Smailan roindupäivy
| Smailan roindupäivy | |
|---|---|
 | |
| Virrallizesti | Smiley's Birthday |
| Pandih alguh | vuvvennu 1982 |
| Pietäh | sociualuverkoloin käyttäjät |
| Päivymiäry | 19. syvyskuudu |
| Piendy | еjoga vuottu |
| Liittyy | simvoloin yhtistelmäh (:–)), kudaman kehoitti Karnegi-Mellonan yliopiston professoru Skott Falman. |
Smailan roindupäivy (angl. Smiley's Birthday) on digitualizen viestindän tärgiekse roinnuon simvolan roindupäivy. Sidä pietäh joga vuottu 19. syvyskuudu. Tämä nägemäl helpo merki, kudamah kuuluu mondu simvolua, auttau rahvahale ilmoittua tundolois tekstuviestilöis da se rodih jogapäiväzen verkoyhtevyksen vältämättömäkse ozakse.
Sana "smile" anglien kieles tarkoittau muhahtustu. Tänäpäi on äijy smailua — muhahtustu, kudamat ozutetah erilazii tundoloi — iluo, pahua mieldy, kummastustu, hämmästysty, vihua da muudu. Ga enzimäine smailu oli muhahtuksennu, kudamah kuuluu kaksoisčöke, pitky viivu da salbavui salbavomerki. Sendäh sidä ruvettih sanomah smailakse. Ga oigiennu olis terminy "emotikon" (anglien kieles "emotion" — эмоция), sendäh ku smailat ozutetah erilazii tundoloi[1].
Histourii
Smailan histourii suau allun vuvvennu 1982. Karnegi-Mellonan yliopiston professoru Skott Falman kehoitti käyttiä simvoloin yhtistelmiä: kaksoisčöke, pitky viivu da salbavui salbavomerki (:–)) muheloittajien silmien kuvuamizekse. Se pidi mielen da tundoloin ozutandan kebjendämizekse, mi on tärgei sähköviestilöis, kus ei sua nähtä paginkanzan silmii[2].
Smailan rodivundua enne oli probliemua juumoran da tundoloin ozuttamizes tekstuviestilöis. Falmanan kehoitus on tuonnuh yhtevyksen uudeh tabah, kudai terväh rodih kuulužakse. Enzimäine viesti muhahtuksenke löyttih vaste vuvvennu [[2002] "digitualizen arheolougien" suvaiččijoin hyvyös. Hyö löyttih tämän histouriellizen viestin yliopiston ilmoituksien seinän arhiivas, se oli nygyaigazien verkofourumoin ielolijannu[2].
Tänäpäi smailu on muailman arvoine simvolu. Sen rodivundas on luajittu sen ylen äijy variantua: helpolois ilokkahis muhahtuksis vaigieloih kuvissah. Sociualuverkolois da messendžerois on sadoi smailoi, kudualoin avul suau ozuttua ei vaiku hyviä da pahua mieldy, ga monii toizii tundoloi.
Smailat ruvettih tävvendämäh iänitabua da miimiekkua tekstuviestindäs, net luajitah yhtevyksen elävembäkse da tundoloin puoles kirjavembakse. Azientiedäjät ollah sidä mieldy, ku smailoin kehittämine rubieu menemäh yhtes tiedotehniekan da sähkögadžiettoin kehittämizenke[3].
Huomavukset
- ↑ Виктория Белкина. Чем знаменит день 19 сентября? Познавательный журнал «Школа жизни.ру».
- ↑ 1 2 Happy 41st Birthday Smiley! Carnegie Mellon University (19. syvyskuudu 2017).
- ↑ Альфия Камилова. День рождения смайлика: история создания и интересные факты. Вечерняя Москва (19. syvyskuudu 2018).