Školasovat Ven'an Federacies
| Školasovat Ven'an Federacies | |
|---|---|
| Školasobien uuzi standartu Ven'an Federacies (elokuu, vuozi 2025) | |
.jpg) | |
| Käytändän ala | Opastuslaitokset |
| Roindan päivymiäry | 1992 |
| Roindan paikku |
 Ven'anmua |
Ven'an Federacies školasobien piendäs kieldävyttih keviäl vuvvennu 1994 (toziazies se tapahtui 1. kezäkuudu vuvvennu 1992 školasobien tuottajien laitoksien ruavon azetandan da hävitändän periä). 1. syvyskuudu vuvvennu 2013 školasobii uvvessah otettih käyttöh, ga jo yhtehizenny siännönny.
Elokuul vuvvennu 2025 Opastusministerstvu ezitti sobien uvven standartan ven’alazih školaniekkoin niškoi. Tuottajil, kudamat omile tuottehile pannah školasobien merkin, pidäy noudua GOSTua. Školasobien stiili pidäy olla azielline, iče sovat — pättävät. Se on moine enzimäine standartu Ven'al. Se koskou yhtehizen, perus- da keskiopastuksen laitoksien opastujien sobii[1]. Opastusministerstvas tarkendettih, ku ei ruveta ottamah käyttöh yhtehizii školasobii, opastuslaitokset iče voijah miärätä opastujien ulgonägövuadimuksii[2].
Histourii
Ven’an Federacies ei ole yhtehizii školasobii, kui se oli Nevvostoliitos, ga äijät liceit da gimnuaziet otettih käyttöh omii školasobii, kudamat ozutettas opastujien kuulundua opastuslaitokseh. Erähis školis ei ole virrallizesti hyväksyttylöi školasobii, ga sovis piätetäh kluasan tazol, sobijen opastujien vahnembienke (tavan mugah kluasan sovat ollah käytös algukluasois). Ližäkse opastuslaitoksis, kudamis ei ole omii školasobii, voi olla omat siännöt sobien aziellizes stiilis. Nevvostoaigazii školasobii (libo niilöih stilizuittuloi pluat’t’oi) valgieloin peredniekoinke perindön mugah pannah školanloppijat neičykät, konzu školas jälgikerdua soittau kelloine, harvembah — toizis pruazniekois.
Ga školis (mondu liceidu Naberežnije Čalni -linnas, Prohorovan gimnuazii, Krasnojarskan da Ufan školat) pluat’at da peredniekat tyttölöih niškoi säilyttih nevvostoaijois libo niidy uvvessah otettih käyttöh vuozinnu 2000. Vuvvennu 2022 Sergei Kravcov ilmoitti, ku tahtou ottua käyttöh yhtehizet školasovat, ga opastuslaitoksien johtokunnal rodieu oigevus ičel piättiä, mittumat net roijah. Valdivollizen Duuman opastuskomitietan piälikkö Ol’ga Kazakova sellitti, mikse ezitettih tämä alguhpano: "Školasovat järjestetäh da kuritetah, sendäh lapsil pidäy net pidiä"[3].
1. heinykuudu vuvvennu 2025 Ven’al tuli voimah školasobien GOSTu. Sit pannah merkile, ku školasovat pidäy olla siviilisovinnu, estietiekallizinnu da pättävinny, niilöis ei voi olla "asocializien ei-virrallizien nuorižoyhtistyksien" simvouliekkua, kudai "propagandiiruiččis zakonattomua ičenviendiä". Valdivollistu da ižänmuansuvaičussimvouliekkua vastukarai kehoitetah[4].
6. elokuudu vuvvennu 2025 Opastusministerstvu ezitti školasobien uvven standartan Ven’an škalaniekkoih niškoi. Tuottajil, kudamat omile tuottehile pannah školasobien merkin, pidäy noudua GOSTua. Vuadimuksien mugah školasobien stiili pidäy olla azielline, a iče sovat — pättävät. Se on moine enzimäine standartu Ven'al. Se koskou yhtehizen, perus- da keskiopastuksen laitoksien opastujien sobii[1].
Opastusministerstvas tarkendettih, ku ei ruveta ottamah käyttöh yhtehizii školasobii, oapstuslaitokset iče voijah miärätä vuadimuksii opastujien ulgonägöh niškoi[2].
Huomavukset
- ↑ 1 2 Минпросвещения показало новый стандарт школьной формы, РБК (6 elokuudu 2025). Kačondan päivymiäry: 5. syvyskuudu 2025.
- ↑ 1 2 Минпросвещения не планирует вводить единую школьную форму, РИА Новости (6 elokuudu 2025). Kačondan päivymiäry: 5. syvyskuudu 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 elokuudu 2025). Kačondan päivymiäry: 5. syvyskuudu 2025.
- ↑ Появился полный текст ГОСТа с требованиями к школьной форме, РБК (4 syvyskuudu 2025). Kačondan päivymiäry: 5. syvyskuudu 2025.