Kanzoinväline lapsen kniigan päivy

On otettu Рувики-späi
Kanzoinväline lapsen kniigan päivy
Anadolu Çocuk.jpg
Merkičys

Kehoitus kunnivoija lapsen kirjalližuon panostu lapsien persounan muvvostundah.

Kiinittiä huomavuo kirjalližuoh, kniigutaidoh da kul’tuurah.
Pandih alguh vuvvennu 1967
Alguhpanii Jella Lepman
Pietäh Kanzoinväline pruazniekku
Päivymiäry 2. sulakuudu
Perindöt

Kirjazen kirjutandu muailman lapsile. Plakuatan luajindu.

Erilazien pidoloin valmistandu da piendy.
Логотип РУВИКИ.Медиа Медиафайлы на РУВИКИ.Медиа

Kanzoinväline lapsen kniigan päivy on kanzoinväline pruazniekku, kudamua joga vuottu pietäh 2. sulakuudu. Pruazniekku kehoittau kunnivoija lapsen kirjalližuon panostu lapsien persounan muvvostundah. Sen tarkoituksennu on kiinittiä huomavuo kirjalližuoh, kniigutaidoh da kul’tuurah, lapsen kniigan suadavuon da lapsen lugemizen levittämizen probliemoih[1].

Histourii

Kanzoinvälizen lapsen kniigan päivän pani alguh vuvvennu 1967 ei-kaupalline yhtistys "Kanzoinväline lapsen kniigan nevvosto" (IBBY). Se sovitettih lapsen kirjuttajan Hans Kristian Andersenan roindupäiväkse da sidä joga vuottu pietäh 2. sulakuudu[2][3][4].

Kanzoinväline lapsen kniigan päivy pandih alguh germuanielazen kirjuttajan da kul'tuurualan ruadajan, Kanzoinvälizen lapsen kniigan nevvoston perustajan Jella Lepmanan kehoitukses[5].

Libros infantís.jpg

«Andakkua meijän lapsile kniigat da työ annatto heile siivet», germuanielaine kirjuttai Jella Lepman[6].

Perindöt

Joga vuottu pruazniekan denganandajannu on eräs Kanzoinvälizen lapsen kniigan nevvoston Kanzallizis ozastolois[7].

Vallitah lapsien kirjuttai, kudai rubieu kirjuttamah kirjastu kogo muailman lapsile, da taidoilii, kenen plakuattu rodieu pruazniekan simvolakse vuvven aijakse. Kai luajitut materjualat käytetäh tuliel aigua kniigoin popul'arizaciekse da lugemizeh harjaittamizekse[1][7].

  • Kerran kahtes vuvves juatah Kanzoinvälisty H. K. Andersenan palkinduo  (ven.) (olo. parahile lapsien kirjuttajile da taidoilijoile, heile annetah Kuldumedali H. K. Andersenan sivukuvanke. Kunnivokirjazii suajah lapsien kniigoin kuvittajat da kiändäjät[7].
Liran rahvahallizen kirjaston lapsien ozasto

Pivot

Perindöllizesti Kanzoinvälizenny lapsen kniigan päivänny pietäh moizii pidoloi kui[7]:

  • opastuksellizet ozuttelut;
  • ezitykset;
  • lapsien tevoksile omistetut festivualit;
  • kilvat, päivykečoit, kudamih kučutah tundiettuloi kirjuttajii da runoilijoi;
  • uuzien lapsien kniigoin prezentaciet.

Pruazniekan luadijat muat

"Hanhi-muatuškan rifmat" I. Rodinan kiännökses

Vuvvennu 1943 lapsien kirjuttajan L. A. Kassil’an kehoitukses Moskovas Nevvostoloin taloin Kolonnuzualas školas opastujih niškoi piettih pruazniekku «Kniigan nimpäivät». Pruazniekkua piettih joga vuottu[8].

  • Sih otettih ozua moizet lapsien kirjuttajat kui S. J. Maršak, K. I. Čukovskii. A. L. Barto, S. V. Mihalkov, M. M. Prišvin da toizet[8].

Vuvvennu 1987 Moskovu vallittih Kanzoinvälizen lapsen kniigan päivän luadijakse[9].

  • Kirjazen lapsile kirjutti lapsien kirjuttai, kanzoinvälizen lapsen kniigan nevvoston Ven’an ozaston alguhpanii S. V. Mihalkov. Plakuatan taidoilijannu oli rahvahan kirjuttai V. A. Čižikov[9].

Vuvvennu 2014 pruazniekan luadijannu oli Irlandii. Sen tiemannu oli "Tiijusta muailmua kniigoin lugijen"[1].

  • Kirjazen kirjuttajannu oli irlandielaine kirjuttai Šivon Parkinson. Plakuatan piirustajannu oli lapsien kniigoin kuvittai Niam Šarki[1].

Vuvvennu 2017 Moskovas kirjazen kirjuttajannu oli lapsien kirjuttai S. A. Mahotin, plakuatan luadijannu - taidoilii M. A. F’odorov[9].

Vuvvennu 2018 pruazniekan luadijannu oli Latvii[9].

  • Kniigas pieni rodieu suurekse -kirjazen kirjuttajannu oli kirjuttai Inese Zandere. Plakuatan luadijannu oli taidoilii Reinis Petersons[9].

«…Lapsien kniigu on pienen suuruon kunnivoiččemine. Se on muailman joga kerdua uvvessah da uvvessah luajindu, se on vagavan kižalline kaunehus, ilmai kudamua kai da lapsien kirjalližusgi on vaiku tyhjänpäiväine hommu», kirjaine «Kniigas pieni rodieu suurekse», kudaman valmisti Inese Zandere[9].

Vuvvennu 2024 pruazniekan luadijannu oli Japounii[7].

  • Japounien kirjuttai Eiko Kadono kirjutti kirjazen lapsile. Japounien taidoilii Nana Furija luadi plakuatan. Kanzoinvälizen lapsen kniigan päivän piäsanakse rodih kuvittelemine. Kirjazen tarkoituksennu oli lapsien kuvittelemizen kehittämine, kui tirpažuon ozuttamizen da lapsien keskenäzen ellendyksen tulos[7].

Kačo ližäkse

Huomavukset

  1. ↑ 1 2 3 4 Международный день детской книги, РИА Новости (20140402T0309). Kačondan päivymiäry: 12. kevätkuudu 2025.
  2. ↑ Ивановская областная библиотека для детей и юношества — Мир библиографии: Премии имени Х. К. Андерсена — 45 лет! Kačondan päivymiäry: 4. sulakuudu 2008. Arhiviiruittu 2. talvikuudu 2013
  3. ↑ Андерсену посвящается
  4. ↑ Лента новостей «РИА Новости» — День в истории — 2 апреля. Kačondan päivymiäry: 4. sulakuudu 2008. Arhiviiruittu 13. sulakuudu 2008
  5. ↑ К Международному дню детской книги — Новости и афиша музеев России — www.Museum.ru. Kačondan päivymiäry: 2. sulakuudu 2009. Arhiviiruittu 7. kevätkuudu 2016
  6. ↑ Международный день детской книги (рус.). oksanasychova-ds9-kusa.educhel.ru. Kačondan päivymiäry: 12. kevätkuudu 2025.
  7. ↑ 1 2 3 4 5 6 Черненкова, Марина. Как появился Международный день детской книги, Общественная служба новостей (1 sulakuudu 2024). Kačondan päivymiäry: 12. kevätkuudu 2025.
  8. ↑ 1 2 Международный день детской книги 2025: какого числа, история и традиции праздника. Kačondan päivymiäry: 12. kevätkuudu 2025.
  9. ↑ 1 2 3 4 5 6 международный день детской книги (2 апреля) — история праздника и традиции | Занимательные факты (младшая группа): | Образовательная социальная сеть (рус.). nsportal.ru. Kačondan päivymiäry: 12. kevätkuudu 2025.

Linkat

Lähteh - "https://olo.ruwiki.ru/w/index.php?title=Kanzoinväline_lapsen_kniigan_päivy&oldid=126348759"