Täyzi-igäzet lapset (fil'mu)

On otettu Рувики-späi
Tarkastettu kirjutus
Täyzi-igäzet lapset
Tiijosto:Взрослые дети Постер.jpg
Žanrat komiedii, druamu
Ohjuaju Villen Azarov
Käzikirjutuksen
kirjuttai		 Valentina Spirina
Piäroulilois Aleksei Gribov
Zoja F'odorova
Liliana Alešnikova
Aleksandr Demjanenko
Vsevolod Sanajev
Andrei Tutiškin
Gennadii Bortnikov
Operuatorat Sergei Zaicev
Vladimir Meibom
Säveldäi Aleksandr Fl'arkovskii
Kinokompuanii "Mosfil'mu"
Jatkuu 75 min.
Mua  Nevvostoliitto
Kieli Ven'an kieli
Vuozi 1961
IMDb ID 0055610

Täyzi-igäzet lapset (ven. Взрослые дети) on nevvostolaine ohjuajan Villen Azarovan komiediifil'mu, kudai kuvattih Mosfil'mu-kinostuudiel vuvvennu 1961. Fil'mu sanelou eri sugupolviloin vaigielois välilöis — vahnembien da lapsien välilöis, hyö jovvutah elämäh yhtes fatieras da opastumah kunnivoimah toine toizen kiinnostuksii da löydämäh piätöksii riijois[1]<[2][3].

Juondeh

On menemäs vuozien 1950 loppu. Korol'ovien pereh ei ammui sai äijäl vuotetun fatieran uvves kois, hyö lähtiettih eläkkehele da ruvettih huaveilemah rauhallizes huogavos. Anatolii Kuzmič (ozuttelii Aleksei Gribov) tulou kodih jälles jälgimästy ruadopäiviä eläkkehele lähtendiä vaste da pagizou akan Tatjana Ivanovnanke (ozuttelii Zoja F'odorova) omis pluanois kahten eläkkeheläzen tuliekse elaigua. Silkeskie kodih tulou heijän täyzi-igäine tytär L'udmila (ozuttelii Liliana Al'ošnikova), kudai ruadau arhitektorannu, da ilmoittau, ku meni miehele puolitostu kuudu kestäjän tuttavuksen jälles. Vahnembat ollah vuottamattomuttu keskelekavonnuot. Veriäh tulou vaste vävvykse roinnuh Igor' (ozuttelii Aleksandr Demjanenko), sežo arhitektoru. Molodoit piätetäh, ku enziallus ruvetah elämäh vahnembienke. Sit aijas elähtynnyzil ristikanzoil rauhazes huogavos tulou unohtua.

Vinogradovien ukko da akku ollah vastuollizis johtovirrois, ga sih kaččomattah ollah täyzi-igäzinny lapsinnu omih vahnembih niškoi. Eläkkeheläzet ielleh pietäh huoldu nuoris, duumaijah, ku hyö ei olla valmehet iččenäzeh elokseh, a lapset ozutetah ellendämättömytty da ebäkunnivoičustu vahnemban polven kohtah.

Molodoloil ollah omat kiinnostukset da nygyaigazembat elaijan nägemykset, kudamii on vaigei hyväksyö elähtynnyzil vahnembil. Hyö puaksuh ei oteta čottah vahnembien mielii da ruatah tolkuttomasti. Erähänny pyhänpiän vuotettuloin Hel'ga-seinyškuappoin sijah, kudamien ostamizekse Korol'ovat oldih monii vuozii vuoros, vävvy ostau ičele motosiklan teleskouppizen vilkanke. Huondeksil Igor' da L'us'a harjaitellah jougua, seizotah piälailleh, kuunnellah kovua muuzikkua, tuvvah kodih hälizijöi dovariššujoukkoloi, puaksuh kiistetäh omii eduloi puolistajes. Liigu huolenpido da vahnembien liijan suuri paine ruvetah ärzyttämäh Vinogradovii. Sen periä kahten perehen välil rodieu äijy riidua da erimieližytty. Konzu molodoloil rodieu lapsi, elos vouse rodieu kestämättömänny. Buabo da died'oi ruvetah liijakse huolehtimah vastesuaduu Tolik-vunukkua da tungemah omii nägemyksii lapsien kazvatandah. Terväh hyö otehah kogonah iččeh hantuzih lapsen hoijon da siirretäh vahnembii bokkah.

L'us'a kiändyy järilleh ruadoh, ku suas loppie heijän yhtehine arhitektuuruprojektu. Molodoit piänneh syvendytäh mielekiinittäjäh ruadoh da kogonah unohtetah aijan vietändäs poijanke. Erähänny piän Korol'ovat lähtietäh teatrah, a Vinogradovat jätetäh nänniniekkulapsen Vit'a-susiedubrihačunke, ku suas rauhas lähtie ruadoh. Vit'a kuččuu fatierah kymmenii toizii lapsii, kudamien periä kai kois rodieu piälailleh. Konzu Tatjana Ivanovna da Anatolii Kuzmič tullah kodih, hyö kauhistutah…

Hyvin arhitektuuruprojektan loppiettuu Vinogradovien ukko da akku huavatah kahtekse nedälii lähtie sanatourieh liečemiärävön mugah, ga Anatolii Kuzmič tavassah heis tuači lähtöy sinne akanke. Nuoril algavuu koittelemizien, riidoin, perehen roulin da perehenhengien uuzi arvostus. Hyö riijelläh, mennäh sobuh da opastutah ottamah vastuksen toine toizes da lapses.

Fil'man lopus perehet piätetäh eliä eriže, ga vahnembat jatketah lapsien avvutandua.

Roulilois

  • Aleksei Gribov[4][5] — Anatolii Kuzmič Korol'ov
  • Zoja F'odorova[5] — Tatjana Ivanovna Korol'ova
  • Liliana Al'ošnikova[5][6]— L'udmola Vinogradova (Korol'ova)
  • Aleksandr Demjanenko[5][7][8] — Igor' Nikolajevič Vinogradov
  • Vsevolod Sanajev — Vasilii Vasiljevič, perehen ystävy
  • Mikolai Grabbe — miliciimies
  • Gennadii Bortnikov — mieldynyh
  • Marina Hatunceva — mieldynyh
  • Konstantin Hud'akov — nuori arhitektoru
  • Aleksandr Lebedev — 'arhitektoru
  • Andrei Tutiškin — Boris Vladimirovič, arhitektoru[1]

Kuvausjoukko

  • Käzikirjutuksen kirjuttai — Valentina Spirina
  • Kuvausjohtai — Villen Azarov
  • Ohjuajat — V. Glazkov, Aida Manasarova
  • Operuatorat — Sergei Zaicev, Vladimir Meibom
  • Säveldäi — Aleksandr Fl'arkovskii
  • Fil'man johtai — Vladimir Kantorovič
  • Sovantaidoilii — Valentin Perel'otov[9]

Kačo ližäkse

Huomavukset

  1. ↑ 1 2 Взрослые дети (1961 год). Кино-театр.ру. Kačondan päivymiäry: 13. kylmykuudu 2023.
  2. ↑ Взрослые дети. СССР, Россия, 1961. Афиша (журнал). Kačondan päivymiäry: 13. kylmykuudu 2023.
  3. ↑ Взрослые дети (1961). Кинопоиск. Kačondan päivymiäry: 13. kylmykuudu 2023.
  4. ↑ Фильм «Взрослые дети», 1961 год. (к/т «Иллюзион», Большой зал). Лента представлена в рамках программы «ПЕРСОНА. Алексей Грибов». Gosfilmofond-org.timepad.ru. Kačondan päivymiäry: 13. kylmykuudu 2023.
  5. ↑ 1 2 3 4 "Звёзды советского экрана": "Взрослые дети". M24.ru (9. kevätkuudu 2023). Kačondan päivymiäry: 13. kylmykuudu 2023.
  6. ↑ Сломанная судьба Лилианы Алёшниковой: Как любопытство журналистов ускорило уход забытой кинозвезды. Kulturologia.ru. Kačondan päivymiäry: 13. kylmykuudu 2023.
  7. ↑ Как роль Шурика стала для Александра Демьяненко проклятием всей жизни. Kino.rambler.ru (30. oraskuudu 2019). Kačondan päivymiäry: 13. kylmykuudu 2023.
  8. ↑ Татьяна Уланова. Бедный Шурик! Гайдай сделал его звездой, Гайдай погубил его карьеру. Аргументы и факты (30. oraskuudu 2022). Kačondan päivymiäry: 13. kylmykuudu 2023.
  9. ↑ Взрослые дети (1962). Kino.mail.ru. Kačondan päivymiäry: 13. kylmykuudu 2023.

Kirjalližus

  • Левшина И. В жизни и в искусстве // Искусство кино. — 1962. — № 3. — С. 122-125.
  • Рудницкий К. Сюжет, улыбка, мораль... // Советский экран]. — 1962. — № 1.
  • Колесникова Н. Четверо под одной крышей // Советская культура. — 1961. — № 152 (1332) (21 декабря). — С. 3.
  • Кваснецкая М. — «Взрослые дети» // Комсомольская правда, 16 декабря 1961.

Linkat

Lähteh - "https://olo.ruwiki.ru/w/index.php?title=Täyzi-igäzet_lapset_(fil%27mu)&oldid=126349994"