Intervidenii (pajokilbu)

On otettu Рувики-späi
Intervidenii-pajokilbu
ven. Конкурс песни «Интервидение»
pol. Konkurs Piosenki Interwizji
Изображение логотипа
Eräs tunnusmerkilöis, kudamua käytetäh Intervidenien verkos vuozinnu 1977—1980.
Eräs tunnusmerkilöis, kudamua käytetäh Intervidenien verkos vuozinnu 1977—1980.
Žanru pajokilbu
Alguhpanii TVP
Ohjelman johtajat «Pagart» (1977—1980)
Jurii Aks'uta, Larisa Sinel'ščikova (2008)
Juondajat Irena Dzedzic da Jacek Bromskii (1977—1980)
Andrei Malahov, Jana Čurikova, Iosif Kobzon, Anna Sedakova, Ivan Urgant, Aleksandr Cekalo da Dmitrii Šepelev (2008)
Säveldäi Andžei Kurilevič
Tuotandon muat  Pol'šu,  Ven'anmua
Kielet pol’šan kieli, ven'an kieli
Ozutukisen lugu 4 kilbua
Tuotando
Stuudii OIRT (1977—1980)
Enzimäine kanualu da ven. Красный квадрат (2008)
Ozutandu
Ozutandan aigu 24 elokuudu 1977 vuvvel по 23 elokuudu 1980 vuvvel
С 28 elokuudu 2008 vuvvel — 31 elokuudu 2008 vuvvel
Hronolougii
Ielolijat ohjelmat Kanzoinväline pajofestivuali Sopotas (1961—1980; 1984—2009; 2012—)
ven. Пять звёзд (2004—2008)
Samanjyttyzet ohjelmat Jevrovidenii-pajokilbu (1956—)
Bundesvidenii (2005—)
Aazii-Tyynimeren pajokilbu (2012—)
T’urkvidenii (2013—)
Логотип РУВИКИ.Медиа Медиафайлы на РУВИКИ.Медиа

Intervidenii-pajokilbu on estruadupajon kilbu, kudaman perusti Kanzoinväline ruadivon da televidienien yhtistys (OIRT). Sidä piettih Sopotas vuozinnu 1977—1980 nellän kanzoinvälizen pajofestivualin hantuzis Sopotas[1].

Vuvvennu 2008 ven. «Красный Квадрат»-laitos oppi uvvessah pidiä kilbua Sočis[2]. Oraskuul vuvvennu 2014 ilmoitettih, ku kilbua uvvessah ruvetah pidämäh ligakuul da sih otetah ozua endizet nevvostolazet valdivot da Šanhain yhtehizen ruavon yhtistykseh kuulujat[3]. Vuvvennu 2024 Intervidenii-kilbua huavattih pidiä Moskovas[4].

13. kezäkuudu vuvvennu 2024 Ven’an Federacien piämiehen erilline ezittäi kanzoinvälizes yhtehizes ruavos Mihail Švidkoi ilmoitti kilvas uvves päivymiäräs — vuvven 2025 allus[5].

3. tuhukuudu vuvvennu 2025 Ven’an Federacien piämies Vladimir Putin allekirjutti käskyn Intervidenii-muuzikkukilvan piendäs vuvvennu 2025[6], kilbua pietäh "Live Arienal" Moskovas 20. syvyskuudu[7].

Histourii

Muuzikkukilvan pani alguh Intervidenii-yhtistys. Yhtistys perustettih tuhukuul vuvvennu 1960 Kanzoinvälizen ruadivon da televidienien yhtistyksen hantuzis. Intervidenieh yhtyttih enimälleh socialistizen luagerin valdivot. Intervidenien alallizinnu eliminny oldih Intervidenien nevvosto, Tehnielline ohjailukeskus, Ohjelmien ohjailukeskus — net oldih Pragas. Enziallus Intervidenieh kuuluttih Nevvostoliitto, Germuanien demokruattine tazavaldu, Pol'šu, Vengrii, Čehoslovuakii. Iččenäzinny yhtistyksen ozanottajinnu oldih Ukrainu, Estounii, Latvii. Nämmis mualois vuvves 1962 oldih TV-ohjelmien vaihtamizen mahtot da transl’acieloin ozutandu. Vuvven 1963 sulakuus Intervidenien ozanottajikse roittih Bolguarii da Rumiinii. Myöhembä Intervidenieh liityttih Litva, Valgiven’a, Molduavii, Kuba, Mongoulii, Suomi, Vjetnam, Afganistuanu. Intervidenien ruadoh otettih ozua Jugosluavien TV-yhtistykset. Intervidenien ohjelmien joukos enimälleh oldih sportukilboin ozutandat sego lapsien, muuzikku-, iloitusohjelmat. Joga vuottu Pol’šan Sopotas piettih pajokilbua, kudai vuvvennu 1977 sai Intervidenii-nimen. Festivualis ezityttih gost’atgi, heijän joukos oli Glorija Geinor, Petula Klark, Boni M -joukko da muut.

Kilvan kehittämizele roittih tiel poliittizet tapahtumat Pol’šas: vuvven 1980 kezäh mennes Gdan’skas tuhanzii ruadajii bastuičči Soliduarižus-liikkehen johtol. Tossuvuon pol’šalazet vallasolijat ilmoitettih sodatilas, uuličoil rodih tankua da ammundutarbehil varustettu policii, kilbua Sopotas ei pietty.

Vuvvennu 1983 "Intervidenii" luadi da pidi kilvan seiččemes linnas, niilöin luvus oldih Tampere, Moskovu, Varšavu, Sofija, Praga (se otti vastah ozanottajii kaksi kerdua dai vie pidi finualuillan). Gran-Prin suajakse rodih pol'šalaine pajattai Zbignev Vodeckii pajonke ven. «Я люблю возвращаться туда где уже был» (Lubie wracac tam gdzie bylem)[8][9], laureattoin joukos oldih Marina Florea (Rumiinii), Margarita Goranova (Bolguarii), Karel Černoh (Čehoslovuakii). Konzu vuvvennu 1984 pajokilbua piettih Pol’šas, sidä uvvessah ruvettih sanomah muuzikkufestivualikse Sopotas[10].

Intevidenii heitti oman ruavon socialistizen luagiren hajottuu[11]. Sit aijas moneh kerdah opittih elävyttiä kilbua. Kehoitettihgi pidiä kilbua Šanhain yhtehizen ruavon yhtistyksen hantuzis.

"Viizi tiähtie. Intervidenii"

Vuvvennu 2008 ven. «Красный Квадрат»-laitos yhtes Enzimäzen kanualanke opittih elävyttiä kilbua Sočis[2]. Idei andua Kogo Ven’an nuorien pajattajien kilvale kanzoinväline stuatussu oli olemas ammui. Kolme vuottu Enzimäine kanualu pidi tädä kilbua kanzallizes formuatas da joga vuottu järjestelykomitiettah tuli pakičustu toizis mualoispäi. Nelländen kilvan aigah pivon siändölöi kačottih uvvessah. Ku suas enämbäl kiinittiä huomavuo "Viideh tiähteh", piätettih muuttua kilvan formuattu da andua sille nimi "Viizi tiähtie. Intervidenii".

Dai uvvessah loppu

Uuzien siändölöin mugah, kudamii vuvvennu 2008 otti käyttöh Enzimäine kanualu, tulii Intervidenien kilbu pidi pidiä kilvan voittajan muas. Keviäl vuvvennu 2009 Dušanbeh käydih kilvan luadijat, kudamat yhtes tadžikoinke piätettih pidiä kilbu Kohi Borbad -kul’tuuru-iloituskompleksas. Ga myöhembä pivon piendyaigu siirrettih elokuus ligakuukse[12]. Ligakuul vuvvennu 2009 Tadžikistuanan televidenien da ruadivoyhtevyksen komitietan varapiälikkö Abdurahmon Abdumannonov ilmoitti, ku Ven’an puolelpäi kilvan luadijois ven. «Красный квадрат»-laitokses da Enzimäzes kanualaspäi tuli virralline kirjaine, kudamas hyö ilmoitettih Tadžikistuanale, ku "ei olla valmehet pidämäh kilbua Dušanbes sinävuon"[13]. Intervidenien luadijat piätettih ottua ozanottajien mualoin joukkoh Šanhain yhtehizen ruavon yhtistyksen muat, sendäh rodih piätös siirdiä kilvan piendyaigu vuvvekse 2010.

Elävytändy

Vuvvennu 2009 Ven’an piäministru Vladimir Putin kehoitti uvvessah pidiä kilbu, sil kerdua Ven’an, Kitain da toizien Keskus-Aazien muloin keskes (kudamat enimälleh ollah Šanhain yhtehizen ruavon yhtistyksen ozanottajinnu)[14][15][16]. Oraskuul vuvvennu 2014 ilmoitettih, ku kilbua uvvessah ruvetah pidämäh ligakuul endizis Nevvostoliiton mualois da Šanhain yhtehizen ruavon yhtistyksen mualois[3]. Lopun lopukse uvvessah elävytettyy kanzoinvälisty nuorien pajattajien kilbua "Intervidenii-2014" huavattih pidiä ligakuul vuvvennu 2014 Sočis[17]. Ven’an valličusoza Viizi tiähtie -kilvan hantuzis piettih Jaltas kezäkuul vuvvennu 2014. Jälles sanottih, ku kilbua ei rodei, tahtottih siirdiä se keviäkse, sih nähte ilmoitti kilvan luadii Viktor Drobiš — se luajittih poliitiizen tilan periä[18]. Jälles ilmoitettuloi aigoi nimittumii virrallizii viestilöi kilvan luadijois ei olluh — kilbua ei pietty.

Intervidenii 2025

3. tuhukuudu vuvvennu 2025 Ven’an Federacien piämies Vladimir Putin allekirjutti käskyn Intervidenii-muuzikkukilvan piendäs vuvvennu 2025, sidä pietäh Moskovas da Moskovan alovehel[6]. Kilbah yhtyndän tovesti enämbi 20 muadu[19].

25. tuhukuudu Ven'an Federacien halličus hyväksyi kilvan järjestelykomitietan. Sih ruvettih kuulumah Ven’an Federacien kul’tuuruministru Ol’ga L’ubomova, Enzimäzen kanualan piäjohtai Konstantin Ernst da prezidentan erilline ezittäi kanzoinvälizes kul'tuuruyhtesruavos Mihail Švidkoi[20].

20. kevätkuudu rodih tietois, ku halličus andau 750 miljonua rubl’ua Intervidenien piendäh[21].

Kilvas Ven’ua rubieu ezittämäh Ven’an arvostettu artistu Jaroslav Dronov  (ven.) (olo., kudamua tundietah peittonimel Shaman[22]. Kanzoinvälizen Intervidenii-muuzikkukilvan Ven’an ozanottajas ilmoitettih 19. oraskuudu Enzimäzel kanualal ven. Пусть говорят-programman aigah[23].

Kilbua pietäh 20. syvyskuudu "Live Arienal" Moskovas[7] .

Ozanottajat muat

Intervidinien kartu. Ozanotandu vuvves 1977:      Muat, kudamat hos kerran ga yhtyttih kilbah.      Muat, kudamat voijah yhtyö, ga ei olla kiinnostunnuot sih.      Muat, kudamat reknailtih yhtyö da hyväksyttih yhtyndän, da syys libo toizes otettih pakičuksen iäre.

intervidenien kilbah voijah ottua valdivot, kudamat kuulutah Iččenäzien valdivoloin yhtymäh, Šanhain yhtehizen ruavon yhtistykseh da Nevvostoliiton endizet tazavallat (luguh ottajen Baltienmuat sego Suvi-Korei da Japounii. Kučutahgo kilbah Šanhain yhtehizen ruavon yhtistyksen tarkailijat muat (Indii, Iruanu, Mongoulii, Pakistuanu da Afganistuanu), ei ole tietois. Enne kilbah voidih ottua ozua Päivännouzubloukan valdivot da erähät toizet muat[24][25][26].

Kaikkiedah kilbah eri aijoinnu otti ozua 30 muadu: Armienii, Azerbaidžuanu, Valgoven’a, Bel'gii, Bolguarii, Kanuadu, Kitai, Kuba, Suomi, Vengrii, Kazahstuanu, Kirgiizii, Latvii, Moldova, Marokko, Niderlandat, Pol'šu, Portugalii, Rumiinii, Ven'a, Ispuanii, Šveicuarii, Tadžikistuanu, Turkmenistuanu, Ukrainu, Uzbekistuanu; sego muat, kudamii jo ei ole olemas Čehoslovuakii, Germuanien demokruattine tazavaldu, Nevvostoliitto da Jugosluavii.

Muat, kudamat enne yhtyttih kilbah, ga täl aigua ei yhtytä: Armienii, Valgoven’a, Bel'gii, Bolguarii, Kanuadu, Kitai, Kuba, Suomi, Vengrii, Latvii, Moldova, Marokko, Niderlandat, Pol'šu, Portugalii, Rumiinii, Ispuanii, Šveicuarii, Turkmenistuanu, Ukrainu.

Vie on 5 muadu, kuadmat voijah yhtyö Intervidenii- kilbah, ga nikonzu sidä ei ruattu. Heijän joukkoh kuulutah Gruuzii, Latvii, Estounii, Suvi-Korei da Japounii[24][25][26].

Iärelähtöt, uvvessahtulot da enzi-ezitykset

Vuozi Piendypaikku Päivy Kaikkiedah ozanottajii Enzi-ezitykset Uvvessahtulo Iärelähtöt Voittai
1977  Pol'šan rahvahan tazavaldu 24.-27. elokuudu 20 / 11 11:  Bolguarii,  Vengrii,  Germuanien demokruattine tazavaldu,  Ispuanii,  Kuba,  Pol'šan rahvahan tazavaldu,  Rumiinii,  Nevvostoliitto,  Suomi,  Čehoslovuakii,  Jugosluavii — —  Čehoslovuakii
1978  Pol'šan rahvahan tazavaldu 23.-26. elokuudu 12 / 10 1:  Kanuadu 2:  Kuba,  Jugosluavii  Nevvostoliitto,
 Čehoslovuakii
1979  Pol'šan rahvahan tazavaldu 22.-25. elokuudu 13 3:  Bel'gii,  Marokko,  Portugalii 1:  Kuba 1:  Kanuadu  Pol'šan rahvahan tazavaldu
1980  Pol'šan rahvahan tazavaldu 20.-23. elokuudu 14 / 13 2:  Niderlandat,  Šveicuarii 1:  Jugosluavii 3:  Bel'gii,  Marokko,  Portugalii  Nevvostoliitto,
 Suomi,
 Čehoslovuakii
1983  Nevvostoliitto,
 Suomi,
 Čehoslovuakii,
 Pol'šan rahvahan tazavaldu,
 Bolguarii 		 Pol'šan rahvahan tazavaldu
2008  Ven'anmua 28.-31. elokuudu 11 11:  Azerbaidžuanu,  Armienii,  Valgoven'a,  Kazahstuanu,  Kirgiizii,  Latvii,  Molduavii,  Ven'anmua,  Tadžikistuanu,  Turkmenistuanu,  Ukrainu — 13:  Bolguarii,  Vengrii,  Germuanien demokruattine tazavaldu (ijäkse),  Ispuanii,  Kuba,  Niderlandat,  Pol'šu,  Rumiinii,  Nevvostoliitto (ijäkse),  Suomi,  Čehoslovuakii (ijäkse),  Šveicuarii,  Jugosluavii (ijäkse)  Tadžikistuanu

Ozanottajien mualoin reitingu

№ Mua Ⅰ Ⅱ Ⅲ Ⅳ Ⅴ
1  Čehoslovuakii 3 0 0 0 0
2  Nevvostoliitto 2 0 0 1 1
3  Pol'šu 1 0 2 1 0
4  Tadžikistuanu 1 0 0 0 0
 Suomi 1 0 0 0 0
5  Ispuanii 0 2 0 0 0
6  Germuanien demokruattine tazavaldu 0 1 0 1 2
7  Kuba 0 1 0 0 0
8  Ven'anmua 0 1 0 0 0
9  Rumiinii 0 0 1 1 0
10  Vengrii 0 0 1 0 1
11  Armienii 0 0 1 0 0
12  Bolguarii 0 0 0 2 0
13  Kirgiizii 0 0 0 1 0
 Niderlandat 0 0 0 1 0
14  Kazahstuanu 0 0 0 0 1

Voittajat

Alemba on Intervidenii-pajokilvan voittajien luvettelu kilvan olemas olendan aijas.

Vuozi Mua Pajattai Pajo Ballat Väli Toine sija Päivy Piendypaikku
1977  Čehoslovuakii Gelena Vondračkova Malovaný džbánku 174 24  Kuba 27. elokuudu Флаг Польши Sopot
1978[27]  Nevvostoliitto Alla Pugačova ven. «Всё могут короли» 88 24  Germuanien demokruattine tazavaldu[28] 26. elokuudu Флаг Польши Sopot
 Čehoslovuakii Vaclav Neckarž Patrik
1979  Pol'šan rahvahan tazavaldu Česlav Nemen Nim przyjdzie wiosna 82 16  Ispuanii 25. elokuudu Флаг Польши Sopot
1980[29]  Nevvostoliitto Nikolai Gnat'uk ven. На ветрах осенних 30 6  Ispuanii[30] 23. elokuudu Флаг Польши Sopot
 Suomi Marion Rung Where Is The love
 Čehoslovuakii Marika Gombatova I Want to Share With You
Vuvves 1981 vuodessah 2007 kilbua ei pietty
2008  Tadžikistuanu Tahmina Nijazova Hero 216 1  Ven'anmua[31] 31. elokuudu Флаг России Soči
Vuvves 2009 täh aigassah kilbua ei pietä

Huomavukset

  1. ↑ История фестиваля в Сопоте. Kačondan päivymiäry: 2. pakkaskuudu 2013. Arhiviiruittu originualaspäi 19. pakkaskuudu 2010
  2. ↑ 1 2 Пять звёзд. Интервидение в Сочи (2008). Красный квадрат. Kačondan päivymiäry: 23. heinykuudu 2017. Arhiviiruittu originualaspäi 6. kevätkuudu 2019
  3. ↑ 1 2 Russia: Intervision To Return This October. Kačondan päivymiäry: 7. heinykuudu 2014. Arhiviiruittu 17. ligakuudu 2015
  4. ↑ Конкурс песни "Интервидение" пройдет в Москве в 2024 году, РИА Новости (21.03.2024). Kačondan päivymiäry: 21. kevätkuudu 2024.
  5. ↑ "Интервидение" могут провести в Москве в начале 2025 года. ТАСС (13. kezäkuudu 2024). Kačondan päivymiäry: 13. kezäkuudu 2024.
  6. ↑ 1 2 Музыкальный конкурс "Интервидение" пройдет в 2025 году в Московском регионе. interfax.ru (3. tuhukuudu 2025). Kačondan päivymiäry: 3. tuhukuudu 2025.
  7. ↑ 1 2 "Интервидение" пройдет 20 сентября, TACC (30 sulakuudu 2025). Kačondan päivymiäry: 30. sulakuudu 2025.
  8. ↑ Lubię wracać tam gdzie byłem - Utwory - Cyfrowa Biblioteka Polskiej Piosenki. Kačondan päivymiäry: 17. talvikuudu 2018. Arhiviiruittu 16. kevätkuudu 2021
  9. ↑ Мелодии и ритмы зарубежной эстрады. Kačondan päivymiäry: 23. sulakuudu 2018. Arhiviiruittu 27. ligakuudu 2020
  10. ↑ Политические скандалы. Kačondan päivymiäry: 28. oraskuudu 2014. Arhiviiruittu 29. oraskuudu 2014
  11. ↑ Международная организация "Интервидение"
  12. ↑ Сроки проведения конкурса «Пять звезд. Интервидение» переносятся (рус.). Kačondan päivymiäry: 24. oraskuudu 2014. Arhiviiruittu originualaspäi 25. heinykuudu 2014
  13. ↑ Международный конкурс «Пять звезд. Интервидение» в этом году не состоится, - КТР (рус.). Kačondan päivymiäry: 24. oraskuudu 2014. Arhiviiruittu originualaspäi 25. heinykuudu 2014
  14. ↑ Intervision: The Russian proposed song contest with China, Central Asia Arhiivukoupii 13 kylmykuudu 2017 Wayback Machine (Shanghaiist: Shanghai News, Food, Arts & Events)
  15. ↑ Putin mulls Intervision Song Contest Arhiivukoupii 16 heinykuudu 2013 Wayback Machine (BBC World Service)
  16. ↑ Vladimir Putin proposes rival to Eurovision Song Contest between Russia and central Asian countries Arhiivukoupii 13 heinykuudu 2015 Wayback Machine (Daily Mail)
  17. ↑ Федоткина, Татьяна На каждое «Евровидение» у России найдется своё «Интервидение» (рус.). Московский комсомолец (21. oraskuudu 2014). Kačondan päivymiäry: 24. oraskuudu 2014. Arhiviiruittu 24. oraskuudu 2014
  18. ↑ Конкурс «Интервидение» откладывается из-за политической ситуации (рус.). Русская служба новостей (26. elokuudu 2014). Kačondan päivymiäry: 2. syvyskuudu 2014. Arhiviiruittu originualaspäi 3. syvyskuudu 2014
  19. ↑ Более 20 стран подтвердили участие в конкуре "Интервидение" в Москве
  20. ↑ Правительство утвердило состав оргкомитета "Интервидения", РИА Новости (25 tuhukuudu 2025). Kačondan päivymiäry: 25. tuhukuudu 2025.
  21. ↑ МИД получит 750 млн руб. на проведение песенного «Интервидения», РБК (21 kevätkuudu 2025). Kačondan päivymiäry: 21. kevätkuudu 2025.
  22. ↑ Shaman представит Россию на «Интервидении», РБК (19 oraskuudu 2025). Kačondan päivymiäry: 19. oraskuudu 2025.
  23. ↑ Представителя РФ на "Интервидении" объявят 19 мая на Первом канале, TACC (18.05.2025). Kačondan päivymiäry: 18. oraskuudu 2025.
  24. ↑ 1 2 Granger, Anthony Russia: Intervision To Return This October. Eurovoix (23. oraskuudu 2014). Kačondan päivymiäry: 26. oraskuudu 2014. Arhiviiruittu 17. ligakuudu 2015
  25. ↑ 1 2 Bartlett, Paul Bearded Lady Spurs Russia to Revive Soviet-Era Song Contest. eurasianet.org (23. oraskuudu 2014). Kačondan päivymiäry: 30. oraskuudu 2014. Arhiviiruittu 25. oraskuudu 2014
  26. ↑ 1 2 Россия нашла замену "Евровидению" (Russian). Arhiviiruittu 9 pakkaskuudu 2019 . Kačondan päivymiäry: 1. kezäkuudu 2014.
  27. ↑ В 1978 году было два победителя, так как СССР и Чехословакия набрали равное количество баллов, а тогда правила не предусматривали дальнейших действий в этом случае.
  28. ↑ Из-за того, что победителями было объявлено две страны, ГДР заняла третье место
  29. ↑ В 1980 году было три победителя, так как СССР, Финляндия и Чехословакия набрали равное количество баллов, а тогда правила не предусматривали дальнейших действий в этом случае.
  30. ↑ Из-за того, что победителями было объявлено три страны, Испания заняла четвёртое место
  31. ↑ Победитель "Интервидения" - Тахмина Ниязова (Таджикистан) (рус.). Первый канал (31. elokuudu 2008). Kačondan päivymiäry: 13. elokuudu 2014. Arhiviiruittu 25. tuhukuudu 2014

Linkat

Lähteh - "https://olo.ruwiki.ru/w/index.php?title=Intervidenii_(pajokilbu)&oldid=126360964"