Itkuvirret
Itkuvirzi on folklouran laji, kudai on tavalline monis muailman kul'tuurois. Itkuvirret ollah vahnimii rahvahanrunohuon lajiloi, niilöi ezitettih vie Muinas-Grecies. Tavan mugah niilöil on oma itkumeloudiekku, niilöis ilmenöy itkettäjän tusku kuduastahto tapahtumas (omahizen kuolendas, voinas, luonnonhiäs da m.i.) Enimis kul'tuurois itkuvirzilöi pajatettih vaiku naizet, ga erähil kanzoil (kurdoil, serboil) oldih erillizet miehien itkuvirret. Itkuvirzilöis eroitetah muahpanendu-, svuad’bu- da rekruuttuitkuvirret.
Itkuvirzilöin kul'tuuru
Ven'alazes rahvahan perindös itkuvirret ollah "itkuvirzikul'tuuran" suuri ala (Т. А. Bernštam), kudamua geniettizesti liitetäh siirdymytaboih. Itkuvirzilöin piäkontekstannu on muahpanendutaba, kudamas kiini ollah žanran piäparametrit da enne kaikkie runohus- da iänisimvouliekku – itkuvirzilöin eričyksenny on se, ku niilöi hyvin kuultah tuonilmazih.
Rahvahan kul'tuuras oldih olemas vagavat kiellot da azetukset itkuvirzilöin pajatandah kuolluon piäl. Eräs piälimäzis koski aigua: itkie itkuvirzilöi sai vaiku valgien aigua. Iče itkugi oli rajoitettu, alevumattomat itkuthäi "upotetah" kuolluttu sil ilmal. Ei suannuh itkie itkuvirzilöi lapsil da naimattomil neidizil (poikkevuksennu oli kuolluon tytär).
Itkuvirzilöin tärgienny ominažuonnu on improvizacii. Niilöi ainos ezitetäh eri luaduh, täs tapahtukses pagin ei ole perindöllizele kul'tuurale tavallizes olemas olijan tekstan muuttelendas. Joga itkuvirzi rodivuu samanaigazesti ritualan todevuttajes. Hos itkettäi käyttäy yhtehizii paikallizii itkuvirziperindölöi, ga joga hänen itkuvirzi rodieu ainavoluaduzekse. Itkuvirzilöil on oma kieli. Niilöis pidi ozuttua kovii tundoloi (alevumattoman gor'an, tuskutundoloin vägevyön), niilöis pidi olla spontannoi paginluadu da pidi noudua kovii ritualumiärävyksii.
Itkuvirzilöi juatah funksieloin mugah kolmeh piäjoukkoh:
- Muahpanendu- da mustajazien itkuvirret
- Svuad'buitkuvirret
- Rekruuttupajot
Erikseh eroitetah jogapäiväzii ritualoin ulgopuolel olijoi itkuvirzilöi, kudamii naizet voidih keksie jygielöis tilois (ezimerkikse, tulipalon jälles, jygielöis ruadolois). Puaksumbah kul'tuuras on olemas muahpanendu- da jogapaiväzii itkuvirzilöi. Svuad'buitkuvirret ollah olemas niilöil alovehil, kus itketändyperindö on kehitynnyh (ezimerkikse, Ven'an pohjazes da suomelas-ugrilazil kanzoil)[1].
Rakendehen da obrazoin sistieman mugah muahpanendu- da svuad'buitkuvirret ylen äijäl erotah toine toizes. Svuad'buitkuvirzilöis andilas ei vaiku ozuta omii tuskii neidizen vällän eloksen loppiettuu, ga ezittäy sežo erästy ritualuroulii, sendäh hänen itkuvirret ollah enimälleh sovindanalazet. Sen sijah muahpanendu- da rekruuttuitkuvirret ollah lähäzet toine tostu. Monikse vuozikse armieh lähtii rekruuttu eruou muanruadajan sociumas, sendäh eruo häneke omahizet pietäh "muahpanijazinnu eläjes".
Keski- da Suvi-Ven'al itkuvirzilöil oli liirine luonneh da net ei oldu pitkät, niilöi itkiettih rečitatiivizesti. Pohjazii itkuvirzilöi itkiettih pajattajen, pitkäzeh da net erottih omal eeppižuol.
Huomavukset
Kirjalližus
- Причитания : [арх. 11 декабря 2022] / Фраёнова Е. М., Зуева Т. В. // Полупроводники — Пустыня [Электронный ресурс]. — 2015. — С. 534. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 27). — ISBN 978-5-85270-364-4.
- Причитания // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Причитание // Литературная энциклопедия
- Причитание // Литературная энциклопедия терминов и понятий / Под ред. А. Н. Николюкина. — Институт научной информации по общественным наукам РАН: Интелвак, 2001. — Стб. 809—810. — 1596 с. — ISBN 5-93264-026-X.
- Земцовский, И. И. Причитания // Музыкальная энциклопедия : в 6 т. / гл. ред. Ю. В. Келдыш. — М. : Советская энциклопедия, 1976. — Т. 4 : Окунев — Симович. — Стб. 887—904. — 1104 стб. — (Энциклопедии. Словари. Справочники.).
- Альтшулер М. С. Русские похоронные причитания. Виды, формы, генезис, бытование, автореферат — 2007
- Поэтика плача в севернорусских причитаниях // Герасимова Н. М. Прагматика текста. Фольклор. Литература. Культура. — СПб., 2012
- Причитания Северного края, собранные Е.В. Барсовым. — СПб., 1997. полный текст 1, 2 ч. 1872 и 1882 г. и.
- Обрядовая поэзия Пинежья: Русский традиционный фольклор в современных записях. — М., 1980.
- Алексеевский М. Д. Мотив оживления покойника в севернорусских поминальных причитаниях: текст и обрядовый контекст // Антропологический форум. — 2007. — № 6. — С. 227–262.
- Конкка У. С. Поэзия печали. Карельские обрядовые плачи. — Петрозаводск, 1992.
- Смирнов В. И. Народные похороны и причитания в Костромском крае. — Кострома, 1920.
- Похоронные причитания на Руси // Журнал «Народное творчество»
- Alexiou M. The Ritual Lament in Greek Tradition. — Cambridge, 1974. (англ.)
- Honko L. Itkuvirsirunous // Kirjoittamaton kirjallisuus. — Helsinki, 1963. — С. 81—128. (фин.)