Fed'a-diädän, kažin da koiran talvi

Fed'a-diädän, kažin da koiran talvi
Kniigan kanzi piirdofil'man mugah
Piirdofil'man luadu	piirustettu
Žanru	perehpiirdofil'mu, komiedii
Ohjuajat	Vladimir Popov
Pohjannu	«Fed'a-diädö, kaži da koiru»
Käzikirjutuksen kirjuttajat	Eduard Uspenskii
Tuottehen planiiruiččii	Arkadii Šer[d] da Aleksandr Vinokurov[d]
Rouliloi iänitettih	Oleg Tabakov Boris Novikov Lev Durov Marija Vinogradova Valentina Talizina German Kačin
Säveldäjät	Jevgenii Krilatov
Piirdofil'man azujat	El'vira Maslova Galina Zebrova Jurii Meščer'akov Vladimir Višegorodcev
Operuattoru	Kabul Rasulov
Iänitehniekky	Boris Fil'čikov
Stuudi	"Sojuzmul'tfi'lm"
Mua	Nevvostoliitto
Kieli	ven'an kieli
Menoaigu	15 min. 48 sek.
Enzi-ildu	1984
Prikvelat	«Fed'a-diädö, kaži da koiru», «Fed'a-diädän, kažin da koiran loma»
Ielolii piirdofil'mu	Fed'a-diädän, kažin da koiran loma[d]
Tulii pirdofil'mu	«Fed'a-diädän, kažin da koiran kevät»
IMDb	ID 1318414
BCdb	подробнее
Аниматор.ру	ID 3189

Fed'a-diädän, kažin da koiran talvi (ven. Зима́ в Простоква́шино) on kolmas nevvostolaine vuvven 1984 piirdofil'mu trilougies Hapainmaidolah nähte, sen pohjannu ei ole Fed'a-diädö, kaži da koiru -pitky kerdomus: Eduard Uspenskii kirjutti sen käzikirjutuksen allus algajen da vaste vuvvennu 1997 luadi sit samannimizen pitkän kerdomuksen, kudamal on levendetty juondeh.

Juondeh

Enne Uuttu Vuottu Šariekku da Matroskin riidavuttih da ei ruvettu toine toizenke pagizemah sen periä, ku Šariekku kuatančoin sijah osti ičelleh talvekse movvakkahat sportujallačit, da nygöi heil kažinke ollah yhtet kuatančat mollembile. Pidiä yhtevytty heile avvuttau poštankandai Pečkin, kudai suattau telegrammoi pertin yhtes puolespäi toizeh.

Fed'a-diädö Tuatanke tahtotah ajua Hapainmaidolah, ga muamo on uvvessah vastah, sendäh ku hänel pidäy pajattua Uvven Vuvven illačus da ezityksen jälles hänel nikui ei himoita konsertupluat'ois ajua kyläh sähköjunal. Silaigua Matroskin varustahes Fed'a-diädän tulendah da kyzyy telegrammas Šariekkua käymäh meččäh uvvenvuvven kuuzeh, ga Šariekku ekolougizien syylöin periä kieldävyy, sendäh uvvenvuvven illal hyö ollah lämmittämättömäs pestis da kuuzettah.

Hapainmaidolaspäi poštankandajas Pečkinas "pagizijan kirjazen" tulies omažuon juandas suaduu Fed'a-diädö da Tuatto huavatah lähtie Hapainmaidolah Muamattah. Heijän Zaporožec-mašin tartui lumel ummannuol dorogal da kaikil Hapainmaidolan taloin eläjil pidi suaja mašin lumespäi. Gostien tulduu hyö yhtelläh pandih päčin lämmäh, Šariekku rubei pastamah pruazniekkupiiruadu, Fed'a-diädö — čomendamah kodii tuličieppizil, Tuatto — kohendamah televiizorua, a Matroskin — vesseldyttämäh kaikkii pajoloil gituaral soittajes.

Matroskin sanou, ku hyö Šariekanke puututtih sobuh, konzu suadih mašinua lumespäi, hänen sanoin mugah "yhtehine ruado, minun hyväkse, — yhtistäy". Ihastunnuh Šariekku ukkuau Matroskinua. Poštankandai Pečkin sanou andiekse da huavuau lähtie iäre, sendäh ku hänen mieles "stolan piälimäzenny čomenduksennu on televiizoru", ga se ei rua, sendäh Pečkin tahtou vastata Uuttu Vuottu omas kois. Ga Fed'a-diädö da Tuatto uskaldetah, ku vältämättäh kohendetah televiizoran, toizinhäi ei sua olla — terväh Muamo rubieu pajattamah Uvven Vuvven illačus. Televiizoru kohendettih, kuustu ei ruvettu leikkuamah, a čomendettih pihas kazvajan kuuzen vuiškalpäi tuoduloil vahnoil vehkehil.

Poštankandai Pečkin nägi televiizoras Muaman ezityksen allun da tiijustettih sit, ku televiizoras oli murrennuh iäni. Piähenget kačotah iänettömiä ezitysty da ruvetah sit kuulemah muaman pajatandua taganpäi. Tiijustettih, ku konsertu kirjutettih pl'onkale, a Muamo iče suksil piäzi Hapainmaidolah. Piähenget ollah hyväs mieles, Fed'a-diädö da Matroskin juostah Muamalluo, da häi lämmästi tervehtäy omii ystävii da perehty da sanou, ku ei voi eliä Hapainmaidolattah.

Luadijat

Šarik da Matroskin
(Habarovsakan linnan tegolammit)

Käzikirjutuksen kirjuttai	Eduard Uspenskii
Kino-ohjuaju	Vladimir Popov
Tuottehen planiiruiččii	Arkadii Šer, Aleksandr Vinokurov
Säveldäi	Jevgenii Krilatov
Kino-operuattoru	Kabul Rasulov
Iänitehiekky	Boris Fil'čikov
Pajoloin sanat	Jurii Entin, Eduard Uspenskii
Pajatetah	Valentina Tolkunova, Oleg Tabakov
Piirdofil'man taidoilijat	El'vira Maslova, Marina Rogova, Galina Zebrova, Vladimir Višegorodcev, Jurii Meščer'akov
Rouliloi iänitettih	Marija Vinogradova — Fed'a-diädö Oleg Tabakov — Matroskin-kaži Lev Durov, Vladimir Popov (sanat ven. «Не то, что некоторые») — Šariekku-koiru Boris Novikov — poštankandai Igor' Pečkin Valentina Talizina — Fed'a-diädän muamah (kniigas — Rimma) German Kačin — Fed'a-diädän tuattah (kniigas — Dmitrii) Zinaida Nariškina — N'uakkaine (kniigas — ven. Хватайка)
Taidoilijat	Sergei Marakasov, P'otr Korobajev
Ohjuajan abuniekat	Zinaida Plehanova
Yhtehkeriäjy	Margarita Mihejeva
Redaktor	Raisa Fričinskaja
Kuvavusjoukon johtai	L'ubov' Butirina

Muuzikku da pajot

Matroskinan pajuo ven. «А я всё чаще замечаю» pajattau Oleg Tabakov, pajuo ven. «Кабы не было зимы» — Valentina Tolkunova. Nämmii pajoloi piästi ilmah Melodija-firmu piirdofil'moin pajoloin kogomuksis lapsien levylöil, magniettulentoil da audiokassietoil ven. «Свема».

Huomavukset

Linkat

• «Не надо бояться быть глупым, смешным, нелепым». Сергей Капков. Интервью с Олегом Табаковым, газета «Газета»,15.08.2005
• Сергей Капков АРКАДИЙ ШЕР: «В третьей серии я совсем обнаглел — кота сделал ещё толще и надел на него шапку», «ГАЗЕТА» 20 сентября 2004 г.