Kanzoinväline jougan päivy
| Kanzoinväline jougan päivy | |
|---|---|
 | |
| Merkičys | levittiä tiedoloi jougas da ruveta sidä harjaittelemah |
| Pandih alguh | vuvvennu 2015 |
| Alguhpanii | Yhtistynnyzien Kanzukundien Piäassamblei |
| Päivymiäry | 21. kezäkuudu |
| Liittyy | jougas, meditacies, kul'tuurupidolois, tervehyös da matkailus. |
 Медиафайлы на РУВИКИ.Медиа | |
Kanzoinväline jougan päivy on pruazniekku, kudamua pietäh vuvves 2015 algajen kezäkuun 21. päivänny. Sen pani alguh Yhtistynnyzien Kanzukundien Piäassamblei vuvvennu 2014. Indien piäministru Narendra Modi kiändyi Yhtistynnyzien Kanzukundien puoleh kehoituksenke pidiä 21. kezäkuudu Kanzoinvälisty jougan päiviä, sendäh ku se on pitkevin päivy vuvves (päivänseizavuspäivy) Pohjazes muanpuoliškos da sil on merkičys muailman eri kolkis.
Jougu on Indien muinazien perindölöin kallis lahju. Se yhtistäy ičessäh hengen da rungan yhtenäžätty; mielet da toimet, sežo luonnon da ristikanzan välizen sovun da kogonazen kačondan tervehyöh da hyvinvoindah nähte. Pagin ei ole fiizizis harjaituksis, a yhtenäzyöntunnon avuandas oman ičen, muailman da luonnonke. Ku myö muuttanemmo meijän eloksentavan da luajimmo uvven ellendyksen - se auttau kaikkien hyvinvoindas. Luajikkuammo Kanzoinvälizen jougan päivän [1]
Histourii
Yhtistynnyzien Kanzukundien Piäassamblei 12. talvikuudu vuvvennu 2014 on hyväksynnyh kezäkunn 21. päivän Kanzoinvälizekse jougan päiväkse. Indien kehoitetun rezol'ucien kannatti 175 valdivuo, kudamat oldih Piäassambleis[2].
Kogo muailmas 21. kezäkuudu vuvvennu 2015 jougan suvaiččijat da ammattiharjaittelijat piettih I Kanzoinvälisty jougan päiviä. Moskovas piäpido oli Festivualilagevol Sokol'niki-puustos. Sen luadijannu oli Moskovas Indien posol'stvan tyves ruadai Džavaharlal Nerun nimine kul'tuurukeskus.
Vuvvennu 2016 II Kanzoinvälisty jougan päiviä piettih Puškinan randupihal Gor'koin puustos. Moskovas Indien posol'stvan tyves ruadai Džavaharlal Nerun nimine kul'tuurukeskus tostu kerdua oli pruazniekan luadijannu. II Kanzoinvälisty jougan päiviä piettih Ven'an Federacien 50 alovehel[3].
Päivän tiemu
- Vuozi 2018 — "Jougu muailman hyväkse"