Nellikköjuuripäivy

Nellikköjuuripäivy on ei-virralline pruazniekku, kudamua pietäh yheksä kerdua vuozisuas: sinäpiän, konzu čislu da kuun jälletysnoumeru ollah vuvven kahten jälgimäzen noumeran nellikköjuurennu (ezimerkikse, 2. tuhukuudu vuvvennu 2004: 02-02-04)^[1].

Pruazniekan histourii da nygyaigu

Enzikerdua tädä pruazniekkua piettih 9. syvyskuudu vuvvennu 1981 (09-09-81). Pruazniekan alguhpanijannu on školan opastai Ron Gordon Yhtysvaldoin Kalifornien Redvud-Siti -linnaspäi. Vuvven 2009 tiedoloin mugah Gordon jatkau jullata kirjutuksii iččeh keksitys pruazniekas, on aktiivizes yhtesruavos joukkoviestimienke^[2]. Hänen tytär Facebookan avul keräi tämän pruazniekan suvaiččijoin joukon, kus jogahine voi kirjuttua omii tämän pruazniekan piendytaboi^[3].

Tämän pruazniekan piäsyömizii ollah juurikazvoksis keitetyt kuubiekat da matemuatiekan merkin nellikköjuuren muodohizet pastokset^[3].

Hronolougii

Matemuatiekan objektiivizien syylöin periä tädä pruazniekkua voibi pidiä vaiku yheksä kerdua vuozisuas (seiččie kerdua vuozisuan enzimäzen puoliškon aigah da kaksi kerdua toizen puoliškon aigah), ainos samoinnu päivinny:

1. pakkaskuudu vuvvennu хх01
2. tuhukuudu vuvvennu хх04
3. kevätkuudu vuvvennu хх09
4. sulakuudu vuvvennu хх16
5. oraskuudu vuvvennu хх25
6. kezäkuudu vuvvennu хх36
7. heinykuudu vuvvennu хх49
8. elokuudu vuvvennu хх64
9. syvyskuudu vuvvennu хх81

Kačo ližäkse

Tiijon päivy

Huomavukset

↑ A day getting to the root
↑ Газета «Oakland Tribune» от 2 марта 2009 года. Статья Анжелы Хилл «Have a rootin' tootin' Square Root Day»
↑ ¹ ² Известия. Ру: Американские математики отмечают День квадратного корня

[1] A day getting to the root

[2] Газета «Oakland Tribune» от 2 марта 2009 года. Статья Анжелы Хилл «Have a rootin' tootin' Square Root Day»

[izv-3] ¹ ² Известия. Ру: Американские математики отмечают День квадратного корня

[1]

[2]

[3]