B. N. Jel'cinan nimine prezidentan kirjasto

On otettu Рувики-späi
Tarkastettu kirjutus

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Ližiä tieduo

Материалы библиотеки имени Б.Н. Ельцина

Library.png
Täs kirjutukses on käytetty materjualoi B. N. Jel'cinan nimizen prezidentan kirjaston fondoispäi
Materjualoih
B. N. Jel'cinan nimine
prezidentan kirjasto
Логотип Президентской библиотеки им. Б.Н. Ельцина.png
59°56′09″ с. ш. 30°18′04″ в. д.GЯO
Mua
Adressi Piiteri, Senuattulagevo, kodi 3, liter А
On perustettu 31. pakkaskuudu 2007
Ozastot enämbi 1 600 loittuolpäi ruadajua keskustu Ven'al, 60 loittuolpäi ruadajua keskustu 35 muas (2023)[1]
Fondu
Fondan syväindö histouriellizien dokumentoin da kniigoin sähkökoupiet, dai vähäl tundiettuloin arhiivumaterjualoin koupiet, kudamat enne ei oldu lugijoin suadavis, Nevvostoliiton da Ven'an peruszakonoin originualat, Nikolai II:n tsuarinvenčahastundan da Ven'an Federacien piämiehien inauguracien videohroniekat, Pedri I:n aijan da vuozien 1551—1830 käzipainandujulgavot, Jekaterina II:n da Puavil I:n annetut kunnivokirjazet da muut ainavoluaduzet materjualat.
Fondan suurus enämbi 1 000 000 säilytysyksikkyö (2022)
Piäzy da käyttämine
Registriiruičendan ehtot registracii verkosivustol
Muut tiijot
Johtai

Piälimäine johtai —

Jurii Stanislabovič Nosov[2]
Verkosivusto президентскаябиблиотека.рф
Логотип РУВИКИ.Медиа Медиафайлы на РУВИКИ.Медиа

B. N. Jel'cinan nimine prezidentan kirjasto on enzimäine[3] Ven'an kanzalline sähkökirjasto, kudai on Sinodan talois Piiteris. Se perustettih 31. pakkaskuudu vuvvennu 2007 Ven'an piämiehen käskys.

Kirjastoh on kerätty dokumentoin digitualizii koupieloi, kudamat on omistettu Ven'an valdivolližuon histouriele, teouriele da praktiekale, oigevustiijole da ven'an kielele.

Kirjaston materjualoi voibi kaččuo kirjaston verkoportualal, sähköluguzualas Senuattulagevol, Rezervukeskukses Moskovas, Prezidentan kirjaston ozastos T'umenis daigi Ven'an loittuolpäi ruadajis keskuksis.

Se kuuluu Ven'an Federacien piämiehien azienhoidohallindoh.

Perustandan histourii

31. pakkaskuudu vuvvennu 2007 Ven'an Federacien piämies allekirjutti käskyn № 34‑рп "Ven'an Federacien prezidentan kirjaston perustandas" (ven. «О создании Библиотеки Президента Российской Федерации»). Kirjaston perustandan ohjailukomitietan piälikökse rodih Ven'an piämiehen azienhoijon piämies Vladimir Kožin[4].

Jälles Boris Jel'cinan kuolendua, samannu vuon, Ven'an piämies Vladimir Putin kirjazes federualukerähmöle kehoitti andua kirjastole valdivon enzimäzen piämiehen nimen[5]. Virrallizesti piätös tuli voimah 18. kezäkuudu vuvvennu 2007 Ven'an Federacien piämiehen käskyn № 634‑рп "B. N. Jel'cinan nimizen prezidentan kirjaston perustandas" (ven. «О создании Президентской библиотеки имени Б. Н. Ельцина») allekirjutettuu[6].

Kirjaston avuajazet oldih 27. oraskuudu vuvvennu 2009 Piiteris linnan päivänny da Kogo Ven'an kirjastoloin päivänny[7].

Ven'an piämies Dmitrii Medvedev avai kirjaston painaldajen näppäindy kosketusozuttimel, mi oli reknailtu nygyaigazekse vaihtovalličuksekse perindöllizen ruskien lentan leikkuandan sijah[8]. Глава государства получил читательский билет № 1[9].

Ligakuul vuvvennu 2008 tuldih voimah kohendukset federualuzakonah "Kirjastoloin ruavos" (ven. «О библиотечном деле»), kudamat annettih kirjastole kanzallizen stuatusan kui Ven'an valdivollizel kirjastol da zakonallizen oigevuon kopiiruija kniigoi[10].

1. syvyskuudu vuvvennu 2009 kirjasto avattih rahvahan alallizeh käyndäh nähte[11].

Johtokundu

Prezidentan kirjaston enzimäzekse piäjohtajakse vuvvennu 2009 rodih Aleksandr Veršinin. Vuvvennu 2019 piäjohtajan virgah hyväksyttih Ilja Bikovnikov[12].

Vuvves 2022 kirjaston johtajannu on Jurii Nosov[13].

Toimindan lajit

Prezidentan kirjasto: yhtistäjen mennytty da tuliedu aigua. Kollaž. Vuozi 2014

Prezidentan kirjaston tärgielöi funksieloi on andua piäzy lähtehien digitualizih koupieloih monis Ven'an histourieh, kul'tuurah da valdivolližuoh liittyjis tiemois[14], sežo sähkövaraston täyttämine dokomentoin digitalizacien avul, niilöin luvus valdivollizien tehtävien hantuzis[15].​

Tämän ližäkse kirjasto pidäy kul'tuuruopastuksellistu da tiijoitusanaliittistu toimindua: luadiu videoluvendoloi Tiijot Ven'as (ven. «Знание о России») -sarjan hantuzis, joga vuottu pidäy kilboi školis histouries, yhteiskunndutiijos, ven'an kieles da ven'an kieles kui vierahannu kielenny opastumizes - Ven'a sähközes muailmas" (ven. «Россия в электронном мире»), tiedoloin fourumua, temuattizii ozutteluloi, ekskursieloi, ruadau painandu- da muudu ruaduo[16][17][18]​

Ozastot da infrastruktuuru

Prezidentan kirjasto on talois № 3, liter А, Senuattulagevol, histouriellizes Sinodan talois. Talois sežo on patriarhan ruadoperti da elävytetty Muailman seiččemen kirikön pyhien ižien kodikirikkö[19][20].

Piäzy erähih kirjaston resursoih on verkoportualal www.prlib.ru. Net, ket tahtotah kävvä taloih Senuattulagevol, on sähköluguzualu, kudamas on avtomatiziiruitut lugijan paikat, kus voibi ruadua sähköfondan kaikkien dokumentoinke[17].

Virrallizen verkosivuston tiedoloin mugah nygöi tävvelline piäzy Prezidentan kirjaston resursoih on enämbi migu 1 600 loittuolpäi ruadajas keskukses, kudamat on avattu partn'ouruyhtistyksien ploščadkoil kogo Ven'al, sit luvus on 60 loittuolpäi ruadajua keskustu muailman 35 muas[1].

Varastot

Kirjastoh on kerätty dokumentoin koupiedu Ven'an histouries, valdivolližuos, oigevustiijos da ven'an kieles. Vuitti sähköfondas on kirjaston portualal kaikkien suadavis. Ainavoluaduzien julgavoloin joukkoh kuulutah Lavrentjevan aigukirju, Ostromirovon Jevangelii, Siviiliaberi nevvoloinke (Pedri I:n kirjutuksienke), Ven'an valdukunnan dvorjuanoin yhtehine gerbukniigu, kudamua ruvettih kirjuttamah vuvvennu 1797 da muut[14][21]

Kirjaston varastolois paiči digitualizii koupieloi on ruokos vuozisualoin XVI—XX harvinazien bumuagukniigoin keräilemät. Keräilemy, kudamah kuuluu 2 446 kniigua, käzikirjutustu, žurnualua, al'manuahua, al'boumua da kartudokumentua, osti Christie’s-hol'otandukaupas VTB-banku da andoi lahjakse Prezidentan kirjastole vuvvennu 2009. Sit ollah Uvven Sanan vuvven 1717 painokset (Het Nieuwe Testament. In ’s Gravenhage: J. van Duren, 1717), kudamat piästettih ilmah Pedri I:n käskys, sežo imperuattoroin Jekaterina II:n, Puavil I:n da Nikolai I:n annetut kunnivokirjazet[9][22][23].

Fondoin lähtehet

Kirjaston fondoin piälimäzii täytändytaboi on partn'ouruyhtistyksien materjualoin digitalizacii, kudamua luajitah valdivon tilavuksien mugah. Partn'ouruyhtistyksinny enne kaikkie ollah federuallizet da alovehellizet kirjastot, arhiivat, muzeit, opastuslaitokset, sežo joukkoviestimet, kinostuudiet, tutkimus- da liečetiedolaitokset, kirikön instituutat, yhteiskunnallizet yhtistykset da tevvolližuslaitokset[18].

Tämän ližäkse kirjaston fondat täytytäh yksittäzien keräilemien avul[24].

Kirjastopalvelu

Piiteris kirjaston käyndäh nähte pidäy verkosivustol edukädeh täyttiä pakičusformu da sobie käyndäs. Tulla suau persounan tunnustusdokumentan ozutettuu[25].

Ven'al da erähis ulgomualois loittuolpäi ruadajih keskuksih suau tulla partn'ouruyhtistyksen käyndysiändölöin mugah, net tavan mugah ollah sijoitettu heijän omile online-resursoile[26].

Äijät kirjaston sähkömaterjualat ollah suadavis verkoportualal ilmai vältämättömiä registraciedu. Prezidentan kirjaston arvosteluloin mugah vuozinnu 2009—2022 portualal oli mondu kymmendy miljonua käyttäjiä loittuolpäi[14].

Kačo ližäkse

  • Ven'an kanzalline kirjasto
  • Piiterin kirjastot

Huomavukset

  1. ↑ 1 2 Общая информация. Президентская библиотека. Kačondan päivymiäry: 29. talvikuudu 2023.
  2. ↑ Федеральное государственное бюджетное учреждение «Президентская библиотека имени Б.Н. Ельцина». Управление делами Президента Российской Федерации. Kačondan päivymiäry: 9. pakkaskuudu 2023.
  3. ↑ Президентская библиотека открыла читальный зал в столице Белоруссии (рус.). Новости. Президентская библиотека (23. kylmykuudu 2010).
  4. ↑ Распоряжение Президента Российской Федерации от 31.01.2007 г. № 34‑рп "О создании Библиотеки Президента Российской Федерации". Президент России. Kačondan päivymiäry: 29. talvikuudu 2023.
  5. ↑ Послание Федеральному Собранию Российской Федерации, 26 апреля 2007 года, Москва, Кремль.
  6. ↑ Распоряжение Президента Российской Федерации от 18.06.2007 г. № 326‑рп «О создании Президентской библиотеки имени Б. Н. Ельцина» (в ред. от 18.06.2007 г.). Президент России. Kačondan päivymiäry: 29. talvikuudu 2023.
  7. ↑ Выступление на церемонии открытия Президентской библиотеки имени Бориса Ельцина. Президент России (27. oraskuudu 2009). Kačondan päivymiäry: 9. pakkaskuudu 2024.
  8. ↑ Сенсорный интерфейс для открытия Президентской библиотеки. Initium. Kačondan päivymiäry: 9. pakkaskuudu 2024.
  9. ↑ 1 2 Дмитрий Медведев стал читателем №1 Президентской библиотеки имени Бориса Ельцина. Татар-информ (27. oraskuudu 2009). Kačondan päivymiäry: 9. pakkaskuudu 2024.
  10. ↑ «Ельцинская библиотека» получила статус национальной и законное право копировать книги. Newsru.com (10. ligakuudu 2008). Kačondan päivymiäry: 9. pakkaskuudu 2024. Arhiviiruittu originualaspäi 11. talvikuudu 2008
  11. ↑ Президентская библиотека им. Б.Н.Ельцина и Санкт-Петербургский государственный университет открывают электронный студенческий читальный зал. Президентская библиотека (27. oraskuudu 2010). Kačondan päivymiäry: 9. pakkaskuudu 2024.
  12. ↑ Генеральный директор Президентской библиотеки. Президентская библиотека (14. pakkaskuudu 2019). Kačondan päivymiäry: 9. pakkaskuudu 2024.
  13. ↑ Генеральный директор Президентской библиотеки. Президентская библиотека. Kačondan päivymiäry: 9. pakkaskuudu 2024.
  14. ↑ 1 2 3 Общая информация. Президентская библиотека. Kačondan päivymiäry: 9. pakkaskuudu 2024.
  15. ↑ Перечень материалов, включённых в план перевода в цифровую форму. Президентская библиотека. Kačondan päivymiäry: 9. pakkaskuudu 2024.
  16. ↑ Олимпиада. Россия в электронном мире. Президентская библиотека. Kačondan päivymiäry: 9. pakkaskuudu 2023.
  17. ↑ 1 2 Федеральное государственное бюджетное учреждение «Президентская библиотека имени Б.Н. Ельцина». Управление делами Президента Российской Федерации. Kačondan päivymiäry: 9. pakkaskuudu 2024.
  18. ↑ 1 2 Корконосенко Н. Президентская библиотека в пространстве знаний // Библиотечное дело. — 2018. — № 9(315). — С. 28—33. — ISSN 1727-4893.
  19. ↑ Анна Ъ-Пушкарская. Президент и патриарх встретятся в библиотеке. Коммерсантъ (14. oraskuudu 2008). Kačondan päivymiäry: 9. pakkaskuudu 2024.
  20. ↑ Предстоятель Русской Церкви совершил освящение восстановленного храма в историческом здании Синода в Санкт-Петербурге. Официальный сайт Московского Патриархата (27. oraskuudu 2009). Kačondan päivymiäry: 9. pakkaskuudu 2024.
  21. ↑ На заседании учёного совета Президентской библиотеки подвели итоги десятилетнего развития и обсудили планы на будущее. Президентская библиотека (22. sulakuudu 2019). Kačondan päivymiäry: 9. pakkaskuudu 2024.
  22. ↑ Нужина Н. А. Коллекция редких книг Президентской библиотеки : [рус.] / Науч. ред. Е. Д. Жабко. — Сборники Президентской библиотеки. — СПб. : Президентская библиотека, 2020. — Вып. 10 : Книжные памятники в цифровой среде. — С. 149—170. — (Электронная библиотека). — ISBN 978-5-6042138-4-1.
  23. ↑ Ирина Ъ-Граник. Дмитрий Медведев сделал открытие в своей библиотеке. Коммерсантъ (28. oraskuudu 2009). Kačondan päivymiäry: 9. pakkaskuudu 2024.
  24. ↑ Завьялова Л. В. Частные собрания как источник комплектования электронного фонда Президентской Библиотеки. Университетская книга (22. kylmykuudu 2020).
  25. ↑ Электронный читальный зал. Президентская библиотека. Kačondan päivymiäry: 9. pakkaskuudu 2024.
  26. ↑ Центры удаленного доступа на карте. Президентская библиотека. Kačondan päivymiäry: 9. pakkaskuudu 2024.

Linkat

Lähteh - "https://olo.ruwiki.ru/w/index.php?title=B._N._Jel%27cinan_nimine_prezidentan_kirjasto&oldid=126347639"