Uspen'n'an kirikkö (Kemi)
| Pravosluavine kirikkö | |
| Успенский собор | |
|---|---|
.jpg) | |
| 64°56′48″ с. ш. 34°37′02″ в. д.GЯO | |
| Mua | Ven’a |
| Linnu |
Kemi, Leppäsuari |
| Konfessii | Pravosluavii |
| Jeparhii | Kostamuksen jeparhii |
| Prihodoin joukko | Kemin prihodoin joukko |
| Rakendamine | 1711—1717 |
| Stuatussu |
 ОКН № 1010012001 |
| Tila | Toimii |
 |
|
 Медиафайлы на РУВИКИ.Медиа | |
|
Ven'an Federacien kanzoin |
Pyhän Jumaldoman Uspen'n'an kirikkö (ven. Собор Успения Пресвятой Богородицы) on pravosluavine kirikkö Karjalan tazavallan Kemin linnas, sen histouriellizes kohtas Leppäsuarel. On arhitektuuran mustomerkinny federuallizen merkičyksenke. Kuuluu Kemin Blahvešen’n’an manasterih.
Histourii
Alustu kiriköle oli pandu vuvvennu 1711 samannimizen palanuon kirikön kohtale Pohjazes voinas ruoččilazien voitandan kunnivokse[1]. Se pyhitettih heinykuul vuvvennu 1714 (toizien tiedoloin mugah vuvvennu 1717).
Sie oldih Pyhän Jumaldoman Uspen'n'an, Čuvvonluadijan Miikulan, Solovetskoloin čuvvonluadijoin prepodonoloin ižien Zosiman da Savvatein nimeh pyhitetyt bokkuhuonukset.
26. kezäkuudu vuvvennu 1936 Karjalan keskustoimehpaniikomitietan käskys kirikkö salvattih[2].
Se ozittain elävytettih 1960-luvul arhitektoru Aleksandr Opolovnikovan projektan mugah da hänen johtol.
Vuozinnu 1976—1979 elävytettih kirikön piäkupolu, kohendettih levo, voijeltih kaikkii rakendehii biocidal.
Vuvvennu 2006 kirikkö annettih maksamattomah käyttöh Kemin Blahvešen’n’an miesmanasterile, kudai oli nimitetty Ven’an pravosluavizen kirikön Petroskoin da Karjalan jeparhien Ven’an uuzien muokkuakestäjien da ispovedniekkoin kunnivokse[3].
On säilynyh kirikön bokkuhuonuksen ikonostuasan dejisussučiinu[4].
25. sulakuudu vuvvennu 2016 algavui kirikön tävvelline rastauracii, kudaman aigah salvos kerättih uvvessah. 35-metrihine puuhine kirikkö riičittih da parret viettih linnan tuakse, kus rastauroiččijat kirvesmiehet uvvessah kerättih sen arhitektoroin projektan mugah, vaihtettih pädemättömät parret, sit uvvessah riičittih kai, kus suas tuvva endizeh kohtah. Restauracii, kudaman aigah azetettih nygyaigaine sähkö- da tuleniškulois vardoičendusistiemat, loppih vuvvennu 2019. A nelli 2-9,5 metrii piduhuttu olijua ikonostuassua, kudamien kogonaine levevys oli enämbi 35 metrii, Piiteris restauracies jälles tuodih kirikköh vuvven 2020 lopus[5][6].
Kirikköh kuulujat kiriköt da časounat
- Pyhän Ioannan kirikkö Leppäsuarel Kemis (oli nostettu vuvvennu 1682, kuului kirikköh vuodessah 1861, jälles sai oman prihodan, vuvves 1897 kuului Kemin missionieran hantuzih). Ei säilynyh;
- Pyhän Miikulan Čuvvonluadijan kirikkö Pappisuarel. Zavodan kirikkö Rabočeostrovskas. Oli nostettu vuvvennu 1899 mečänpiluanduzavodan varoih. Ei säilynyh. Vuozinnu 2003—2008 nostettih Pyhän Miikulan Čuvvonluadijan časounu Rabočeostrovskan valgamol;
- Solovetskoloin čuvvonluadijoin prepodobnoloin ižien Zosiman da Savvatein kirikkö. Oli nostettu vuvvennu 1876. Sil oldih prestolat prepodobnoloin Zosiman da Savvatein, Pyhän Ioannan nimeh, oli pyhitetty vuvvennu 1785. Ei säilynyh;
- Časounu Jumalan Ristan nimeh. Ei säilynyh;
- Časounu Pyhän prorokan Il’l’an nimeh. Ei säilynyh;
- Kalmužiman časounu Pyhän Sroičan nimeh. Oli nostettu vuvvennu 1798. Ei säilynyh.
Huomavukset
- ↑ Успенский собор в городе Кеми. Kačondan päivymiäry: 1. syvyskuudu 2025. Arhiviiruittu originualaspäi 17. oraskuudu 2012
- ↑ Б. Ф. Детчуев, В. Г. Макуров. Государственно-церковные отношения в Карелии (1917-1990). — Петрозаводск: СДВ-Оптима, 1999. — 206 с. — ISBN 5-201-07841-9.
- ↑ Успенский собор в Кеми передан Русской Православной Церкви. Kačondan päivymiäry: 1. syvyskuudu 2025. Arhiviiruittu 7. pakkaskuudu 2014
- ↑ Сохраним ли жемчужину деревянного зодчества? Kačondan päivymiäry: 1. syvyskuudu 2025. Arhiviiruittu 8. oraskuudu 2012
- ↑ До чего дошла реставрация знаменитого собора-великана в Кеми? До главы. «Петрозаводск говорит» (20. kevätkuudu 2019). Kačondan päivymiäry: 1. syvyskuudu 2025. Arhiviiruittu 24. elokuudu 2021
- ↑ Деревянные иконостасы Успенского собора из Кеми восстанавливают в Петербурге. Официальный сайт Министерства культуры РФ (4. talvikuudu 2019). Kačondan päivymiäry: 1. syvyskuudu 2025. Arhiviiruittu 24. elokuudu 2021
Kirjalližus
- Вахремеев Е. В. Исследование Успенского собора в Кеми и некоторые вопросы его реставрации. — Петрозаводск, 1996.
- Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД "ПетроПресс", 2011. — С. 106—384. — ISBN 978-5-8430-0127-8.