Fiskul'turniekan päivy
| Fiskul'turniekan päivy | |
|---|---|
 Baku vuozinnu 1920. Fiskul'turniekan päivy | |
| Tiippu | Ammatilline pruazniekku |
| Merkičys | sportan da tervehellizen eloksentavan popul'arizacii |
| Pietäh | joga vuottu |
| Päivymiäry | elokuun toizennu suovattan |
 Медиафайлы на РУВИКИ.Медиа | |
Fiskul'turniekan päivy on ammatilline pruazniekku, kudamua pietäh Ven'al elokuun toizennu suovattan. Se pandih alguh vuvvennu 1939 da se on omistettu sportumiehile, harjaittelijoile da kaikile sportuiččijoile. Pruazniekan piendypäivy on vallittu Nevvostoliiton Korgeviman Nevvoston Prezidiuman vuvven 1980 ligakuun 1. päivän käskyn mugah № 3018-Х "Pruazniekku- da mustopäivih nähte"[1].
Pruazniekkua ruvettih leviesti pidämäh nevvostovallan enzimäzien vuozikymmenien aigah 1920—1930, konzu oli otettu käyttöh Juvenalas otettu louzungu: "Tervehes rungas — terveh hengi".
Histourii
Fiskul'turniekan päivän pani alguh Nevvostoliiton Rahvahan Komissuaroin Nevvosto vuvvennu 1939 sportan da tervehellizen eloksentavan popul'arizaciekse. Enzikerdua pruazniekkua piettih 18. heinykuudu sit sen piendypäivy joga vuottu muutui. Kahtentostu vuvven mendyy piätettih pidiä sidä elokuun toizennu suovattan.
Nevvostoliitos sportuičendu rodih kuulužakse, sen periä rodih äijy sportuyhtistysty, moizii kui "Dinamo" da "Spartak", sežo oli valmistettu GTO:n kompleksu. Alalleh piettih spartakiuadoi da sportukilboi.
Fiskul'turniekan päivy on rahvahan pruazniekku, kudamua pietäh Ven'an enimis linnois. Sportua propagandiiruijah kaikis igäjoukkolois erilazien pidoloin hyvyös, moizii ollah Kogo Ven'an opastujien kilvat da Eläkkehelolijoin spartakiuadu. Joga vuottu läs 80 miljonua hengie ottau ozua enämbän migu 700 sportutapahtumah muas[2][3].
Vuvvennu 2024 elokuun 10. päivänny Ven'al rodieu ylen äijy sportutapahtumua. Sidä ruvetah pidämäh fiskul'tuuran opastajat da kai sportah kiinnostunnuot[4].
Piendyperindöt
Nevvostoliitos pruazniekku oli sportumiehien suavutuksien ozutandupäivänny. Tavan mugah sinäpiän kunnivoittih da hyviteltih čempionuattoin da kilboin voittajii. Pruazniekan kirjavimannu tapahtumannu oli fiskul'turniekkoin joukkokulgu, kudamah otti ozua läs 45 tuhattu hengie kogo muaspäi. Enzimäi kulguu piettih Ruskiel lagevol, sit Dinamo-stadional.
Nygözes Ven'as Fiskul'turniekan päivänny avatah uuzii alallizii da aigukauzisportuploščadkoi, pietäh stolatennisan kilboi puustolois, minijalgumiäčyn kilboi, vaihtojuoksuloi, arbuajazii lippuloin juandas fitneskluuboih, kanuatan viendykilboi, armreslingan kilboi da äijän muudu. Tämän pruazniekanke hyvitelläh ei vaiku ammattisportumiehii, ga liikundukul'tuuran opastajii, harjaittelijoi da kaikkii, kel on aktiivine eloksentaba[5].
Mielenkiinittäjät toziaziet
- Sportu avvuttau stresan vastustamizes. Liikunduharjaitukset alendetah stresan tazuo: rauhoitellen, stimuliiruijen endorfiinoin roindua, kiändäjen huomavuo muijale da depressies unohtajen.
- Ilmuleijat (ven. Воздушный змей on ammatilline sportulaji Tailandas[6][7].
- Muinas-griekkalazet sportumiehet kilbailtih alasti. Kaikis olimpiuadusportukilvois pidi olla alastomannu. Nygyaigazen gimnastiekku-sanan juurennu on muinas-griekkalaine sana "gymos", kudai tarkoittau "alastoidu".
- Nevvostoliitos annettih GTO:n rynnäsmerkit voimistelusportukompleksan normien täyttämizes. GTN:n lyhendys merkiččöy ven. «Готов к труду и обороне». Vuvvennu 2014 Ven'al uvvessah ruvettih jagamah GTN:n rynnäsmerkilöi. Erähät korgeiškolat ližätäh balloi abiturientoile GTN:n kuldazien rynnäsmerkilöinke[8][9].
Huomavukset
- ↑ Мутко, Виталий Леонтьевич. С Днём физкультурника! РФ Спорт-Инфо (7. elokuudu 2012). — Поздравление Министра спорта Российской Федерации работникам отрасли в связи с празднованием Дня физкультурника в 2012 году. Kačondan päivymiäry: 3. heinykuudu 2024. Arhiviiruittu 19. elokuudu 2012
- ↑ День физкультурника в РФ. РИА Новости (12. elokuudu 2023). Kačondan päivymiäry: 3. heinykuudu 2024.
- ↑ Какого числа День физкультурника в 2023 году в России Об этом сообщает "Рамблер". Рамблер (20. sulakuudu 2022). Kačondan päivymiäry: 3. heinykuudu 2024.
- ↑ День физкультурника в 2024 году: история и традиции праздника. Комсомольская правда. Kačondan päivymiäry: 3. heinykuudu 2024.
- ↑ День физкультурника в России в 2024 году: стартуем от тренировок к победам. Вфокусе (22. tuhukuudu 2021). Kačondan päivymiäry: 3. heinykuudu 2024.
- ↑ 25 интересных фактов о спорте. Мультиурок. Kačondan päivymiäry: 3. heinykuudu 2024.
- ↑ 14 секретов о спорте, которые вам будут интересны. 1gai.ru. Kačondan päivymiäry: 3. heinykuudu 2024.
- ↑ 25 любопытных фактов о спорте и знаменитых спортсменах. sports.ru. Kačondan päivymiäry: 3. heinykuudu 2024.
- ↑ День физкультурника 2023: дата и история. РБК Life (11. elokuudu 2023). Kačondan päivymiäry: 3. heinykuudu 2024.