Sebävyksien päivy

Sebävyksien päivy
Toizin	Kanzoinväline sebävyksien päivy, Kanzalline sebävyksien päivy
On pandu alguh	1970-luvul
Päivymiäry	17. syvyskuudu 4. talvikuudu 17. talvikuudu 21. pakkaskuudu 9. elokuudu
Piendy	10. ligakuudu
On kiini	rakkahuos da ystävyös

Sebävyksien päivy on pruazniekku, kudamua pietäh 21. pakkaskuudu, 4. talvikuudu da toizinnu päivinny. Pruazniekan perindön mugah sevätä voibi tundemattomii rahvahiigi. Sinäpiän pietäh erilazii sebävyksis kiini olijoi flešmoboi.

Pakkaskuun sebävyksien päivy on pandu alguh Amierikan Yhtysvallois vuvvennu 1986 nimel Kanzalline sebävyksien päivy (angl. National Hugging Day), sit sidä ruvettih pidämäh muailman toizis mualois.

Kanzoinväline talvikuun pruazniekku (angl. International Hug Day) rodih 1970-luvul päivänlaskun nuorien opastujien keskes, ga sen tarkat roindušeikat ei olla tietois.

Japounies sebävyksien päiviä (ハグの日) ei-virrallizesti pietäh 9. elokuudu. Pruazniekan piendypäivy, kaheksanden kuun yheksäs päivy, oli vallittu kalamburan periä: kaksi tavuu anglicizmas ハグ (hagu), kudamat trakoitetah sebävyksii, voijah sežo tarkoittua noumeroi. Tavu "ha" japounien kielespäi kiännetynny tarkoittau "kaheksua", a "ku" — "yheksiä".

Omaluaduzen "uskomuksen" mugah ystävällizien sebävyksien aigah rahvas vaihtellahes lämmöl. On olemas sebävyksien hyvyön "tiijolliziigi" perustehii: ystävällizet kosketukset lujendetah imunitiettua, stimuliiruijah keskushermostuo, ližätäh gemoglobinua veres, sežo oksitocin-garmonua, kudaman periä rodieu hyvä kosketus ristikanzoin kohtah.

Kačo ližäkse

• Muailman ukkavopäivy
• Muailman muhahtuksen päivy