Kanzoinväline kniigoin lahjoitandupäivy
| Kanzoinväline kniigoin lahjoitandupäivy | |
|---|---|
 | |
| Pandih alguh | 2012 |
| Pietäh | joga vuottu |
| Päivymiäry | 14. tuhukuudu |
Kanzoinväline kniigoin lahjoitandupäivy on pruazniekku, kudai on omistettu kniigoin da kirjalližuon suvaičendale. Sidä pietäh muailmas joga vuottu 14. tuhukuudu[1].
Histourii
Kanzoinvälizen kniigoin lahjoitandupäivän idei kuuluu opastajale, kirjuttajale da kahten lapsen muamale Emma Perrile Angliespäi. Häi kirjuttau lapsien kniigoi, vedäy omua bloggua da verkosivustuo, kunne sijoittau omii tevoksii, sanelou toizien kirjuttajien tevoksis da andau nevvuo tiluajile sit, mittumii kniigoi vallita lapsile lugiettavakse. Vuvvennu 2012 Perri kehoitti pidiä kniigoin lahjoitandanpäivän. Enziallus pruazniekkua kannatettih Yhtistynnyös Kuningaskunnas, jälles se rodih kanzoinvälizekse. Vuvven 2024 tiedoloin mugah akcieh otetah ozua kirjuttajat, julguamot, hyvyönluajinduyhtistykset, kirjastot muailman 40 muas[2].
Piendy
Kniigoin lahjoitandupäivänny kogo muailmas on perindönny lahjoittua kniigoi ystävile da lähäzile, andua niilöi kirjastoloih, školih da hyvyönluajinduyhtistyksih. «Kniigoinsuvaiččijat» pietäh akcieloi, kudamien tarkoituksennu on ližätä kiinnostustu lugemizeh[3].
Kniigoin lahjoitandupäivy Ven’al
Vuozi vuottu Ven'al tämä pruazniekku rodieu vai kuulužembakse. Kanzoinvälisty kniigoin lahjoitandupäiviä vaste pietäh tiedo-praktiellizii akcieloi, kudamis huomavuo kiinitetäh keskikazvuhizih da nuorižoh. Kanzoinvälizele kniigoin lahjoitandupäiväle omistetut pivot tavan mugah algavutah nedäli enne 14. pakkaskuudu da niilöih otetah ozua kuulužat kirjuttajat, kirjastot, yhteiskunnallizet yhtistykset, školat da yliopistot, kudamat tavoitellah ližätä kiinnostustu lugemizeh[4].
Huomavukset
- ↑ Кто придумал День книгодарения и что вручить близким: собрали несколько идей, ЧИТА.ру (9 tuhukuudu 2024). Kačondan päivymiäry: 26. talvikuudu 2024.
- ↑ День книгодарения 2024: что это за праздник и когда его отмечают, РБК Life (14 tuhukuudu 2024). Kačondan päivymiäry: 26. talvikuudu 2024.
- ↑ Неделя книгодарения в России: библиофилов ждут встречи с писателями и кинопоказ - Российская газета, Российская газета (7 tuhukuudu 2024). Kačondan päivymiäry: 26. talvikuudu 2024.
- ↑ Международный день книгодарения 2025: какого числа, история и традиции праздника. Kačondan päivymiäry: 26. talvikuudu 2024.