Kanzoinväline IT-ammattimiehien päivy
| Kanzoinväline IT-ammattimiehien päivy | |
|---|---|
 | |
| Tiippu | Ammatilline pruazniekku |
| Pandih alguh | 14. tuhukuudu vuvvennu 1946 |
| Päivymiäry | 14. tuhukuudu |
| Liittyy | ENIAC:ah |
Kanzoinväline IT-ammattimiehien päivy on ei-virralline ammatilline niilöin ammattimiehien pruazniekku, kenen ruado liittyy tehnolougieloin da digitualizien innovacieloin kehittämizeh IT-alal. Sidä pietäh Ven'al da muailmas 14. tuhukuudu. Pruazniekku on kiini Amierikan Yhtysvallois enzimäzen sähkötiedokonehen luajindah, sit tiedokonehes nygyaigazet konehet suadih perindökse kaksinazen lugusistieman.
Histourii
14. tuhukuudu vuvvennu 1946 Amierikan Yhtysvallois enzikerdua ezitettih ENIAC I — enzimäine sähkötiedokoneh, kudai täytti tovellizii praktiekallizii zaduaččoi. Se luajittih armieh niškoi ballistizien taulukkoloin da toizien laskendoin lugemizekse, se tarvičči tarkuttu. Nimenomah tädä tiedokonehtu käytettih siän ennustelendas, mi oli tärgei lendovoimih niškoi. ENIAC:as oli opertiivine musto 4 GB, sil ei olluh nygyaigazeh käyttäjäh niškoi tavallizii näyttyö da näppäimistyö, se oli ylen suuri, sijoitui pindualale läs 135 m² da painoi 27 tonnua[1]. ENIAC I ruadoi vuvven 1955 ligakuun 2. päiväh 23.45 čuassuh suate, sit se riičittih.
Piendy
Kanzoinvälisty IT-ammattimiehien päiviä pietäh tiedokonehinženierat, ohjelmoiččijat, kehittäjät, sistiemuhaldivoiččijat, tekstan näppäilijät, web-dizainerat da proufiliopastuslaitoksien opastajat[2].
Ven'al pietäh sežo Ohjelmoiččijan päiviä. Sidä pietäh vuvven 256. päivänny, sendäh ku noumeral 256 on erilline merkičys ohjelmoičendumuailmas — se on kakkozen potensii da yhten baitan maksimualline lugu. Pruazniekkua pietäh 12. libo 13. syvyskuudu, se rippuu sit, mi on päiviä vuvves[3].
Muailmas heinykuun jälgimäzenny piätteniččän pietäh sežo Sistiemuhaldivoiččijan päiviä. Sen piendyidei tuli piäh sistiemuhaldivoiččijale Ted Kekatosale Čikagospäi. Enzikerdua pruazniekkua piettih 28. heinykuudu vuvvennu 2000. Samannu vuon Riiman pappi Ioann Puavil II sanoi Pyhän Isidor Sevil’skoin tiedokonehien da internetan käyttäjien akkiloiččijakse[4].
Sidä paiči on olemas Muailman sähkö- da tiijoitusyhtevyksen päivy[5].
Perindöt
Proufililaitoksis pietäh erilazii pidoloi — luvendoloi, seminuaroi, ozutteluloi. Piendypäivinny da laitoksien illaččuloin aigah parahii ammattimiehii palkitah diplomoil da palkindoloil.
Huomavukset
- ↑ 14 февраля — Всемирный день компьютерщика: о празднике и его традициях, Известия (13 tuhukuudu 2024). Kačondan päivymiäry: 3. tuhukuudu 2025.
- ↑ Когда Всемирный день компьютерщика 2022 и как его отмечают, Толк (14 tuhukuudu 2022). Kačondan päivymiäry: 3. tuhukuudu 2025.
- ↑ Кравченко, Анастасия. День компьютерщика в 2025 году: влюбленные в технологии, ВФокусе Mail (20 pakkaskuudu 2025). Kačondan päivymiäry: 3. tuhukuudu 2025.
- ↑ Александра Киселёва. Производственный календарь айтишника — 2025: праздники компьютерщиков, программистов и других IT-специалистов, Skillfactory media (26 talvikuudu 2024). Kačondan päivymiäry: 3. tuhukuudu 2025.
- ↑ День компьютерщика 2025: какого числа, история и традиции всемирного праздника. Kačondan päivymiäry: 3. tuhukuudu 2025.