Kanzoinväline kosmosan päivy
| Kanzoinväline kosmosan päivy | |
|---|---|
 | |
| Pandih alguh | 1998 |
| Alguhpanii | astronaftu Endi Tomas |
| Pietäh | joga vuottu |
| Päivymiäry | 21. oraskuudu |
Kanzoinväline kosmosan päivy (ei pie sevoittua Kosmonaftiekan päivänke) on ei-virralline pruazniekkupäivy, kudamua pietäh eri mualois 21. oraskuudu. Päivy on omistettu Muailman kaikkežuon vällyön čomuole da suuruole. Sinäpiän prazniekanke hyvitelläh kosmonaftoi, tiedomiehii da kaikkii toizii, kenen ruado on kiini kosmossupaikas da sen tutkimizes.
Histourii
Pruazniekkua ruvettih pidämäh XX vuozisuan loppupuolel. Vuvvenu 1998 panna allun tälle pruazniekale ehoitti astronaftu Endi Tomas, sil aigua häi Mir — Šattl -programman hantuzis oli Mir-orbiittustansiel laivan toizennu ohjuajannu. Se oli jälgikerdu, konzu NASAn astronaftat lennettih ven’alazele orbiittustansiele, sen jälgeh hyö jo ruvettih pidämäh omii kosmossututkimuksii[1]. Tomas ehoitti ilmoittua 21. oraskuudu Kanzoinvälizekse kosmosan päiväkse, kudai roihes omistettu kosmosan arvoituksile da peittožuole sego tiedomiehien suavutuksile kosmosan tutkimizen alal. Ehoitustu kannatettih muailman äijis mualois[2].
Pruazniekan piendytavat
Kanzoinvälizenny kosmosan päivänny pietäh tiijollizii pidoloi kosmosan arvoituksis, kosmonaftoin tutkimusruadolois sego uuzis pluanois Muailaman kaikkežuon ellendämizekse. Pietäh luvendoloi da seminuaroi, kudamil tulluzil on mahto kyzellä da tiijustua jälgimäzis suavutuksis kosmosan tutkimusalal. Järjestetäh konferensieloi da pyöryžy stola -pidoloi, kudamien aigua eri mualoin kosmosan valloittajat da tutkijat specialistat juatah suaduloi neroloi omile ruadodovarišoile.
Sinäpiän kosmonaftat, ket sil aigua ollah Kanzoinvälizel kosmussustansiel (ven. МКС) pietäh suorii lähetyksii. Hyö ozutetah omua eländiä-olendua painottomuksen ololois.
Pruazniekan nimeh Planiettukeskuksis pietäh ezityksii da akcieloi, muzeilois — temuattizii ozutteluloi. Puaksuh pietäh fleš-moboi: rahvas ymbäri muailmua viuhkutetah käzil yötaivahah päi, nenga hyö kaikin hyvitelläh kosmossua sen päivänke[3].
Gallerei
Kanzoinvälizel kosmussustansiel
Mua. Nägöala kosmosaspäi
Kosmonaftu Oleg Kononenko
Linnunrada
Huomavukset
- ↑ 21 мая отмечается Международный день космоса. lb.kemsu.ru. Кемеровский государственный университет. Kačondan päivymiäry: 25. sulakuudu 2025.
- ↑ 21 мая – Международный день космоса. felicina.ru. Музей Фелицына. Kačondan päivymiäry: 25. sulakuudu 2025.
- ↑ 21 мая — Международный день космоса: история и традиции праздника, Известия (20 oraskuudu 2023). Kačondan päivymiäry: 25. sulakuudu 2025.