Kanzoinväline mustopaččahien da histouriellizien kohtien päivy

Kanzoinväline mustopaččahien da histouriellizien kohtien päivy
On pandu alguh	1983
Päivymiäry	18. sulakuudu

Kanzoinväline mustopaččahien da histouriellizien kohtien päivy (Muailman perindön päivy) on pruazniekku, kudamua pietäh 18. sulakuudu.

Histourii

Pruazniekan pani alguh vuvvennu 1983 UNESCON tyves perustettu Kanzoinväline mustopaččahien da nähtävyksien suojelun azieloin nevvoston assamblei, sen tarkoituksekse rodih yhteiskunnan huomavon kiinittämine muailman kul'tuuruperindön suojelun kyzymyksih. Enzikerdua valdivoloinvälizel tazol pruazniekkua piettih 18. sulakuudu vuvvennu 1984.

Piendytavat

Kanzoinväline mustopaččahien da histouriellizien kohtien päivän hantuzis pietäh konferensieloi kul'tuuruperindön säilyttämizes da suojelemizes da toizii pidoloi da tapahtumii. Erähih muzeiloih sinäpiän ihan kui Kanzoinvälizenny muzeiloin päivänny suau kävvä ilmai ostettuu lippuu. Sežo kävyjät voijah tulla kaččomah arhitektuurukompleksoi da histouriellizii taloloi, kudamat enimyölleh ollah salvas kaččojih da kävyjih niškoi.

Joga vuottu ICOMOS kehoittau pruazniekan piendytieman. Jälgivuozinnu net oldih moizet:

• histourielline perindö da matkailu;
• histourielline perindö da sugupolvien yhtevys;
• sportuperindö;
• yhtehizet kul'tuurat, yhtehine perindö, yhtehine vastus.

Vallittu tiemu rodieu piälimäzekse tämän päivän kaikis ammatillizis da massupidolois.

Tiemat

• 2001: Pellastakkua meijän histouriellizii kylii
• 2002: ХХ vuozisuan perindön säilyttämine  
• 2003: Vienalaine kul'tuuruperindö
• 2004: Arhitektuuru da perindö mual
• 2005: Kanzoinvälizen mustopaččahien da nähtävyksien suojelun azieloin nevvoston assamblein 40-vuozipäivy
• 2006: Tevolližuon perindö
• 2007: Kul'tuurumuapaikat da luonnon mustomerkit 
• 2008: Uskondoperindö da pyhät kohtat
• 2009: Perindö da tiedo
• 2010: Muatalovusperindö
• 2011: Vien kul'tuuruperindö
• 2012: Muailman perindö
• 2013: Opastuksen perindö
• 2014: Mustoperindö
• 2015: Kanzoinvälizen mustopaččahien da nähtävyksien suojelun azieloin nevvoston assamblein 50-vuozipäivy
• 2016: Sportan perindö
• 2017: Kul'tuuruperindö da pyzyi matkailu
• 2018: Perindö sugupolviloih nähte
• 2019: Kylän ymbäristökuvat  ​
• 2020: Yhtehizet kul'tuurat, yhtehine perindö, yhtehine vastus
• 2021: Vaigei mennyh aigu: moniluaduine tulii aigu
• 2022: Perindö da ilmasto
• 2023: Perindö transformacies
• 2024: Luonnonhiät da konfliktat Venecianskoin hartien nägökohtas

Linkat

• International Day for Monuments and Sites 2008 Kanzoinvälizen mustopaččahien da nähtävyksien suojelun azieloin nevvoston assamblein verkosivustol  (angl.)