Artur Pr'ahin

Artur Borisovič Pr'ahin
Artur Borisovič Pr'ahin
Ven'an Federuallizen monopouliivastazen palvelun hallindon piämies Karjalan tazavallas
	tuhukuu 2014 — 4. tuhukuudu vuvvennu 2025
Ielolii	Mihail Jendza
Karjalan tazavallan syväinazieloin ministerstvan talovuollizien rikoksien vastustushallindon johtai
	2010 — 2011
Roindupäivy	20. talvikuudu 1968; Leningruadu, Nevvostoliitto
Kuolendupäivy	4. tuhukuudu 2025 (56 vuottu); Petroskoi
Opastus	Piiterin S. M. Kirovan nimine meččytehnielline akadiemii, Ven'an syväinazieloin ministerstvan Piiterin yliopisto
Palkindot

Artur Borisovič Pr'ahin (ven. Артур Борисович Пряхин; 20. talvikuudu 1968, Piiteri^[d] — 4. tuhukuudu 2025) on Ven'an Federuallizen monopouliivastazen palvelun hallindon piämies Karjalan tazavallas (2014—2025), Ven'an Federacien 2. astien valdivonevvoi^[2].

Eloskerdu

Oli roinnuhes 20. talvikuudu vuvvennu 1968 Leningruadas^[2].

Vuvvennu 1994 loppi Piiterin S. M. Kirovan nimizen meččytehniellizen akadiemien, vuvvennu 2004 — Ven'an syväinazieloin ministerstvan Piiterin yliopiston oigevustiedo-opastusalan mugah^[2].

Vuozinnu 1987—1989 sluuži Nevvostoliiton armies^[2].

Vuozinnu 1991—1997 ruadoi Karjalan tazavallan meččytevolližuon laitoksis inženieru-tehniellizis virrois^[3].

Vuvves 1997 vuodessah 2011 ruadoi syväinazieloin elimis talovuollizien rikoksien vastustusozastolois^[3].

Vuozinnu 2010—2011 oli Karjalan tazavallan syväinazieloin ministerstvan talovuollizien rikoksien vastustushallindon johtajannu^[3].

Oli milicien podpolkovniekannu.

Vuozinnu 2012—2013 ruadoi Segežan sel’l’ulouzubumuaguzavodan turvalližusjohtajannu^[2].

Tuhukuul vuvvennu 2014 rodih Ven'an Federuallizen monopouliivastazen palvelun hallindon piämiehekse Karjalan tazavallas (2014—2025)^[2].

Kuoli 4. tuhukuudu vuvvennu 2025^[4]^[5]. Karjalan Tutkindokomitiettu ottavui surman syylöin tutkimizeh. Enzimäzien tiedoloin mugah se oli ičentappamine^[6].

Kiinnostukset

Enne sluužbua armies da jälles sidä aktiviizesti harjaitti regbii. Oli Nevvostoliiton, Ven’an federatiivizen socialistizen nevvostotazavallan, Leningruadan čempionuattoin ozanottajannu. Oli regbin sportumuasteri. Kuului Karjalan regbin federacien huolenpidonevvostoh.

Persounalline elos

Oli naizis. Kazvatti poijan^[2].

Palkindot

Syväinazieloin ministerstvan medalit: II da III astien medalit "Arvoruadolois sluužban aigah", "200 vuottu Ven'an Syväinazieloin ministerstval", "Velvolližuole uskolližuos" da muut;
Ven'an Federuallizen monopouliivastazen palvelun hallindon johtajan kiitändykirjazet (2015 da 2021);
Ven'an Federuallizen monopouliivastazen palvelun hallindonkunnivokirjaine (2016);
Karjalan tazavallan kunnivokirjaine (2016);
Ven'an Federuallizen monopouliivastazen palvelun hallindon rynnäsmerki "Arvoruadolois konkurencien kehittämizes Ven'an Federacies" (2018);
Ven’an Federacien piämiehen kiitändykirjaine (2019);
Ven'an Federuallizen monopouliivastazen palvelun hallindon medali "30 vuottu monoupolienvastazil elimil" (2020);
Ven'an Federuallizen monopouliivastazen palvelun hallindon III astien medali "Arvoruadolois sluužban aigah" (2023)^[2].

Kluassučiinu

Oli Ven'an Federacien 2. astien valdivonevvojannu.

Huomavukset

↑ Новым начальник УФАС Карелии стал экс-руководитель УБЭП (рус.). karelia.fas.gov.ru. Kačondan päivymiäry: 10. syvyskuudu 2025.
↑ ¹ ² ³ ⁴ ⁵ ⁶ ⁷ ⁸ Управление Федеральной антимонопольной службы по Республике Карелия (Карельское УФАС России). Пряхин Артур Борисович (рус.). karelia.fas.gov.ru. Kačondan päivymiäry: 10. syvyskuudu 2025.
↑ ¹ ² ³ Настоящий подполковник (рус.). rk.karelia.ru. Kačondan päivymiäry: 10. syvyskuudu 2025.
↑ Руководитель УФАС Карелии оставил предсмертную записку (рус.). karelinform.ru. Kačondan päivymiäry: 10. syvyskuudu 2025.
↑ Руководитель карельского УФАС Артур Пряхин оставил предсмертную записку (рус.). karelia.news. Kačondan päivymiäry: 10. syvyskuudu 2025.
↑ В СК заявили о проверке по факту гибели руководителя УФАС Карелии (рус.). news.ru. Kačondan päivymiäry: 10. syvyskuudu 2025.

[1] Новым начальник УФАС Карелии стал экс-руководитель УБЭП (рус.). karelia.fas.gov.ru. Kačondan päivymiäry: 10. syvyskuudu 2025.

[Pr'ahin-2] ¹ ² ³ ⁴ ⁵ ⁶ ⁷ ⁸ Управление Федеральной антимонопольной службы по Республике Карелия (Карельское УФАС России). Пряхин Артур Борисович (рус.). karelia.fas.gov.ru. Kačondan päivymiäry: 10. syvyskuudu 2025.

[Pr'ahin1-3] ¹ ² ³ Настоящий подполковник (рус.). rk.karelia.ru. Kačondan päivymiäry: 10. syvyskuudu 2025.

[4] Руководитель УФАС Карелии оставил предсмертную записку (рус.). karelinform.ru. Kačondan päivymiäry: 10. syvyskuudu 2025.

[5] Руководитель карельского УФАС Артур Пряхин оставил предсмертную записку (рус.). karelia.news. Kačondan päivymiäry: 10. syvyskuudu 2025.

[6] В СК заявили о проверке по факту гибели руководителя УФАС Карелии (рус.). news.ru. Kačondan päivymiäry: 10. syvyskuudu 2025.

[1]

[2]

[3]

[4]

[5]

[6]