Ole Einar Bjorndalen
| Ole Einar Bjorndalen | |
|---|---|
 | |
| Roindupäivy | 27. pakkaskuudu 1974[1][2][…] (52 vuottu) |
| Roindukohtu | |
| Mua | |
| Toimindu | ampumahiihtäjä, maastohiihtäjä, biathlon coach |
| Akku | Darja Domračeva[d][5] |
| Palkindot da arvonimet | |
| Verkosivusto | oleeinarbjoerndalen.com (angl.) (норв.) |
 Медиафайлы на РУВИКИ.Медиа | |
Ole Einar Bjorndalen (ven. У́ле-Эйнар Бьёрнда́лен; norv. Ole Einar Bjørndalen; roin. 27. pakkaskuudu 1974[1][2][…], Drammen[d]) on norviegielaine hiihtoambui, Olimpiuadukižoin, Muailman kilvoin da Muailman sportumal’l’an kilboin histouries kaikis enimäl arvonimie suannuh (vuvvekse 2023) . Olimpiuadukižois Bjorndalen sai 13 medalii, niilöin luvus kaheksa kuldumedalii, Muailman kilvois sai 20 kuldumedalii da kuuzi kerdua oli Muailman sportumal’l’an omistai. Vuvven 2002 Olimpiuadukižois Solt Leik Sitis Bjorndalen rodih voittajakse kaikes nelläs hiihtoammundan lajis da rodih ainavokse muailmas ehtottomakse Olimpiuadukižoin čempionakse hiihtoammundas. Bjorndalen iče oli 96 kerdua voittajannu hiihtoambujien da hiihtäjien kilvois Muailman sportumal’l’an suamizekse (95 hiihtoammundas da kerran hiihtändäs). Kaikkiedah niilöis hänel on 133 voittuo, sih luguh kuulutah sežo voitot joukkovehlajilois.
Vuozinnu 2014—2016 Bjorndalen kuului Kanzoinvälizeh Olimpiuadukomitiettah.
Bjorndalen on hiihtoammundas ijäkkähin Muailman sportumal’l’an kilboin da Olimpiuadukižoin voittai (hänel oli 41 vuottu, 10 kuudu da 5 päiviä).
Eloskerdu
Bjorndalen on roinnuhes Norviegien Drammen-linnah fermeroin pereheh. Opastundu ei ylen äijiä kiinnostannuh händy, enin aigua häi vietti sportukerholois. Kižai jalgumiäččyh, kävyi käzimiäčyn harjaitteluloih, lykii keijästy, yhtyi pyörysportan da ulgoatletiekan (3000 metrin juoksu) kilboih. Hänen tuattah sežo harjaitti ulgoatletiekkua, ga hänel pidi jättiä sportu piän elättämizekse. Bjorndalenal on kaksi vellie da kaksi sizärdy. Vahnin velli Dag enzimäzenny perehes rubei harjaittamah hiihtoammundua, hänen jälgilöile sit lähti Ole Einar.
Vuvvennu 2006 oraskuun 27. päivänny Bjorndalen nai belgieläzes (itualielastu juurdu olii) hiihtoambujas Natali Santeras. Lastu heil ei olluh. Ligakuul 2012 oli ilmoitettu, ku Natali da Ole Einar erotah jälles kuuttu vuottu yhtehmendyy.
Vuvvennu 2016 kezäkuun 16. päivänny Bjorndalen nai valgoven’alazes hiihtoambujas Darja Domračevas. Heile rodih tytär 1. ligakuudu vuvvennu 2016 Minskas, kudamale annettih nimi Ksenija[6]. Jälles vuvvennu 2023 pereh rodih vie yksi tytär, hänele annettih Mira-nimi. Vuvven 2023 tiedoloin mugah molodoit eletäh kolmes muas, enimilleh Monakos, vie Norviegies da Valgoven'al; Bjorndalen ruadau eksperstannu TV:s da kävyy Muailman kubkan kilboih, pereh äijän matkustelou[7].
Harjaittelijan ruado
Syvyskuul vuvvennu 2019 rodih Kitain joukkovehen piäharjattelijakse, a akkah Darja Domračeva naizien joukkovehen johtajakse[8]. Vuvennu 2022 yhtehine ruado Kitainke loppih[7].
Persounallistu tieduo
- Bjorndalen maltau norviegien, anglien, germuanien, itualien da ven’an kielii;
- Vuvves 1984 harjaittau hiihtoammundua;
- Vuvves 1992 kuuluu Norviegien joukkoveheh;
- Hänen harjaittelijat — Rogger Grubben da Joar Himmle.
Mieldykiinittäjiä tieduo
Bjorndalen sissäh pidäy huoldu puhtahuos da omas tervehyös, sendäh keräl ainos ottau pölynimurin da harvah konzu andau kätty tervehtijes. Häi sanoi, ku pölynimurinke ajelendu ei olluh hänen idei, häi rubei ruadamah sidä joukkovehen ystävien peräh.
Palkindot
- 1998 — Aftenposten-lehten kuldumedali;
- 2002 — Egebergs-palkindon laureattu[9].;
- 2009 — Fair play -palkindon laureattu[10];
- 2011 — Holmenkollenan medali (Norviegien suurin palkindo hiihtäjile suures panokses sportah da korgielois tuloksis)[9][11];
- 2014 — Kanzallizien olimpiuadukomitiettoin liiton palkindon laureattu[12],
- 2023 — Bjorndalenan nimi on ezitetty Kanzoinvälizen hiihtoambujien liiton Kuulužuon zualas[13].
Huomavukset
- ↑ 1 2 http://espn.go.com/olympics/winter/2014/athletes/_/athlete/1/ole-einar-bjoerndalen
- ↑ 1 2 Ole Einar Bjorndalen // Encyclopædia Britannica (англ.)
- ↑ http://www.foxsports.com/olympics/story/russia-wins-gold-mens-4x7-5-km-biathlon-relay-sochi-games-022214
- ↑ http://www.bbc.co.uk/sport/0/winter-olympics/26069041
- ↑ http://www.laola1.at/de/red/wintersport/biathlon/news/bjoerndalen-hochzeit/
- ↑ Домрачева и Бьорндален назвали дочь Ксюшей. Kačondan päivymiäry: 16. ligakuudu 2016. Arhiviiruittu 16. ligakuudu 2016
- ↑ 1 2 >Валентина Глазко. Олимпиада, двое детей и дом в Монако: история любви Домрачевой и Бьорндалена (рус.). www.sport-express.ru (27. pakkaskuudu 2024). Kačondan päivymiäry: 21. ligakuudu 2025.
- ↑ Домрачева и Бьорндален стали тренерами сборной Китая (рус.). Советский спорт. Kačondan päivymiäry: 16. syvyskuudu 2019. Arhiviiruittu 13. syvyskuudu 2019
- ↑ 1 2 Биография Уле Эйнара Бьёрндалена. Kačondan päivymiäry: 13. kevätkuudu 2016. Arhiviiruittu 14. kevätkuudu 2016
- ↑ Бьорндален получит премию Fair play. Kačondan päivymiäry: 20. kevätkuudu 2016. Arhiviiruittu 1. sulakuudu 2016
- ↑ Бьорндален, Грайс и Хенкель награждены медалью Хольменколлена. Kačondan päivymiäry: 13. kevätkuudu 2016. Arhiviiruittu 14. kevätkuudu 2016
- ↑ Бьорндален получил главный приз в своей карьере. Kačondan päivymiäry: 22. kevätkuudu 2016. Arhiviiruittu 14. oraskuudu 2015
- ↑ IBU создал Зал славы биатлона, одним из первых в него вошёл Бьорндален (рус.). matchtv.ru. Kačondan päivymiäry: 21. ligakuudu 2025.