Balandin Vladimir Mihailovič
| Balandin Vladimir Mihailovič | |
|---|---|
 | |
| Roindupäivy | 30. ligakuudu 1953 (72 vuottu) |
| Roindukohtu | Karpogori-kylä, Pinežskoi piiri, Arhangelin aloveh, Ven’an federatiivine socialistine nevvostotazavaldu, Nevvostoliitto |
| Kanzalližus |
 Nevvostoliitto,  Ven'anmua |
| Toimindu | taidoilii, luunvestäi |
Vladimir Mihailovič Balandin (ven. Владимир Михайлович Баландин; roin. 30. ligakuudu 1953, Karpogory[d], Arhangelin aloveh[d]) on Ven’an taidoilii, luunvestäimuasteri. Ven’an taidoilijoin liittoh kuului, Karjalan taidoilijoin liiton piälikkö (2013-2018)[1].
Eloskerdu
Vladimir Balandin on roinnuhes 30. ligakuudu vuvvennu 1956 Arhangelin alovehen Pinežskoin piirin Karpogori-kyläs. Loppi Lomonosovan luunveständyopiston vuvvennu 1971. Opastundan aigah kävyi eri muzeiloih, oli mondu kerdua Piiteris. Diploman suaduu ruadoi taijollizen luunveständän fuabrikal.
Vuvves 1977 hänen tevoksii alalleh eziteltih Kogo Nevvostoliiton da Ven'an ozuttelulois, net suadih I astien diplomat.
Balandin muutti Karjalah vuvvennu 1982. Hänen ruadoloi korgiesti arvostettih da häi rodih merkittäväkse taidoilijakse Karjalan taijos[2].
Vuvvennu 1987 Balandin rodih Nevvostoliiton taidoilijoin liiton ozanottajakse (Nevvostoliiton hajottuu säilytti ozanoton Ven'an taidoilijoin liitos). Vuvvennu 2010 Balandin sai Ven'an Federacien arvostettu taidoilii -arvonimen, a vuozinnu 2013-2018 oli Karjalan taidoilijoin liiton piälikönny[1].
Luunvestoksien da kuvien ližäkse Balandin kirjuttau omas ruavos.
Taidoilijan tevoksii on ruokos Valdivollizes Ven’an muzeis da Ermituažas Piiteris, Kogo Ven’an dekoratiivutaijon muzeis, M. V. Lomonosovan nimizes muzeis Lomonosovo-kyläs, Karjalan tazavallan taidomuzeis, Arhangelin taidomuzeies da kodialovehmuzeis, Ven’an da ulgomualoin yksittäzis keräilemis[3][1].
Palkindot da arvonimet
- Karjalan tazavallan kunnivokirjaine;
- Karjalan tazavallan taidoalan arvostettu ruadai (2005);
- Ven’an Federacien arvostettu taidoilii;
- Karjalan tazavallan palkindon laureattu kul'tuuran, taijon da kirjalližuon alal;
- Kunnivomerki "Arvoruadolois kul'tuuran da taijon alal" (2022)[4].
Kirjutukset
- Резьба по кости. — Петрозаводск, 2006.
Huomavukset
- ↑ 1 2 3 Доме ремесел открылась выставка заслуженного художника Российской Федерации Владимира Михайловича Баландина «Резные сокровища Севера», посвященная 70-летию мастера. (рус.) (5. ligakuudu 2023). Kačondan päivymiäry: 22. syvyskuudu 2025.
- ↑ Сайт-галерея художников Карелии В.М. Баландин - Статья Баландин. www.virtcatalog-rk.ru. Kačondan päivymiäry: 22. syvyskuudu 2025.
- ↑ Москин, Дмитрий Баландин Владимир Михайлович (неопр.). Интернет-журнал «Лицей» (28. kezäkuudu 2013). Kačondan päivymiäry: 22. syvyskuudu 2025.
- ↑ Владимир Путин наградил двух жителей Карелии (рус.). rk.karelia.ru (16. kylmykuudu 2022). Kačondan päivymiäry: 22. syvyskuudu 2025.
Kirjalližus
- Художники Карелии. — Петрозаводск, 2000.
- Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2007. — Т. 1: А — Й. — С. 144. — 400 с. — 3 000 экз. — ISBN 978-5-8430-0123-0.
Linkat
- Тарановская Н. В. Баландин Владимир Михайлович
- Сегодня свой юбилей отмечает Владимир Баландин!