Winston Churchill

Winston Churchill
Roindunimi	angl. Winston Leonard Spencer Churchill
Roindupäivy	30. kylmykuudu 1874(1874-11-30)[…]
Roindukohtu	Blenheimin palatsi[d], Woodstock[d]
Kuolendupäivy	24. pakkaskuudu 1965(1965-01-24)[…] (90 vuottu)
Kuolendukohtu	, London, Yhtys Kuningaskundu
Mua	Yhtys Kuningaskundu
Toimindu	poliitiekku, histourikku
Tuatto	Randolph Churchill[d]
Muamo	Lady Randolph Churchill[d]
Akku	Clementine Churchill[d]
Lapset	Diana Churchill[d], Randolph Churchill[d], Sarah Churchill[d], Marigold Churchill[d] da Mary Soames[d]
Palkindot da arvonimet	Military Medal of Luxembourg Queen's South Africa Medal[d] (1901) Crosses of Military Merit[d] Royal Societyn jäsenyys[d] honorary citizen of the United States[d] (1963) Vapauden palkinto[d] (1958) Congressional Gold Medal[d] Albert Medal[d] (1945) Honorary doctor of Leiden University[d] (1946) honorary citizen of Brussels[d] (16. ligakuudu 1945) Miamin yliopiston kunniatohtori[d] (26. tuhukuudu 1946)
Медиафайлы на РУВИКИ.Медиа

Winston Churchill

Winston Churchill (30. kylmykuudu 1874 – 24. pakkaskuudu 1965) oli brinuanielaine poliitiekku da valdivonvallas ruadanuh, Suuribrituanien piäministru vuozinnu 1940-1945 da 1951-1955, vojennoi, lehtimies, kirjuttai, Brituanien akadeemien kunnivojäsen (1952), kirjalližuon alal Nobelin palkindon suannuh (1953). Vuvvennu 2002 BBC:n pietyn kyzelyn mugah oli sanottu histouries kaikis suurimakse brituanielazis.

Churchillin ruavol oli suuri merkičys kui Brituanien, mugai kaiken muailman poliitiekas. Yhtelläh sidä tänäpäi ellendetäh da arvostetah eri luaduh: yhtet ihaillah hänen poliitiekan rohkevuttu da tegoloi, toizii hänen ruado ilgeityttäy sendäh, ku Churchill oli sidä mieldy, ku muailmas vallas pidäy olla vaiku rahvastu valgiedu rahvasroduu. Kaččomattah sih, ku Churchill avvonazesti vastusti diktatuurua bojukentil, häi ei peittänyh omua mieldymysty Stalinan da Mussolinin ruadoh, hyöhäi hänen vallan aigah oldih totalituarizen vallan perustajat Nevvostoliitos da Itualies.

Churchillin mustokse

Syvyskuul vuvvennu 1973 Londonas parluamentan taloilluo oli avattu Churchillin mustopačas. Sen avajazis oli kuningatar Elizabeth II. Churchillin nimen sai Suuribrituanien armien II Muailman voinan aigaine jygei jälguvägitanku. Se oli vähälykkyine luajindas da käytös. Churchill nagroi sendäh, sanoi, ku sil tankal on enämbi pahua puoldu, migu hänel ičel.

Vuvvennu 1944 Avstralies Dandenong-puisto sai uvven nimen – Churchill – kuulužan poliitiekan kunnivokse.

Churchillile on omistettu brituanielazet raududengat – vuozien 1965 (krounu – kuoltuu) da 2016 (50 vuottu kuoltuu).

Churchillin hyvyönluajindufondu perustettih vuvvennu 1954 muailman liiton hyvyös hänen Nobelin palkindon suaduu, Churchill andoi vuitin eluo fondan kehittämizekse.

Mieldykiinnittäjiä tieduo

Churchillin imidžah kuului siguaru. Hänen elostu kirjuttajat lujoitettih, ku päiväs häi kurii 8-10 siguarua, sigarietoin kurinduahäi häi paheksi da pengoi. Rajoitukset da kiellot, kudamat oldih virrallizis pidolois kurindah niškoi, ei koskiettu händy. Churchill kurii vahnategi, igäh da liäkärilöin nevvoloih kaččomattah.