Kanzoinväline jiäkondien päivy
| Kanzoinväline jiäkondien päivy | |
|---|---|
 | |
| Virrallizesti | International Polar Bear Day |
| Toizin | Kanzoinväline jiäkondien päivy |
| Sežo | Jiäkondien päivy |
| Pandih alguh | 2008 |
| Pietäh | joga vuottu |
| Päivymiäry | 27. tuhukuudu |
Kanzoinväline jiäkondien päivy (angl. International Polar Bear Day) on pruazniekku, kudamua pietäh 27. tuhukuudu jiäkondies tiedoloin levittämizekse da sen suojeluh yhteiskunnan huomavon kiinittämizekse. Sen pandih alguh Kanzoinvälizen jiäkondien suojeluliiton aktivistat (Polar Bears International) vuvvennu 2008[1].
Jiäkondii on suurin mual eläi imettäjih kuului pedoelätti. Se on otettu Ven'an, Kanuadan da Amierikan Yhtysvaldoin Ruskieloih kniigoih, sežo Kanzoinvälizen luonnonsuojeluliiton Ruskieh kniigah[2]. Jälgimäzekse mainitun mugah kuuluu "varattavih lajiloi".
Histourii
Pruazniekkua kehoitettih pidiä Kanzoinvälizen jiäkondien suojeluliiton aktivistat (Polar Bears International - PBI). Tämä yhteiskunnalline yhtistys perustettih vuvvennu 2000 da se rodih pienen Amierikan Yhtysvallois vuvvennu 1992 roinnuon Polar Bears Alive -yhtevyksen jatkajannu.
Kanzoinvälizen jiäkondien suojeluliiton ruavonnu on jiäkondien popul'acien säilyttämine: joukkoviestimien avul, yhtes luonnontutkijoinke da toizien aktivistoinke, sen ozanottajat levitetäh tiedoloi nämmis elättilöis, sanellah, kui on tärgei säilyttiä nämmii elättilöi da luadie niilöih nähte pädijöi eländyololoi.
Tavan mugah Kanzoinvälizen jiäkondien päivän hantuzis pietäh tiemuattizii kaikilekuulujii akcieloi da opastuspidoloi. Niilöin alguhpanijoinnu enimyölleh ollah ekolougizet da luonnonsuojeluyhtistykset, zooparkatgi[3][4] da rauhoitetut alovehet.
Ven'al
Ven'a on Jiäkondien suojelusobimuksen ozanottajannu - monenkeskizen Oslos 15. kylmykuudu vuvvennu 1973 kirjutetun sobimuksen ozanottajannu, sen allekirjutettih viijen valdivon halličukset: Kanuadan, Daanien (Grenlandien), Norviegien (Špicbergen), Amierikan Yhtysvaldoin da Nevvostoliiton halličukset. Sobimus allekirjutettih sendäh, ku rubei kazvamah tarkastamatoi jiäkondien mečästys vuozinnu 1960 da 1970, min periä väheni niilöin popul'acii.
Vuvves 2007 algajen Sobimukseh yhtynyöt muat pietäh vastavuksii, kudamis paistah ruavon tuloksis da piätetäh tulielois ruadolois.
Nenga vuvvennu 2015 hyväksyttih ruadopluanu kymmenekse vuvvekse jiäkondien koskemattomas luonnos säilyttämizekse[5]. Kevätkuul vuvvennu 2020 luajittih yhtehizen ruavon väliyhtehvedoloi da šeikuittu ruavot tuliekse aigua[6]. Erähäkse ruadolois rodih jiäkondien monitouringan da luvendan piendy, lajin sugupuoli- da igätiedoloin uvvistandu, popul'acien joukkoloin da eländykohtien tilan arvostandu vuodessah 2024.
"Jiäkondieloin lugemine"
Jiäkondieloin lugemizekse syvyskuul vuvvennu 2022 Ven'al algavui tutkimusmatku "Jiäkondieloin lugemine" (ven. «Беломедвежья перепись»), kuduadu piettih Ven'an luonnonvaroin ministerstvan todevutetun kanzallizen Ekolougii-projektan federuallizen Luonnon moniluadužuon säilyttämine da ekolougizen matkailun kehittämine -projektan hantuzis.
Sen enzimäine oza todevutettih Vrangel'an suarel, kus azientiedäjät pandih kirjoile 864 pedoelättii. Toizen ozan aigah ven. «Медвежьи острова»-rauhoitetul alovehel Jakuutien tazavallas ligakuul vuvvennu 2023 lendäjättömien ilmuapparuattoin avul löyttih enämbi 150 jiäkondiedu[7].
Kanzoinväline tiedo-praktiekalline konferensii "Jiäkondien muailmu"
Koneferensiedu, kudaman tarkoituksennu on jiäkondien popul'acien säilyttämine da tiedoloin levittämine suurimas mual eläjäs pedoelätis, pietäh Ven'al Čukotkan avtonoumizen alovehen piämiehen alguhpanos vuvves 2017 algajen. Vuozinnu 2021—2023 "Jiäkondien muailmu" on otettu Ven'an Arktizes Nevvostos ezitystön piätapahtumien pluanah.
Vuvvennu 2023 konferensii piettih Ven'an luonnovaroin ministerstvan, Ven'an rauhoitettuloin alovehien keskuksen, Ven'an muantiedoliiton, Ven'an tiedoakadiemien Ekolougien da evol'ucien probliemoin instituutan, Ekofaktor-ekokeskuksen yhtesruavonnu yhtel aigua kahtel ploščadkal — Moskovas da Anadiris telekonferensiennu[8].
Huomavukset
- ↑ Международный день полярного медведя. Общество дикой природы. Kačondan päivymiäry: 26. tuhukuudu 2024.
- ↑ Юлия Петрова. Белых медведей защитит международная конвенция. ВОО "Русское географическое сообщество" (12. kylmykuudu 2014). Kačondan päivymiäry: 26. tuhukuudu 2024.
- ↑ Московский зоопарк представит программу сохранения белых медведей - Российская газета, Российская газета (24 sulakuudu 2017). Kačondan päivymiäry: 26. tuhukuudu 2024.
- ↑ Никита Камзин. Как сохранить популяцию белых медведей, рассказали в Московском зоопарке. Вечерняя Москва (7. elokuudu 2020). Kačondan päivymiäry: 26. tuhukuudu 2024.
- ↑ Россия и ещё 4 страны приняли план по сохранению белого медведя. ИА Регнум (10. syvyskuudu 2015). Kačondan päivymiäry: 27. tuhukuudu 2024.
- ↑ Пресс-служба Минприроды России. Нацпроект «Экология»: планы Российской Федерации по сохранению белого медведя представлены на международной встрече стран ареала вида. Министерство природных ресурсов и экологии Российской Федерации (11. kevätkuudu 2020). Kačondan päivymiäry: 27. tuhukuudu 2024.
- ↑ Пресс-служба Минприроды России. Чистоплотный охотник и отличный пловец: 27 февраля в мире отмечают День полярного медведя. Министерство природных ресурсов и экологии Российской Федерации (27. tuhukuudu 2024). Kačondan päivymiäry: 27. tuhukuudu 2024.
- ↑ 19-21 марта VII международная конференция «Вселенная белого медведя» объединит экспертов, изучающих крупнейшего наземного хищника планеты. РОСЗАПОВЕДЦЕНТР (15. tuhukuudu 2024). Kačondan päivymiäry: 27. tuhukuudu 2024.
Kirjalližus
- Яковлев Федор Георгиевич, Слепцов Руслан Вячеславович. Мониторинг белого медведя на северо-востоке Якутии // Арктика XXI век. Естественные науки. — 2017. — № 1 (5).
- А. Е. Берсенев, П. В. Кочкарев, Д. С. Зарубин, А. А. Кульпин, Е. А. Федосеева. Учет численности белого медведя в восточной части Карского моря и в западной части моря Лаптевых // Проблемы региональной экологии. — 2020. — № 2. — doi:10.24411/1728-323X-2020-12069.
- Беликов С.Е., Болтунов А.Н. Белый медведь в районе архипелага Земля Франца-Иосифа: история и результаты исследований, проблемы охраны и пути их решения // Труды Кольского научного центра РАН. — 2014. — № 4 (23).
- Горчаковский Андрей Александрович. Белый медведь на острове Шокальского (Ямало-Ненецкий автономный округ) // Фауна Урала и Сибири. — 2015. — № 1.
- Некипелова Е.О., Буянов И.Ю., Шушакова М.М., Третинникова Т.Н. Адаптация белых медведей к условиям парка флоры и фауны "Роев ручей" // Вестник Красноярского государственного аграрного университета. — 2020. — № 1 (154).
- Зингер Е.М. Символ Арктики // Жизнь Земли. — 2019. — № 1.
- Железнов-чукотский Николай Константинович, Пажетнов Валентин Сергеевич. Резолюция VIII-й Всероссийской конференции специалистов, изучающих медведей в России // Научный диалог. — 2012. — № 2.
- Гуков Александр Юрьевич. Усть-ленский заповедник и устойчивое развитие арктических районов Якутии // Труды Тигирекского заповедника. — 2010. — № 3.
- Рябицев Вадим Константинович, Рябицев Артур Вадимович, Тарасов Владимир Васильевич. К фауне млекопитающих Среднего и Северного Ямала // Фауна Урала и Сибири. — 2015. — № 1.