Ozan irvistely vai oligo löylyy?

On otettu Рувики-späi
Tarkastettu kirjutus
Ozan irvistely vai oligo löylyy?
Постер фильма
Žanru melodruamu
tragikomiegii
Ohjuaju El'dar R'azanov
Käzikirjutuksen kirjuttai Emil' Braginskii
El'dar R'azonov
Piäroulilois Andrei M'agkov
Barbara Bril'ska
Jurii Jakovlev
L'ubov' Dobržanskaja
Rouliloi
iänitettih		 Sergei Nikitin[d], Valentina Talizina[d] da Alla Pugačova[d]
Operuattorat Vladimir Hahabcev (piä)
Vadim Alisov
Sergei Armand
Boris Kočerov
Leikkuaju Valerija Belova
Säveldäi Mikael Tariverdijev
Tuotandon planiiruiččii Aleksandr Borisov
Alguperäine telekanualu Keskustelevidienien Enzimäine ohjelmu
Kompuanii Mosfil'mu-kinostuudii. Telefil'moin luomisruadoyhtistys
Distribjutor Nevvostoliiton Ministroin Nevvoston valdivolline televidienien da ruadivon komitiettu
Kesto 184 minuuttua
Mua  Nevvostoliitto
Kieli ven'an kieli
Ilmah piäständypäivy 1976
Sarjoin lugu 2
Tulii fil'mu Ozan irvistely. Jatko[d]
IMDb ID 0073179

Ozan irvistely vai oligo löylyy? (ven. «Иро́ния судьбы́, и́ли С лёгким па́ром!») on nevvostolaine vuvven 1975 kaksisarjahine telefil'mu, sen ohjuajannu on El'dar R'azanov. Nevvostoliitos sen enzi-ildu oli 1. pakkaskuudu vuvvennu 1976 Keskustelevidienien Enzimäzes ohjelmas[1].

Luajindan histourii

Fil'mu on Emil' Braginskoin da El'dar R'azanovan ven. «С лёгким паром! или Однажды в новогоднюю ночь…»-ozutelman fil'muamizennu. Ozutelmu kirjutettih vuvvennu 1969 da fil'man luajinduaijakse sidä jo ozutettih monis Nevvostoliiton teatrois. Myöhembä sidä ozutettih muan 110 teatran laval[2], ulgomualgi.

R'azanov sanoi, ku ozutelman, kui fil'mangi juondehen pohjannu ollah tozitapahtumat. Toven oli ristikanzu, kudai 31. talvikuudu lähti kylyh da huondeksel oli jo toizes linnas. Mih tämä loppih, R'azanov da Braginskii ei tietty, sendäh keksittih iče.

Sygyzyl vuvvennu 1975 enne fil'man enzi-ildua Nevvostoliitos, Kogo Nevvostoliiton telefil'moin festivualin hantuzis Ozan irvistely vai oligo löylyy? -fil'mu enzimäzinny kačottih Gruuzien eläjät. Tbilisis pietys pivos fil'mu sai enzimäzen sijan[3].

Juondeh

Juondehes piämielenny on Brežnevan aigukavven yhteiskunnallizen arhitektuuran atkal yksiluadužus. Se sellitetäh jumoristizes piirdofil'muezisanois, kudamis arhitektoroil pidäy noudua poliitiekkoi da b'urokruatiedu (ohjuaju da animuattoru Vitalii Peskov). Tuloksennu rodih se, ku yhtenmoizet, ga funksionuallizet monikerroksizet eländytaloit roittih joga linnas, kyläs da linnanymbäristöl kaikes Nevvostoliitos[4].

Oman jogavuodizen perindön mugah joukko ystävii vastavuu Moskovan erähäs yhteiskunnallizes kylys Uvven Vuvven pruazniekan pidämizekse. Hyö äijän juvvah pruaznuijes piähengen Žen'a Lukašinan tuliedu kihloihmenendiä Gal'anke (Lukašin uvvenvuvven yöl huavuau puašittua miehele Gal'an). Jälles kylyy Puavilale, erähäle ystävis, pidäy lendiä Leningruadah, kus händy vuottau akku. Kaikin lähtietäh kaimuamah ystäviä lendoazemale.

Konzu ystävät tullah lendoazemale, Žen'a da Puavil jo muatah. A Saša da Miša ei voija juohattua, kel pidäy lendiä. Puavilas tuači hyö istutetah lendokoneheh Žen'an.

Žen'a kaiken lennon aigua maguau ärevynnyön rinnalistuajan olgupiälöil, kudai jälgimäi Leningruadas avvuttau hänele lähtie lendokonehespäi iäre. Nuori mies havaččuu Leningruadan lendoazemal duumaijen, ku häi on Moskovas. Häi ottau taksin da sanou šouferile oman adresin.

Tuli ilmi, ku Leningruadas on sama adressi koil, kudai nostandan mugah on ihan sama kui Žen'an kodi Moskovas. Moskovalaine nouzou liftal "omah" fatierah dai avain pädi (kui sanottih ezisanois: "…standartanmugazien fatieroin nostandu standartanmugazien lukkuloinke"). Pertilöis kai pertilomut ollah enimälleh samat, kui Žen'an fatieras Moskovas, ga nuori mies on liijakse humalas, häi ei näi eroloi.

Sil aigua fatieran emändy Nad'a Ševel'ova tulou kodih. Häi tahtou vastata Uuttu Vuottu oman kavalieran Ippolitanke. Häi löydäy omas magavosijas maguajan vakkinazen miehen. Häi oppiu ajuakuččumattomua gost'ua iäre, ga se tabavunnuh ei voi ellendiä, midä "hänen" fatieras ruadau vakkinaine naine da mindäh häi sie komanduiččou. Konzu fil'man piähenget ozutettih toine toizele pasportat elopaikan kirjoihpanendoinke, sit vai kai selgeni. Žen'a on pahas mieles: Moskovas händy vuottau Gal'a. A Ippolit Nad'alluo tulduu ei usko Žen'an da Nad'an sellittämizii. Nuori mies huavuau ajua Moskovah, ga hänel keräl ei ole dengua. Häi kiändyy järilleh Nad'an fatierah. Ippolit rubieu varuamah Nad'ua täh mieheh da lähtöy iäre. Nad'a tahtou teriämbäh piästä Jevgenies, ga tulieh huondeksessah nimittumii reissoi Moskovah ei ole. Žen'a äijän kerdua oppiu soittua Moskovah da sellittiä Gal'ale, midä tapahtui. Jägimäi häi suau paista neidizenke, ga se Leningruadas kuultuu heittäy trupkan iäre. Nad'a menöy Moskovan azemale da ostau omale uvvele tuttavale junalipun Moskovah, ga se revittäy sen da sanou, ku nikunne ei lähte.

Žen'al da Nad'al tulou viettiä uvvenvuvven yö yhtes. Enzimäi hyö ollah vihoissah toine toizen piäl, ga hil'l'akkazin lauhtutah da miellytäh toine toizeh. Huondeksel hyö tundietah, ku kai, mi tapahtui heijänke oli hairahtus, da piätetäh erota. Nuori mies tulou järilleh Moskovah. Matkan jälles väzynyh da yöl ei muannuh nuori mies uinuou. Havaččuhuu duumaiččou, ku nägöy Nad'ua unis, ga häi istuu rinnal. Häi piätti tulla hänellyö Moskovah da ei olluh vaigei löydiä mielespeittävy, heilhäi on sama adressi dai avain pädöy.

Novellizacii

On olemas "Ozan irvistelyn" novellizacii (druamu tarkoin remarkoinke), kudai on jullattu erilazih El'dar R'azanovan fil'moin novellizacieloin kogomuksih[5]. Её содержание схоже с фильмом и пьесой.

Roulilois

Ozuttelii Rouli
Andrei M'agkov Jevgenii (Žen'a) Mihailovič Lukašin (vokualu — Sergei Nikitin)[6] hirurgu Jevgenii (Žen'a) Mihailovič Lukašin (vokualu — Sergei Nikitin)[6]
Barbara Bril'ska Nadežda (Nad'a) Vasiljevna Ševel'ova (iänitti — Valentina Talizina, vokualu — Alla Pugačova) ven'an kielen da literatuuran opastai Nadežda (Nad'a) Vasiljevna Ševel'ova (iänitti — Valentina Talizina, vokualu — Alla Pugačova)
Jurii Jakovlev Ippolit Georgijevič Nad'an sulhaine Ippolit Georgijevič
L'ubov' Dobržanskaja Marina Dmitrijevna Žen'an muamah Marina Dmitrijevna
Ol'ga Naumenko Gal'a Žen'an andilas Gal'a
Lija Ahedžakova Tan'a Nad'an ystävy da kolliegu Tan'a
Valentina Talizina Val'a Nad'an ystävy da kolliegu Val'a
Aleksandr Širvindt Puavil / Žen'an ystävy Puavil / iäni kadran tagan fil'man allus
Georgii Burkov Miša Žen'an ystävy Miša
Aleksandr Bel'avskii Saša Žen'an ystävy Saša
L'ubov' Sokolova Nad'an muamah[7] Nad'an muamah[7]
Gotlib Roninson matkustai Krasnojarskaspäi lenduo vuottai matkustai matkustai Krasnojarskaspäi
El'dar R'azanov matkustai lendokonehes (titrois ei merkitty) matkustai lendokonehes (titrois ei merkitty)
Boris Rudnev taksin šouferi (titrois ei merkitty) taksin šouferi (titrois ei merkitty)
Nikolai Pogodin piävyndähine gost'u bajananke (titrois ei merkitty) piävyndähine gost'u bajananke (titrois ei merkitty)
Aleksandr Postnikov siiriči astui (titrois ei merkitty) siiriči astui (titrois ei merkitty)
Jelena Maumkina lendoazeman bufietas ruadai (titrois ei merkitty) lendoazeman bufietas ruadai (titrois ei merkitty)
Nikolai Kuznecov rinnaleläi (titrois ei merkitty) rinnaleläi (titrois ei merkitty)
Mihail Bočarov rinnaleläi koiranke (titrois ei merkitty) rinnaleläi koiranke (titrois ei merkitty)

Fil'man kadrat

  • Andei M'agkov Žen'an roulis da Ol'ga Naumenko Gal'an roulis

    Andei M'agkov Žen'an roulis da Ol'ga Naumenko Gal'an roulis

  • Aleksandr Širvindt Puavilan roulis

    Aleksandr Širvindt Puavilan roulis

  • Barbara Bril'ska Nad'an roulis

    Barbara Bril'ska Nad'an roulis

  • Jurii Jakovlev Ippolitan roulis

    Jurii Jakovlev Ippolitan roulis

  • L'ubov' Dobržanskaja Žen'an muaman roulis

    L'ubov' Dobržanskaja Žen'an muaman roulis

  • Andei M'agkov (Žen'a) da Barbara Bril'ska (Nad'a)

    Andei M'agkov (Žen'a) da Barbara Bril'ska (Nad'a)

Kuvavusjoukko

  • Käzikirjutuksen kirjuttajat: Emil' Braginskii, El'dar R'azanov
  • Ohjuaju: El'dar R'azanov
  • Piäoperuattoru: Vladimir Nahabcev
  • Piätaidoilii: Aleksandr Borisov
  • Toine ohjuaju: Igor' Petrov
  • Iänioperuattoru: Jurii Rabinovič
  • Säveldäi: Mikael Tariverdijev
  • Orkestranohjuaju: Georgii Garan'an
  • Sobien taidoilii: Ol'ga Kručinina
  • Griimutaidoilii: Ol'ga Struncova
  • Kino-operuattorat: Vadim Alisov, Sergei Armand, Boris Kočerev
  • Yhtistetyt kuvavukset: Boris Travkin (оperuattoru), Valentin Glass (taidoilii)
  • Leikkuandu: Valerija Belova
  • Ohjuajan abuniekat: Nina Koreneva, Grigorii Torčinskii
  • Operuattoran abuniekat: Vladimir Gorškov, Vladimir Batuzov, Aleksandr Mihaličev, Sergei Kočeburov, Nikolai Korobeinik.
  • Leikkuajan abuniekku: Eleonora Praksina
  • Taidoilii-dekoruattoru: I. F'odorov
  • Valgomuasteri: Mark Vaisman
  • Redaktoru: I. Naumova
  • Muuzikkuredaktorat: Raisa Lukina, V. Lapisov
  • Piirdofil'mu fil'man allus: Vitalii Peskov
  • Fil'man johtai: Jefim Golinskii

Pajot da runot

Fil'man käzikirjutukseh nähte kirjutettih yheksä runuo. Kaheksah niilöis pidi luadie pajot. El'dar R'azanov oli sidä mieldy, ku yhtel säveldäjäl roih jygei kirjuttua kerras kaheksa pajuo. Häi kiändyi sit nellän säveldäjän puoleh: Jan Frinkel'an, Isaak Švarcan, Andrei Petrovan da Mikael Tariverdijevan puoleh. Hänen mieles jogahizel pidi kirjuttua kaksi pajuo. Enzimäi kaikin suostuttih, ga sit kolme kieldävyi eri syylöin periä: yhtele kehoitettih ulgomuale lähtendiä, toine ei voinnuh ruadoloin periä. Jäi vaiku Mikael Tariverdijev[2].

Käzikirjutuksen lugiettuu Mikael Leonovičua pani miettimäh sen žanroin moniluadužus. Jälgimäi häi piätti iččeh nähte, ku se on Rastavan suarnu.[8] Säveldäi luadi muuzikan Marina Cvetajevan, Jevgenii Jevtušenkon, Bella Ahmadulinan da toizien tundiettuloin runoilijoin tevoksih.

Kai muuzikku fil'mas on Mikael Tariverdijevan kirjutettu. Hänen akkah Vera musteli[9]:

"Kerran Tariverdijev astui syöndykohtas siiriči, kudamas toizien ristikanzoin joukos istui El'dar R'azanov da pajatti ven. «На Тихорецкую состав отправится...». Sen pajon häi tahtoi ottua omah uudeh fil'mah da pidi pahua mieldy, ku sen on rahvahan pajo. Ga toziazies pajo oli kirjutettu minun ukon ouperah nähte. Pajatti sen Vladimir Visockii, sendäh R'azanov tädä pajuo kuuli, ga ei tiedänyh kirjuttajua"

Miespajatandas fil'mas vastuau Sergei Nikitin (ven. «Со мною вот что происходит», ven. «Я спросил у ясеня», «ven. Никого не будет в доме» da ven. «Если у вас нету тёти»), naispajatandas — Alla Pugačova (ven. «По улице моей», «ven. На Тихорецкую», ven. «Мне нравится», ven. «У зеркала»). Aleksandr Kočetkovan kirjutettuu balluadua ven. «Балладу о прокуренном вагоне» fil'mas lugou Andrei M'agkov da Valentina Talizina. Allus pajattamah pajoloi fil'mas valmistihes Anna German, ga sidä ei puuttunuh ruadua — varoi ulgomualazen pajattajan kučundah ei pandu fil'man b'udžiettah[10].

Saundtrekan fil'mah nähte oli ozittain piästänyh ilmah Tariverdijevan plastinkal Melodija-firmu vuvvennu 1976[11]. Kogonaine saudtrek oli ezitönnyh CD:l vuvvennu 2009 ven. «Бомба-Мьюзик»-firmu[12]. Vuvvennu 2016 saundtrek jullattih vinilal Yhtistynnyös Kuningaskunnas leiblal «Earth»[13], vuvvennu 2019 — värikkähäl viniilal ven. «Бомбой-Мьюзик»[8].

ven. «Бомба-Мьюзик»-julgavo, vuozi 2009
№ NimiSanatVokualu Kesto
1. «ven. Увертюра» (instrumentualu)   2:43
2. «ven. Со мною вот что происходит» Jevgenii JevtušenkoS. Nikitin 2:28
3. «ven. Надежда» (instrumentualu)   4:24
4. «ven. В ожидании Нового года» (instrumentualu)   1:14
5. «ven. Никого не будет в доме» Boris PasternakA. Pugačova 2:17
6. «ven. Снег над Ленинградом» (instrumentualu)   2:45
7. «ven. По улице моей который год» Bella Ahmadulina  2:48
8. «ven. На Третьей улице Строителей» (instrumentualu)   1:15
9. «ven. На Тихорецкую» Mihail L'vovskiiA. Pugačova 1:29
10. «ven. С Новым годом!» (instrumentualu)   2:46
11. «ven. Мне нравится[14]» Marina CvetajevaA. Pugačova 1:35
12. «ven. Если у вас нету тёти (ven. Ария московского гостя)» Aleksandr AronovS. Nikitin 1:53
13. «ven. Последний вальс» (instrumentualu)   1:45
14. «ven. Хочу у зеркала спросить» M. Cvetajeva  1:36
15. «ven. Я спросил у ясеня» Vladimir KiršonS. Nikitin 3:08
16. «ven. С любимыми не расставайтесь» Aleksandr KočetkovА. M'agkov da V. Talizina 4:26
17. «Meloudii» (instrumentualu)   4:33
41:03

Vuvvennu 2014 году ven. «Серебряный дождь»-ruadivostansii otti plastinkan kinofil'man pajoloinke omah Melodija-firman 50 kuulužua plastinkua -luvetteluh[15].

Kuvavukset

Fil'man piäoperuattoru Vladimir Nahabcev piätti käyttiä sih aigah uvvistuksennu olluttu kolmen kameran sistiemua. Yhtel aigua ruadoi kolme kamerua, kudamat kuvattih kolmes eri puoles. Se äijäl kebjendi ruavon, ga toizielpäi pitkendi kuvavuksien aigua[2].

Kuvuamizet algavuttih kevätkuul, a loppiettihes kezäl. Sen periä fil'mas on keinolluajittu lumi. Silloi vie lumihiudalehkeräzii da toizii agreguattoi ei keksitty, lundu luajittih käzil vuatas, bumuagas da penoplastas. A ku olis tuulen puhalduksii, käytettih tukkienkuivatindu[9].

Läs kai kuvavukset mendih Moskovas da vaiku erähii ozii kuvattih Leningruadas. Mollembat fil'mas ozutetut fatierat oldih Vernadskoin prospektal: kodilois 125 (sie oli Lukašinan fatieru) da 113 (Nad'an fatieru). Mosfil'mal kylyozah nähte nostettih erilline paviljon.

Tovelline ven. Третья улица Строителей-uuličču oli Moskovan samal mikroalovehel kui Vernadskoin prospektu. Ga jo vuvvennu 1963 se sai Marija Uljanovan nimen[16].

Vuvvennu 2003 taloin seinäl, kus rouno ku eli Žen'a Lukašin, azetettih mustolaudu. Sen avuajazih otti ozua El'dar R'azanov[17]. Enzimäzenny yön al'uuminine plastiinu varrastettih. Vuvvennu 2007 laudazet azetettih kerras kahtele koile Vernadskoin prospektal — taloil 125, da taloil 113, — ga netgi ei hätkie oldu[18][19][20].

Kinokoittelut

Žen'a Lukašinan — miehen piäroulii — tavoitteli kuulužu ozuttelii Andrei Mironov. Ga R'azanov kieldävyi hänes. Sih roulih häi ei eččinyh naiziensuvaiččijua, a mostu miesty, kudaman ulgonägö da ičenviendy ei kiinittäs naizien huomavuo. Mironovale kehoitettih Ippolitan roulii, ga häi kieldävyi sit. Žen'a Lukašinan roulii tavoiteltih Oleg Dal', P'otr Veljaminov, Stanislav L'ubšin da Innokentii Smoktunovskii[9]. Andrei M'agkov ihan petties rodih Lukašinakse. Ohjuaju oli kriittine hänen puoleh, ga häi koittelulois ozuttihes kaikis uskottavimakse.

Vaigei oli vallita ozuttelijuagi naizen piäroulih. R'azanov "ei nähnyh Nad'ua" nigo L'udmila Gurčenkos, nigo Valentina Talizinas, nigo Svetlana Nemol'ajevas, nigo Antonina Šuranovas dai toizis kuulužis nevvostolazis ozuttelijois. Enzimäi häi tahtoi, ku naizen piäroulii ozuttas Alisa Frendlih: häi ylen hyvin maltoi ozuttua komiedizii rouliloi da hyvin pajatti, mi oli tärgei täh fil'mah nähte. Ga taidonevvosto ei hyväksynnyh händy[2]. Pol'šalazes ozuttelijas Barbara Bril'skas naizen piäroulih kandiduatannu R'azanov rubei duumaimah jälles pagizendua toizen ohjuajanke. R'azanov kučui fil'mah ulgomualazen ozuttelijan, ga vieraskielizen paginluavun periä händy iänitti Valentina Talizina. Talizinal sežo oli fil'mas Val'an, Nad'an ystävän rouli.

Ippolitan roulih enzimäi miärättih Oleg Basilašvilii. Häi ehti ozuttuakseh erähis epizoudois. Ga kuvauksien aigah kuoli hänen tuattah da kolliegu Jefim Kopel'an, da häi ei voinnuh jatkua ruaduo. Sit hänen sijah tuli Jurii Jakovlev.

Gal'an roulih enzimäi hyväksyttih Natalja Gvozdikovua[21].

Žen'a Lukašinan ystävii ozutettih El'dar R'azanovan ystävät — Georgii Burkov da Aleksandr Širvindt. Ohjuaju enne ruadoi heijänke toizis fil'mois. Aleksandr Bel'avskoidu kučuttih myöhembä. A Nad'an da Žen'an muaman rouliloih hyväksyttih L'ubov' Sokolova da L'ubov' Dobržanskaja, hyö sežo enne ruattih R'azanovanke — otettih ozua ven. «Берегись автомобиля»-fil'man kuvavuksih.

Fil'man joukkokuvauksih otti ozua Aleksandr Bel'ajev, NTV:n siäennustuksen tundiettu juondai[9].

Fil'man enzi-ildu

1. pakkaskuudu vuvvennu 1976 18:00 čuasun aigah Enzimästy programmua myöte ozutettih Ozan irvistely vai oligo löylyy? -fil'mu. Fil'mua ylen äijäl kiitettih. F'odor Razzakovan sanoin mugah fil'man kačoi 100 miljonua kaččojua[22]. Luguzien kirjazien suaduu, kudamis kyzyttih vie kerdu ozuttua fil'mu, se ozutettih toizen kerran 7. pakkaskuudu vuvvennu 1976. Lyhendetty fil'man versii ozutettih kinoteatroisgi, kus fil'mu sežo rodih kuulužakse rahvahan keskes. Sie sidä kačoi läs 7 miljonua hengie[23][24][25].

ven. «Советский экран»-julgavon lugijat sanottih Ozan irvistely vai oligo löylyy? vuvven 1976 parahakse fil'makse, a parahakse ozuttelijakse vallittih Andrei M'agkovua, kudamal fil'mas oli Žen'a Lukašinan rouli[26]. Vuvvennu 1977 El'dar R'azanov, käzikirjutuksen kirjuttai Emil' Braginskii, operuattoru Vladimir Nahabcev, säveldäi Mikael Tariverdijev da fil'mat piäroulilois olluot Barbara Bril'ska da Andrei M'agkov suadih Nevvostoliiton Valdivollizen palkindon tunnustuksennu fil'mah ozanotandas[27].

Palkindot

  • 1976 — ven. «Советский экран»-žurnualan lugijat sanottih Ozan irvistely vai oligo löylyy? -fil'man vuvven parahakse fil'makse.
  • 1976 — Andrei M'agkovua sanottih Nevvostoliiton vuvven parahakse ozuttelijakse ven. «Советский экран»-žurnualan kyzelyn mugah[28]
  • 1977 — Nevvostoliiton valdivolline palkindo, palkittih ohjuaju El'dar R'azanov, piäroulilois olluot Barbara Bril'ska da Andrei M'agkov, säveldäi Mikael Tariverdijev, operuattoru Vladimir Nahabcev, käzikirjutuksen kirjuttai Emil' Braginskii.

Toziaziet

Kadru painohairahtuksenke
  • Fil'man algutekstusanois on painohairahtus: sanas «исключительно» ei ole «л»-kirjaindu. Oigiehkirjutus da välimerkisistiemu sit ezimerkis on säilytty.

Совершенно нетипичная история которая могла произойти только и искючительно в новогоднюю ночь

  • Ohjuajan mielen mugah fil'man allus pideli ozuttua vertol'uotaspäi kuvattuloi samanluaduzii nevvostolazii rakenduksii. Ga fil'man b'udžiettah ei kuulunuh moizii kululoi, sendäh niilöin sijah kaččoi nägi animacien.
  • Konzu Nad'a nostau lumikivoksespäi Ippolitan kuvan, sit ei ole Jakovlev, a Basilašvili. Konzu uvvessah tahtottih luadie tämä kadru, lundu jo ei olluh[29].
  • Piähengi Nad'a ruadau opastajannu. Ga paginas Ippolitanke häi hairahtuu da sanou: «ven. Я забыла одеть праздничное платье». Ven'an kielen siändölöin mugah hänel pidi sanuo ven. «надеть».
  • Lukašin lendäy Leningruadah Domodedovon lendoazemaspäi, ga Nevvostoliiton aigah pohjazen da päivänlaskun reisut lähtiettih lendoh Šeremetjevos-1[30]
  • El'dar R'azanoval fil'mas oli epizoudurouli — lendokonehel matkustajan rouli, sen piäle ainos pačkahtihes maguaju Lukašin[30][31].
  • ven. «Какая гадость эта ваша заливная рыба» da ven. «О, тёпленькая пошла» ollah virkehet, kudamii ei olluh fil'man käzikirjutukses. Net oldih Jurii Jakovlevan improvizaciennu[30].
  • Moskovas vuvves 1958 algajen oli ven. 3-я улица Строителей, ga vuvvennu 1963 se sai Marija Uljanovan nimen. Leningruadas ven. 3-я улица Строителей-uuliččua nikonzu ei olluh, ga vuvves 1955 vuodessah 1962 oli kerras kaksi ven. улица Строителей-uuliččua, yksi — Krasnogvardeiskan mikroalovehen tevolližusalovehel; nygöi täl uuličal on ven. Бокситогорская-nimi, toine — Kirovan mikroalovehel, nygöi — Marineskon uuličču.

Kul'tuuruvaikutus

  • Vuvvennu 1981 Nevvostoliiton kommunistizen partien XXVI kerähmöl Leonid Brežnev omas selvityspaginas mainičči fil'mas:

Ei pie sellittiä, kui on tärgei, ku kai meis ymbäri olis kaunis da hyvän mavun mugah. Olimpiuadan objektat da Moskovan erähät eländykohtat, Leningruadan elävytetyt mustomerkit da uvvet arhitektuuruansambl'at, Alma-Atan, Vil'n'usan, Navojin da toizien linnoin uvvet rakendukset ollah meijän ylbevyksenny. Linnannostandu tarviččou suurdu taidoilmekkähytty da moniluadužuttu. Kui ei olis, kui fil'mas, konzu piähengi vierahah linnah puuttuhuu ei voinnuh eroittua nigo vierastu kodii, nigo vierastu fatierua omas[32]

  • Indies vuvvennu 2015 piäzi ilmah fil'mu ven. «Я люблю Новый год» Sanni Deolanke da Kangana Ranautanke piäroulilois. Fil'man piähengil ollah indielazet nimet, kai tapahtuu Čikagos da Nju Jorkasе. A juondeh on ihan sama kui Nad'an da Žen'an histouries "Ozan irvistelys..." Ga prod'usserat oldih vaikkani idein ottamizes[33][34][35].
  • Kezäl vuvvennu 2021 Ven'an ohjuaju Mar'us Vaisberg piätti luadie fil'man oman variantan nimel ven. «Ирония судьбы в Голливуде». Amierikkalazen fil'man kuvavuksih otettih ozua Emma Roberts, Džulija Robertsan plem'aniekku, Tomas Mann, Medelin Petš da Britt Robertson[36][37][38]Робертсон, Бритт|.

Reliizu DVD:l

Reliizan DVD:l piästi ilmah 10. talvikuudu vuvvennu 2009 ven. «Флагман-Трейд»-laitos[30].

Jatko

Ozan irvistely -fil'man jatko nimel "Ozan irvistely. Jatko" piäzi ilmah talvikuul vuvvennu 2007, se kerras rodih kuulužakse da keräi enämbän 55 miljonua dollarua, fil'man luajindahhäi meni viizi miljonua dollarua. Žen'a Lukašinan da Nad'a Ševel'ovan täyzi-igäzien lapsien roulilois, kudamat puututtih ihan samah tilah kui heijän vahnembat, ollah Konstantin Habenskii da Jelizaveta Bojarskaja [39].

Andrei M'agkov hos oligi ottanuh ozua kuvavuksih, ga jälles pidi pahua mieldy tuloksien periä[40].

Huomavukset

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Kačondan päivymiäry: 26. kylmykuudu 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 talvikuudu.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» (рус.). ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14. kevätkuudu 2023).
  7. ↑ Ozutelmas, kudaman mugah on luajittu fil'mu, on kirjutettu Nad'an muaman nimi da ižännimi — Ol'ga Nikolajevna, — a fil'mas — ei ole.
  8. ↑ 1 2 Ирония судьбы или С лёгким паром! BoMB033-907 LP verkosivustol Discogs, аннотация
  9. ↑ 1 2 3 4 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 talvikuudu.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 heinykuudu.
  11. ↑ Музыка из кинофильмов «Ольга Сергеевна», «Ирония судьбы» verkosivustol Discogs
  12. ↑ Ирония судьбы или С лёгким паром! verkosivustol Discogs
  13. ↑ Tariverdiev – The Irony Of Fate (Original Score) verkosivustol Discogs
  14. ↑ «Мне нравится, что вы больны не мной» Цветаевой — любовный треугольник. pishi-stihi.ru. Kačondan päivymiäry: 26. kylmykuudu 2019. Arhiviiruittu 8. kezäkuudu 2021
  15. ↑ 50 культовых пластинок фирмы «Мелодия» | Серебряный Дождь (рус.). web.archive.org. Kačondan päivymiäry: 18. kylmykuudu 2024.
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 talvikuudu.
  17. ↑ Самый новогодний фильм увековечен мемориальной доской, РБК. Kačondan päivymiäry: 18. kylmykuudu 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Kačondan päivymiäry: 18. kylmykuudu 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (рус.). www.m24.ru. Kačondan päivymiäry: 18. kylmykuudu 2024.
  20. ↑ Со стены дома, где снимали «Иронию судьбы», украли памятную табличку (рус.). Kačondan päivymiäry: 18. kylmykuudu 2024.
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Arhiivukoupii 25 kevätkuudu 2013 Wayback Machine. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Ирония судьбы или с легким паром. Рождение легенды - Первый канал на YouTubel, начиная с 47:45
  25. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Kačondan päivymiäry: 2. pakkaskuudu 2020.
  26. ↑ Победители конкурса журнала "Советский экран" // akter.kulichki.com. — 1983. — Ligakuu.
  27. ↑ Телефильм "Ирония судьбы, или С легким паром!". Досье - ТАСС, TACC. Kačondan päivymiäry: 18. kylmykuudu 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10. pakkaskuudu 2007). Kačondan päivymiäry: 26. kylmykuudu 2019. Arhiviiruittu originualaspäi 21. elokuudu 2009
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 talvikuudu 2022). Kačondan päivymiäry: 18. kylmykuudu 2024.
  30. ↑ 1 2 3 4 Ирония судьбы, или С легким паром! (ТВ, 1975) (рус.). www.kinopoisk.ru. Kačondan päivymiäry: 18. kylmykuudu 2024.
  31. ↑ Ирония судьбы, или С легким паром! - «25-й кадр» | Независимый журнал о кино. 25-k.com. Kačondan päivymiäry: 18. kylmykuudu 2024.
  32. ↑ 26-й съезд КПСС (23 февраля — 3 марта 1981 года): Стенографический отчёт. Т. 1. — М.: Политиздат, 1981. — С. 81.
  33. ↑ Я люблю Новый год (2015) — дата выхода в России и премьеры в мире — Кинопоиск (рус.). Кинопоиск. Kačondan päivymiäry: 18. kylmykuudu 2024.
  34. ↑ I Love New Year (angl.) verkosivustol Internet Movie Database
  35. ↑ Болливуд снял индийский ремейк "Иронии судьбы", РБК. Kačondan päivymiäry: 18. kylmykuudu 2024.
  36. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!»
  37. ↑ В США снимут англоязычную версию «Иронии судьбы». Режиссер – Марюс Вайсберг.
  38. ↑ Вайсберг показал первый кадр из голливудской «Иронии судьбы».
  39. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 talvikuudu.
  40. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 talvikuudu.

Kirjalližus

Lähteh - "https://olo.ruwiki.ru/w/index.php?title=Ozan_irvistely_vai_oligo_löylyy%3F&oldid=126357099"