Suomi-ugrilaine entokul'tuurupuusto
| Suomi-ugrilaine entokul'tuurupuusto | |
|---|---|
 Suomi-ugrilaine entokul'tuurupuusto, 2011 | |
| Perustandan päivymiäry | 2010-2012 |
| Perustai | Komitazavallan halličus |
| Verkosivusto | ethnopark-rk.ru |
 |
|
Suomi-ugrilaine entokul'tuurupuusto on monikäytölline matkailukompleksu, kudai on omistettu 24 suomi-ugrilazen da samojedikanzan kul'tuuruperindöle. Se on Komin tazavallan Siktivdinskan piirin Ib-kyläs[1].
Sijoittumine
Etnopuusto on Komin tazavallan Siktivdinskan piirin Ib-kyläs lähäl Siktivkaru-Kirov -federualujuamua. Kylä on tazavallan vahnimii eländypaikkoi da sih kuuluu 13 hieruu.
Iban histourii on kiini Komin alovehen enzimäzes jepiskopas Stefan Permskois, kudai oli XIV vuozisuan komi-zir'anoin tiijonandajannu da opastajannu, Sergei Radonežskoin spodvižniekannu.
Etnopuustos voibi nähtä pyhii sylmykaivoloi, vuozisualoin IV-V čudin linnoitus da dinozavroin jiännöksii Jurskoin aigukavven kerrostumis, lehtikuuzi, kudai on 2,7 metrii sevätes da 450-vuodine kuuzi, kudaman vieres löyttih Paraskeva Piätteničän obrazu.
Perustandan histourii
Etnopuustuo luajittih da kehitettih vuozinnu 2010-2012 Komin tazavallan tarkoitusprogramman aigah[1].
Projektan todevutandan enzimäzes ozas b'udžiettuvarat mendih suurien puuston enzimäzen vuoron objektoin nostamizeh (inženieruinfrastruktuuru, piäzykohtu, kongressuzualu, hoteli). Pitkyaigaine tazavallan programmu "Suomi-ugrilaine etnopuusto -kompleksan luadimine" miäräi enzimäzen vuoron objektoin nostamizen finansiiruičendan Komin tazavallan b'udžietaspäi.
Vuvves 2012 algajen se on federualline investiciiprojektu, kudamas on kanzoinvälisty ozanotandua[1].
Vuvvennu 2017 etnopuusto rubei kehittämäh Komi — Ven'an tevolližusneftin roindumua -brendua da avai muailman enzimäzen Neftin taijon muzein ven. «Чутское масло»[2].
Kogo Ven'an ilmulennon festivuali ven. «Живой Воздух» da kanzoinväline einehfestivuali "Šan'gafest" kerätäh tuhanzii gostii muailman eri alovehispäi da ulgomualpäi.
Struktuuru
Puustos on nostettu da ruadau piä- da abuinfrastruktuuran 16 objektua (kongressuzualu, hoteli, koufeilu, komipiha, hallindotaloi, lagevot pidoloin pienäh nähte da muut), kävyjile joga päiviä taritah enämbi 20 opastus-, iloitus- da sportuohjelmua[1].
Tiä voibi opastuo pastamah ruisšan'gua, luadimah soittimii borščeviekas, ributyttilöi da luajilmuksii niinis. Muasteripajat vaihtellahes vuvvenaijan myödäh.
Ket suvaijah aktiivizii iloituksii, voijah kävvä ekstremualumatkoile nuorupuustoh, kižata saamelazeh jalgumiäččyh, ambuo jouzes libo arbalietas, lykätä pualih keijäs libo kirves.
Puustos piettih mul'tifestivualii ven. «Ыбица» da sportufestivualii ven. «Зимняя Ыбица»[1].
Huomavukset
- ↑ 1 2 3 4 5 Финно-угорский этнокультурный парк (рус.). www.ethnopark-rk.ru. Kačondan päivymiäry: 3. sulakuudu 2018. Arhiviiruittu 4. sulakuudu 2018
- ↑ В Коми открыли Музей искусства нефти «Чутское масло» (рус.). novostienergetiki.ru. Kačondan päivymiäry: 24. ligakuudu 2018. Arhiviiruittu 24. ligakuudu 2018