Andrei Grigorjev
| Andrei Grigorjev | |
|---|---|
 | |
| Roindupäivy | 12. oraskuudu 1989 (37 vuottu) |
| Roindukohtu | |
| Arvonimi | Nuorembi seržantu[d] |
| Torat/voinat | |
| Palkindot |
 |
Andrei Nikolajevič Grigorjev (roinnuhes N'urban alovehel) on Ven'an sodamies, jefreitoru, Ukrainal sodatoimiloin ozanottai, hänen kuččutunnuksennu on "Tuta". Ven'an Federacien urhomies (2025)[1].
Eloskerdu
Andrei Grigorjev on roinnuhes Jakuutien N'urban ulusas lapsekkahah pereheh[2].
Otti ozua sodatoimiloih Ukrainal. Hänen kuččutunnuksennu on "Tuta". Sluužiu Ven'an Federacien sodavoimien Vostok-voiskien 39. gvardien motoambujien joukos[3][4].
23. tuhukuudu vuvvennu 2025 Ižänmuan puolistajan päivänny prezidentu Vladimir Putin Ven'an sodamiehien palkičendupivos andoi Andrei Grigorjevale Ven'an urhomiehen "Kuldazen tiähten"[5].
Pereh
On naizis, kazvattau viizi lastu[6].
Urhotego
Kylmykuul vuvvennu 2024 Ukrainan sodavoimien yrrästyksen aigah vallata järilleh Trodovoje-kylä Doneckan Rahvahan Tazavallas Andrei Grigorjev yhtyi käziryzyzeh bojuh ukrainalazen sodamiehenke. Vastustajan šlemas olii kuameru kuvai nečen borčan. Vuvven 2025 allus video puutui verkoh. Silloi tiijustettihgi borčan tarkukohtis. Andrei Grigorjev sanoi, ku hänel dovarišanke käskiettih azettua Ven'an flagu Trudovoje-kyläs, ga sen ruavon aigah dovarišan tapoi ukrainalaine pulem'uotasambui. Jälles ukrainalaine sodamies oppi suostuttua Grigorjevua andavuo vangikse[7], ga se rubei hänenke toruamah[8]. Grigorjeval oli jakuutielaine veičči, kudaman avul häi voitti vastustajan. Ukrainalaine sodamies sanoi Grigorjevua parahakse sodamiehekse muailmas da kyzyi jättiä händy da "andua rauhas lähtie iäre". Grigorjev suostui sih. Jälles borčua Grigorjeval pidi vie kuuzi päiviä yksinäh eliä vihollizen tagavos[9]. Ven’an sodamies sai 14 ruanitestu snar'uadan palois, kaksi veiččipystävysty da kontuuzien. Händy parandettih gospitalis.
11. pakkaskuudu vuvvennu 2025 Ven'an Federacien piämies Vladimir Putin andoi Andrei Grigorjevale Ven'an urhomiehen arvonimen "urhakkahuos da urholližuos sodavelvolližuksii täyttäjes"[10].
Samannu piän Andrei Grigorjevanke vastavui Jakuutien piämies Aisen Nikolajev. Häi pani merkile, ku sodamies on vuadimatoi nuori mies, kudai ei pie iččie urhomiehenny. Ku ei ollus videodu hänen urhotevos, hänes toinah niken ei ni tiijustannus. Vastavuksen lopus Aisen Nikolajev lahjoitti Andrei Grigorjevale uvven jakuutielazen veičen[11].
Andrei Grigorjevan ukrainalazen sodamiehenke borčan videos mainičči amierikkalaine milliardieru Ilon Mask. Omas sociualuverkos X häi kirjutti:
Varakse minul magavopertin seinäh on pandu I Muailman voinan aigaine suojushauduveičči. Se luajittih vuvvennu 1917. Rinnakkazes bojus sit on enämbi hyödyy migu pistolietas[12].
Ukrainan ammundutarbehil varustettuloin voimien saldatan, kudaman voitti Andrei Grigorjev, nimi tiijustettih. Se oli 30-vuodine Odesan alovehen eläi, Ukrainan ammundutarbehil varustettuloin voimien 71. briguadan saldattu Dmitrii Maslovskii Kobra-kuččunimenke[13]. 17. pakkaskuudu vuvvennu 2025 Zelenskii andoi hänele Ukrainan urhomiehen arvonimi[14].
Palkindot
- Ven'an urhomies (2025)[15].
Huomavukset
- ↑ Указ о присвоении звания Героя Российской Федерации ефрейтору Андрею Григорьеву, Президент России. Kačondan päivymiäry: 11. syvyskuudu 2025.
- ↑ Татьяна Цвенгер. Глава Якутска подарил Андрею Григорьеву снегоболотоход (рус.). yakutia.kp.ru - (11. pakkaskuudu 2025). Kačondan päivymiäry: 11. syvyskuudu 2025.
- ↑ Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Kačondan päivymiäry: 11. syvyskuudu 2025.
- ↑ Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 pakkaskuudu 2025). Kačondan päivymiäry: 11. syvyskuudu 2025.
- ↑ Путин наградил ефрейтора, победившего украинского солдата в рукопашной, РБК. Kačondan päivymiäry: 11. syvyskuudu 2025.
- ↑ Российские ученые увеличили срок службы никелида титана с помощью наноструктурирования | Газета Балаково (неопр.). gazetabalakovo.ru. Kačondan päivymiäry: 11. syvyskuudu 2025.
- ↑ Путин присвоил звание Героя России ефрейтору Григорьеву, Известия (11 pakkaskuudu 2025). Kačondan päivymiäry: 11. syvyskuudu 2025.
- ↑ Илон Маск прокомментировал схватку якутского военного с боевиком ВСУ, РЕН ТВ (4 pakkaskuudu 2025). Kačondan päivymiäry: 11. syvyskuudu 2025.
- ↑ Путин присвоил звание Героя РФ бойцу Григорьеву, победившему в рукопашной - Российская газета, Российская газета (11 pakkaskuudu 2025). Kačondan päivymiäry: 11. syvyskuudu 2025.
- ↑ Путин присвоил звание Героя РФ ефрейтору из Якутии Андрею Григорьеву, TACC. Kačondan päivymiäry: 11. syvyskuudu 2025.
- ↑ Глава Якутии встретился с героем Андреем Григорьевым, прославившимся на поле боя. Kačondan päivymiäry: 11. syvyskuudu 2025.
- ↑ Маск неожиданно высказался о схватке штурмовика из Якутии с военным ВСУ, РИА Новости (4 pakkaskuudu 2025). Kačondan päivymiäry: 11. syvyskuudu 2025.
- ↑ Козлов, Иван. Стонал напрасно. Боец ВСУ, погибший в схватке с якутом, не дождался помощи, AiF. Kačondan päivymiäry: 11. syvyskuudu 2025.
- ↑ Зеленский присвоил героя Украины проигравшему в рукопашном бою бойцу ВСУ, РБК. Kačondan päivymiäry: 11. syvyskuudu 2025.
- ↑ Указ о присвоении звания Героя Российской Федерации ефрейтору Андрею Григорьеву, Президент России. Kačondan päivymiäry: 11. syvyskuudu 2025.