulajin vällytty. Joga vuottu muzeih kävyy suuri miäry rok-muuzikan suvaiččijua kogo mierospäi[16].
  • Muailman rok-n-rollan päivänny ollah roittuhes muuzikkumiehet Sergei Šnurov, El Grin, Pibo Braison, Brysa Springstinan barabanahpergai Maks Vainberg, Jefferson Airplanen, bas-gitaristu Džek Kesedi, "Blondien" kluavišoilsoittai Džimmi Destri da "Staindan" pajattai Aaron Ljuis.
  • Suurimannu rok-n-roll konsertannu pietäh Rolling Stones -joukon ezityksen Toronto-linnas vuvvennu 2003. Kaččomas konsertua oli 490 tuhattu hengie[17].

Huomavukset

  1. ↑ Всемирный день рок-н-ролла. Центр культуры и театрального искусства" Театр Артиста". Kačondan päivymiäry: 9. sulakuudu 2024.
  2. ↑ День в истории: 13 апреля. Праздники и памятные даты. Государственный интернет-канал "Россия" (13. sulakuudu 2022).
  3. ↑ Всемирный день рок-н-ролла. Оренбургское региональное телевидение. Kačondan päivymiäry: 9. sulakuudu 2024.
  4. ↑ Всемирный день рока (англ.). rockndot.store. Kačondan päivymiäry: 9. sulakuudu 2024.
  5. ↑ Всемирный день рок-н-ролла. Национальная библиотека им. А. С. Пушкина Республики Мордовия (12. sulakuudu 2022). Kačondan päivymiäry: 9. sulakuudu 2024.
  6. ↑ 1 2 Всемирный день рок-н-ролла. Мир космоса. Kačondan päivymiäry: 9. sulakuudu 2024.
  7. ↑ 13 апреля отмечается Всемирный день рок-н-ролла. Студия ВВЦ. Kačondan päivymiäry: 9. sulakuudu 2024.
  8. ↑ Всемирный день рок — н- ролла. Культура.РФ (13. sulakuudu 2024). Kačondan päivymiäry: 9. sulakuudu 2024.
  9. ↑ Всемирный день рок-н-ролла. Какой сегодня праздник. Kačondan päivymiäry: 9. sulakuudu 2024.
  10. ↑ 13 апреля – Всемирный день рок-н-ролла. Заря Кубани. Kačondan päivymiäry: 9. sulakuudu 2024.
  11. ↑ Всемирный день рок-н-ролла в 2024 году: история и традиции праздника. kp.ru. Комсомольская правда. Kačondan päivymiäry: 9. sulakuudu 2024.
  12. ↑ 13 апреля — Всемирный день рок-н-ролла. Без формата. Kačondan päivymiäry: 9. sulakuudu 2024.
  13. ↑ Сегодня Всемирный день рок-н-ролла. Филипп Кочетков (13. sulakuudu 2020). Kačondan päivymiäry: 9. sulakuudu 2024.
  14. ↑ Традиции празднования всемирного дня рок-н-ролла. artist.ru. Kačondan päivymiäry: 9. sulakuudu 2024.
  15. ↑ Рок-н-ролл как стиль жизни: самой бунтарской музыке мира – 55 лет. Мир 24. Kačondan päivymiäry: 9. sulakuudu 2024.
  16. ↑ Посетите зал слав рон-н-ролла (англ.). rockhall.com. Kačondan päivymiäry: 9. sulakuudu 2024.
  17. ↑ Когда Rolling Stones выступили в Торонто на благотворительном вечере "SARSstock" (англ.). udiscovermusic.com. Kačondan päivymiäry: 9. sulakuudu 2024.

Kirjalližus

Linkat

Lähteh - "https://olo.ruwiki.ru/w/index.php?title=Muailman_rok-n-rollan_päivy&oldid=126354854"