Viktor Bogdanov
| Viktor Bogdanov | |
|---|---|
 | |
| Roindupäivy | 19. syvyskuudu 1944 (81 vuozi) |
| Roindukohtu | Tuuloksen kylä, Anuksen piiri, Karjal-Suomelaine socialistine nevvostotazavaldu |
| Kanzalližus |
 Nevvostoliitto,  Ven'anmua |
| Toimindu | valdivomies |
| Palkindot da arvonimet |
Karjalan tazavallan rahvahan talohuon arvostettu ruadai, Medali "Arvoruadolois Karjalan tazavallan hyväkse" (2020), Karjalan tazavallan piämiehen rynnäsmerkin panokses Karjalan tazavallan kehittämizeh (2024). |
Viktor Jegorovič Bogdanov (19. syvyskuudu vuvvennu 1944) on histourientiedoloin kandiduattu, valdivomies, monivuodine Ven'an rahvahan talohuon da valdivollizen palvelun Karjalan filiualan valdivollizen alovehellizen ohjuandan laitoksen johtai, monivuodine Karjalazien kerähmön vallittuloin nevvoston piälikkö, Karjalan tazavallan rahvahan talohuon arvostettu ruadai[1].
Eloskerdu
Viktor Bogdanov on roinnuhes Anuksen piirin Tuuloksen kyläs 19. syvyskuudu vuvvennu 1944[2].
Vuvvennu 1974 loppi Leningruadan Korgeviman puolevehen školan, vuvvennu 1988 — Yhteiskundutiedoloin akadiemien aspirantuuran[2]. Puolisti kandiduatan väitösruavon[2].
Hänen enzimäzenny ruadokohtannu oli Videlen tevolližuskombinuattu, kus häi ruadoi puusepänny[2].
Ruadoi Anuksen souhozas. Oli Nevvostoliiton kommunistizen puolovehen Anuksen piirikomitietan toizennu sekretarinnu.
Vuvvennu 1988 Bogdanovua vallittih Nevvostoliiton kommunistizen puolovehen Sordavalan linnan komitietan enzimäzekse sekretarikse[2].
Vuvves 1990 Bogdanov oli Sordavalan linnan nevvoston deputuatannu da piälikönny[2]. .
Vuozinnu 1990—1993 Viktor Jegorovič on Ven'an federatiivizen socialistizen nevvostotazavallan rahvahan deputuatannu[3].
Sulakuul vuvvennu 1994 Bogdanovua vallittih Karjalan tazavallan Zakonoinluajindukerähmön deputuatakse[3], vuvven 1994 oraskuus mies oli Karjalan tazavallan Zakonoinluajindukerähmön piälikön sijahizennu.
Vuozinnu 1997—1998 Viktor Bogdanov ruadoi Karjalan tazavallan kanzallizen poliitiekan da paikallizien ičehaldivoloin azieloin komitietan piälikönny[3].
Vuozinnu 1998—2006 oli Karjalan tazavallan Zakonoinluajindukerähmön apparuatas piälikön sijahizennu da piälikön enzimäzenny sijahizennu[4].
Viktor Jegorovič Bogdanov 14 vuottu oli Karjalazien kerähmön vallittuloin nevvoston piälikönny, kuului Karjalan tazavallan piämiehen tyves ruadajah Karjalazien, vepsäläzien da suomelazien nevvostoh, Muailman suomi-ugrilazien kanzoin kongresan konsul'tatiivizeh komitiettah.
Vuvves 2006 algajen Viktor Bogdanov on Prezidentan akadiemien Karjalan ozaston opastajannu[3], oli valdivollizen alovehellizen ohjuandan laitoksen johtajannu.
Palkindot da arvonimet
- Viktor Bogdanov on palkittu Nevvostoliiton medaliloil[2];
- On Karjalan tazavallan rahvahan talohuon arvostettu ruadai[2];
- Medali "Arvoruadolois Karjalan tazavallan hyväkse" (ven. Медаль за заслуги перед Республикой Карелия) (vuozi 2020)[4];
- Vuvvennu 2024 Viktor Bogdanov sai Karjalan tazavallan piämiehen rynnäsmerkin panokses Karjalan tazavallan kehittämizeh[5].
Huomavukset
- ↑ Karjalan tazavallan merkipäivien kalenduaru
- ↑ 1 2 3 4 5 6 7 8 Законодательному Собранию Республики Карелия 30 лет. Депутаты. Виктор Богданов
- ↑ 1 2 3 4 Карельский филиал РАНХиГС поздравляет юбиляра – Виктора Егоровича Богданова
- ↑ 1 2 Виктор Богданов награжден медалью "За заслуги перед Республикой Карелия"
- ↑ Ol'ga Smotrova. Pidäy pyzyö pystyi da puhuo yhteh hiileh // Oma Mua. — 2024. — 25. syvyskuudu (№ 37). — С. 4-5.