Artistan päivy

On otettu Рувики-späi
Artistan päivy
День артиста.jpg
Tiippu Ammatilline
Alguhpanii Ven'an Federacien halličus
Pietäh joga vuottu
Päivymiäry 17. pakkaskuudu

Artistan päivy (ven.  День арти́ста) on ammatilline pruazniekku Ven'al, se perustettih heinykuul vuvvennu 2025. Pruazniekku perustettih Ven'an Federacien teatrallizien toimijoin liiton piälikön Vladimir Maškovan alguhpanos. Se sovitettih ozuttelijan neroloin sistieman alguhpanijan Konstantin Stanislavskoin roindupäiväle[1]. Pruazniekku on ammatilline soittajih, pajattajih, kinon, teatran da cirkan ozuttelijoih niškoi[2].

Tämä piätös lujoitettih Ven’an Federacien kul’tuuruministersvan käskys № 1715 syvyskuun 25. päivänny vuvvennu 2025[3].

Histourii

Vuvvennu 1917 Ven'al enzikerdua piettih Ven'alazen ozuttelijan päiviä, sen luadi Ven'an teatruyhtistys, ku suas kerätä varua teatran kehittämizekse da hädävynnyzien ozuttelijoin kannattamizekse[4].

Vuvvennu 2024 talvikuun allus Ven’an teatrallizien toimijoin liiton sekretarikunnan levies istundos Vladimir Maškov kehoitti perustua Artistan päivän. Hänen sanoin mugah "tämä päivy rodieu merkičyksellizekse teatrallizes yhteiskunnas. Sen nimi ei ole petties vallittu, se tulou arvonimilöis: rahvahan da arvostettu artistu, kudamii annetah suuris arvoruadolois da suavutuksis teatru-, muuzikku-, cirku-, estruadu- da kinotaijon alal"[5].

Maškov sežo pani merkile sen, ku nenga Ven’an Federacien teatrallizien toimijoin liitto tahtou elävyttiä Marija Gavrilovna Savinan  (ven.) (olo. da Teatruyhtistyksen histouriellizen alguhpanon, konzu Akt'ouran päivänny kerran vuvves artistat ozutettih spektakli, kudamas kerätyt dengat mendih enzimäzen Lavan veteruanoin taloin  (ven.) (olo. nostamizekse Piiteris[5].

Enzimäine piendy

Ven'an Federacien piämiehen hallindon enzimäine varapiämies Sergei Kirijenko, Ven’an Federacien varapiäministru Tatjana Golikova da ozuttelii Maksim Averin palkičendupivos Ozuttelijan päivän kunnivokse, Moskovu, 17. pakkaskuudu vuvvennu 2026

17. pakkaskuudu vuvvennu 2026 enzimästy kerdua piettävän ammatillizen pruazniekan kunnivokse Ven'an piämies Vladimir Putin työndi hyvittelykirjazen artistoin yhtevyksele. Sen lugi Ven'an Federacien piämiehen hallindon enzimäine varapiämies Sergei Kirijenko valdivopalkindoloin pruazniekallizes juandupivos Kanzallizes keskukses "Rossija"[6]. Ven'an rahvahan artistan arvonimilöin rynnäsmerkit suadih ozuttelijat Aleksandr Oleško, Maksim Averin, Anna Mihalkova[7]. Kunnivomerkin "Arvoruadolois kul'tuuran da taijon alal" suadih Moskovan Sfera-druamuteatran piäohjuaju Aleksandr Koršunov, ozuttelijat Ol’ga Naumenko da Viktor Rakov[8].


Ven'an Federacien Teatrallizien toimijoin liitos pandih merkile, ku tämä palkičenduseremounii Artistan päivänny rodieu jogavuodizekse perindökse[9].

Ozuttelijoin muut pruazniekat

26. elokuudu kogo muailmas, Ven'algi, pietäh Kanzoinvälisty ozuttelijan päiviä, kudai perustettih Muinas-Riiman ozuttelijan Riiman Genezien  (ven.) (olo. mustokse, häi eli meijän aijanluvun III vuozisual, parodiiruičči hristossahuskojii laval, iče elavui uudeh uskondoh da rodih hristossahuskojakse, sih nähte ilmoitti kaččojile da händy kuaznittih. Myöhembä händy kanoniziiruittih da sanottih ozuttelijoin, muuzikkumiehien da epileptiekoin akkiloiččijakse[10][11].

Huomavukset

  1. ↑ В России 17 января будет отмечаться День артиста, Interfax.ru (3 elokuudu 2025). Kačondan päivymiäry: 15. elokuudu 2025.
  2. ↑ В России 17 января будут отмечать новый праздник — День артиста, Коммерсантъ (3 elokuudu 2025). Kačondan päivymiäry: 15. elokuudu 2025.
  3. ↑ Приказ Министерства культуры Российской Федерации от 25.09.2025 № 1715 ∙ Официальное опубликование правовых актов (рус.). publication.pravo.gov.ru. Kačondan päivymiäry: 17. pakkaskuudu 2026.
  4. ↑ День русского актера. Проект 1917 (рус.). project1917.ru. Kačondan päivymiäry: 15. elokuudu 2025.
  5. ↑ 1 2 Машков предложил учредить День артиста, TACC. Kačondan päivymiäry: 15. elokuudu 2025.
  6. ↑ Путин: РФ не забудет артистов, поддерживавших бойцов Великой Отечественной и СВО, TACC (17 pakkaskuudu 2026). Kačondan päivymiäry: 17. pakkaskuudu 2026.
  7. ↑ Голикова и Кириенко вручили актерам нагрудные знаки за звания народного артиста, TACC. Kačondan päivymiäry: 17. pakkaskuudu 2026.
  8. ↑ В День артиста деятелям культуры вручили государственные и актёр Максим Аверин на церемонии награждения в честь Дня артиста, 17 января 2026награды, Сайт Москвы (17 pakkaskuudu 2026). Kačondan päivymiäry: 17. pakkaskuudu 2026.
  9. ↑ В России впервые отметят день артиста, TACC (17 pakkaskuudu 2026). Kačondan päivymiäry: 17. pakkaskuudu 2026.
  10. ↑ Генесий Мим. www.pravenc.ru. Kačondan päivymiäry: 15. elokuudu 2025.
  11. ↑ Catholic Encyclopedia: Genesius (англ.). www.newadvent.org. Kačondan päivymiäry: 3. elokuudu 2025.
Lähteh - "https://olo.ruwiki.ru/w/index.php?title=Artistan_päivy&oldid=126360793"